헬라어 문장 검색 - Διοδορ́Βιβλιοτ́3́18́

(디오도로스 시켈로스, Bibliotheca Historica, book 3, chapter 17)

τῆσ μὲν οὖν ξηρᾶσ τροφῆσ τὸν εἰρημένον τρόπον εὐποροῦσι, τῆσ δ’ ὑγρᾶσ παράδοξον ἔχουσι καὶ παντελῶσ ἀπιστουμένην τὴν χρῆσιν. ταῖσ μὲν γὰρ θήραισ προσκαρτεροῦσιν ἐφ’ ἡμέρασ τέτταρασ, εὐωχούμενοι πανδημεὶ μεθ’ ἱλαρότητοσ καὶ ταῖσ ἀνάρθροισ ᾠδαῖσ ἀλλήλουσ ψυχαγωγοῦντεσ· πρὸσ δὲ τούτοισ ἐπιμίσγονται τότε ταῖσ γυναιξὶν αἷσ ἂν τύχωσι παιδοποιίασ ἕνεκα, πάσησ ἀσχολίασ ἀπολελυμένοι διὰ τὴν εὐκοπίαν καὶ τὴν ἑτοιμότητα τῆσ τροφῆσ. τῇ δὲ πέμπτῃ πρὸσ τὴν ὑπώρειαν ἐπείγονται πανδημεὶ ποτοῦ χάριν, ἔνθα συρρύσεισ ὑδάτων γλυκέων εἰσί, πρὸσ αἷσ οἱ νομάδεσ τὰσ ἀγέλασ τῶν θρεμμάτων ποτίζουσιν.

ἡ δὲ ὁδοιπορία τούτων παραπλήσιοσ γίνεται ταῖσ ἀγέλαισ τῶν βοῶν, πάντων φωνὴν ἀφιέντων οὐκ ἔναρθρον, ἀλλ’ ἦχον μόνον ἀποτελοῦσαν.

τῶν δὲ τέκνων τὰ μὲν νήπια παντελῶσ αἱ μητέρεσ ἐν ταῖσ ἀγκάλαισ φέρουσι, τὰ δὲ κεχωρισμένα τοῦ γάλακτοσ οἱ πατέρεσ, τὰ δ’ ὑπὲρ πενταετῆ χρόνον ὄντα προάγει μετὰ τῶν γονέων σὺν παιδιᾷ, πεπληρωμένα χαρᾶσ, ὡσ ἂν πρὸσ τὴν ἡδίστην ἀπόλαυσιν ὁρμώμενα. ἡ γὰρ φύσισ αὐτῶν ἀδιάστροφοσ οὖσα τὴν ἀναπλήρωσιν τῆσ ἐνδείασ ἡγεῖται μέγιστον ἀγαθόν, οὐδὲν τῶν ἐπεισάκτων ἡδέων ἐπιζητοῦσα.

ὅταν δὲ ταῖσ τῶν νομάδων ποτίστραισ ἐγγίσωσι καὶ τοῦ ποτοῦ πληρωθῶσι τὰσ κοιλίασ, ἐπανέρχονται, μόγισ βαδίζοντεσ διὰ τὸ βάροσ. κἀκείνην μὲν τὴν ἡμέραν οὐδενὸσ γεύονται, κεῖται δ’ ἕκαστοσ ὑπεργέμων καὶ δύσπνουσ καὶ τὸ σύνολον παρεμφερὴσ τῷ μεθύοντι.

τῇ δ’ ἑξῆσ ἐπὶ τὴν ἀπὸ τῶν ἰχθύων πάλιν τροφὴν ἀνακάμπτουσι· καὶ τοῦτον τὸν τρόπον ἡ δίαιτα κυκλεῖται παρ’ αὐτοῖσ πάντα τὸν τοῦ ζῆν χρόνον. οἱ μὲν οὖν τὴν παράλιον τὴν ἐντὸσ τῶν στενῶν κατοικοῦντεσ οὕτω βιοῦσι, νόσοισ μὲν διὰ τὴν ἁπλότητα τῆσ τροφῆσ σπανίωσ περιπίπτοντεσ, ὀλιγοχρονιώτεροι δὲ πολὺ τῶν παρ’ ἡμῖν ὄντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 17

(디오도로스 시켈로스, Bibliotheca Historica, book 3, chapter 17)

상위

목록

SEARCH

MENU NAVIGATION