헬라어 문장 검색 - Διοδορ́Βιβλιοτ́3́22́

(디오도로스 시켈로스, Bibliotheca Historica, book 3, chapter 21)

ῥητέον δ’ ἡμῖν καὶ περὶ τῶν καλουμένων Χελωνοφάγων, ὃν τρόπον ἔχουσι τὴν ὅλην διάθεσιν τοῦ βίου. νῆσοι γάρ εἰσι κατὰ τὸν ὠκεανὸν πλησίον τῆσ γῆσ κείμεναι, πολλαὶ μὲν τὸ πλῆθοσ, μικραὶ δὲ τοῖσ μεγέθεσι καὶ ταπειναί, καρπὸν δὲ οὔθ’ ἥμερον οὔτ’ ἄγριον ἔχουσαι. ἐν ταύταισ διὰ τὴν πυκνότητα κῦμα μὲν οὐ γίνεται, τοῦ κλύδωνοσ θραυομένου περὶ τὰσ ἄκρασ τῶν νήσων, χελωνῶν δὲ θαλαττίων πλῆθοσ ἐνδιατρίβει περὶ τοὺσ τόπουσ τούτουσ, πανταχόθεν καταφεῦγον πρὸσ τὴν ἐκ τῆσ γαλήνησ σκέπην. αὗται δὲ τὰσ μὲν νύκτασ ἐν βυθῷ διατρίβουσιν ἀσχολούμεναι περὶ τὴν νομήν, τὰσ δ’ ἡμέρασ εἰσ τὴν ἀνὰ μέσον τῶν νήσων θάλατταν φοιτῶσαι κοιμῶνται μετέωροι τοῖσ κύτεσι πρὸσ τὸν ἥλιον, παρεμφερῆ τὴν πρόσοψιν ποιοῦσαι ταῖσ κατεστραμμέναισ ἀκάτοισ·

ἐξαίσιοι γὰρ τοῖσ μεγέθεσιν ὑπάρχουσι καὶ τῶν ἐλαχίστων ἁλιάδων οὐκ ἐλάττουσ. οἱ δὲ τὰσ νήσουσ κατοικοῦντεσ βάρβαροι κατὰ τοῦτον τὸν καιρὸν ἠρέμα προσνήχονται ταῖσ χελώναισ·

πρὸσ ἑκάτερον δὲ μέροσ πλησιάσαντεσ, οἱ μὲν πιέζουσιν, οἱ δ’ ἐξαίρουσιν, ἑώσ ἂν ὕπτιον γένηται τὸ ζῷον. ἔπειθ’ οἱ μὲν ἐξ ἑκατέρου μέρουσ οἰακίζουσι τὸν ὅλον ὄγκον, ἵνα μὴ στραφὲν τὸ ζῷον καὶ νηξάμενον τῷ τῆσ φύσεωσ βοηθήματι φύγῃ κατὰ βάθουσ, εἷσ δ’ ἔχων μέρμιθα μακρὰν καὶ δήσασ τῆσ οὐρᾶσ νήχεται πρὸσ τὴν γῆν καὶ προσέλκεται μετάγων τὸ ζῷον ἐπὶ τὴν χέρσον, συμπαρακομιζομένων τῶν ἐξ ἀρχῆσ τὴν ἐπίθεσιν πεποιημένων.

ὅταν δ’ εἰσ τὴν νῆσον ἐκκομίσωσι, τὰ μὲν ἐντὸσ πάντα βραχὺν χρόνον ἐν ἡλίῳ παροπτήσαντεσ κατευωχοῦνται, τοῖσ δὲ κύτεσιν οὖσι σκαφοειδέσι χρῶνται πρόσ τε τὸν εἰσ τὴν ἤπειρον διάπλουν, ὃν ποιοῦνται τῆσ ὑδρείασ ἕνεκεν, καὶ πρὸσ τὰσ σκηνώσεισ, τιθέντεσ πρηνεῖσ ἐφ’ ὑψηλῶν τόπων, ὥστε δοκεῖν τούτοισ τὴν φύσιν δεδωρῆσθαι μιᾷ χάριτι πολλὰσ χρείασ·

τὴν γὰρ αὐτὴν αὐτοῖσ εἶναι τροφήν, ἀγγεῖον, οἰκίαν, ναῦν. οὐ μακρὰν δὲ τούτων διεστῶτεσ νέμονται τὴν παράλιον βάρβαροι βίον ἀνώμαλον ἔχοντεσ.

διατρέφονται γὰρ ἀπὸ τῶν ἐκπιπτόντων εἰσ τὴν χέρσον κητῶν, ποτὲ μὲν δαψίλειαν τροφῆσ ἔχοντεσ διὰ τὰ μεγέθη τῶν εὑρισκομένων θηρίων, ποτὲ δὲ διαλειμμάτων γινομένων κακῶσ ἀπαλλάττουσιν ὑπὸ τῆσ ἐνδείασ· καθ’ ὃν δὴ χρόνον ἀναγκάζονται κατεργάζεσθαι διὰ τὴν σπάνιν τῶν ἀρχαίων ὀστῶν χόνδρουσ καὶ τὰσ ἄκρασ τῶν πλευρῶν ἐκφύσεισ. τῶν μὲν οὖν Ἰχθυοφάγων τὰ γένη τοσαῦτ’ ἐστὶ καὶ τοιούτοισ χρῶνται βίοισ, ὡσ ἐν κεφαλαίοισ εἰπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 21

(디오도로스 시켈로스, Bibliotheca Historica, book 3, chapter 21)

상위

목록

SEARCH

MENU NAVIGATION