헬라어 문장 검색 - Διοδορ́Βιβλιοτ́3́31́

(디오도로스 시켈로스, Bibliotheca Historica, book 3, chapter 30)

τῷ δὲ ἔθνει τούτῳ χώρα παρήκει κατὰ τὸ μέγεθοσ πολλὴ καὶ κατὰ τὰσ τῆσ νομῆσ ποικιλίασ ἀγαθή· ἔρημοσ δ’ ἐστὶ καὶ παντελῶσ ἄβατοσ, οὐκ ἀπ’ ἀρχῆσ σπανίζουσα τοῦ γένουσ τῶν ἀνθρώπων, ἀλλ’ ἐν τοῖσ ὕστερον χρόνοισ ἔκ τινοσ ἐπομβρίασ ἀκαίρου πλῆθοσ φαλαγγίων καὶ σκορπίων ἐξενέγκασα. τοσοῦτο γὰρ ἱστοροῦσιν ἐπιπολάσαι τῶν εἰρημένων θηρίων πλῆθοσ ὥστε τοὺσ κατοικοῦντασ ἀνθρώπουσ τὸ μὲν πρῶτον πανδημεὶ κτείνειν τὸ τῇ φύσει πολέμιον, ἀπεριγενήτου δὲ τοῦ πλήθουσ ὄντοσ καὶ τῶν δηγμάτων ὀξεῖσ τοῖσ πληγεῖσι τοὺσ θανάτουσ ἐπιφερόντων, ἀπογνόντασ τὴν πάτριον γῆν τε καὶ δίαιταν φυγεῖν ἐκ τῶν τόπων.

οὐ χρὴ δὲ θαυμάζειν οὐδὲ ἀπιστεῖν τοῖσ λεγομένοισ, πολλὰ τούτων παραδοξότερα κατὰ πᾶσαν τὴν οἰκουμένην γεγονότα διὰ τῆσ ἀληθοῦσ ἱστορίασ παρειληφότασ. περὶ γὰρ τὴν Ἰταλίαν μυῶν πλῆθοσ ἀρουραίων ἐγγεννηθὲν τοῖσ πεδίοισ ἐξέβαλέ τινασ ἐκ τῆσ πατρίου χώρασ, κατὰ δὲ τὴν Μηδίαν ἐπιπολάσαντεσ ἀμύθητοι στρουθοὶ καὶ τὰ σπέρματα τῶν ἀνθρώπων ἀφανίζοντεσ ἠνάγκασαν εἰσ ἑτερογενεῖσ τόπουσ μεταστῆναι, τοὺσ δὲ καλουμένουσ Αὐταριάτασ βάτραχοι τὴν ἀρχέγονον σύστασιν ἐν τοῖσ νέφεσι λαμβάνοντεσ καὶ πίπτοντεσ ἀντὶ τῆσ συνήθουσ ψεκάδοσ ἐβιάσαντο τὰσ πατρίδασ καταλιπεῖν καὶ καταφυγεῖν εἰσ τοῦτον τὸν τόπον ἐν ᾧ νῦν καθίδρυνται.

καὶ μὴν τίσ οὐχ ἱστόρησεν Ἡρακλεῖ τῶν ὑπὲρ τῆσ ἀθανασίασ ἄθλων συντελεσθέντων ἕνα καταριθμούμενον καθ’ ὃν ἐξήλασεν ἐκ τῆσ Στυμφαλίδοσ λίμνησ τὸ πλῆθοσ τῶν ἐπιπολασάντων ὀρνίθων ἐν αὐτῇ;

ἀνάστατοι δὲ κατὰ τὴν Λιβύην πόλεισ τινὲσ ἐγένοντο πλήθουσ λεόντων ἐπελθόντοσ ἐκ τῆσ ἐρήμου. Ταῦτα μὲν οὖν ἡμῖν εἰρήσθω πρὸσ τοὺσ ἀπιστωσ διὰ τὸ παράδοξον πρὸσ τὰσ ἱστορίασ διακειμένουσ· πάλιν δ’ ἐπὶ τ ὰσυνεχῆ τοῖσ προειρημένοισ μεταβησόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 30

(디오도로스 시켈로스, Bibliotheca Historica, book 3, chapter 30)

상위

목록

SEARCH

MENU NAVIGATION