헬라어 문장 검색 - Διοδορ́Βιβλιοτ́3́17́

(디오도로스 시켈로스, Bibliotheca Historica, book 3, chapter 16)

ἐπειδὰν δ’ ἀθροίσωσιν ἰχθύων παντοδαπῶν πλῆθοσ, μεταφέρουσι τοὺσ ληφθέντασ καὶ πάντασ ὀπτῶσιν ἐπὶ τῶν πετρῶν τῶν ἐγκεκλιμένων πρὸσ μεσημβρίαν. διαπύρων δ’ οὐσῶν διὰ τὴν τοῦ καύματοσ ὑπερβολήν, βραχὺν ἐάσαντεσ χρόνον στρέφουσι, κἄπειτα τῆσ οὐρᾶσ λαμβανόμενοι σείουσι τὸν ὅλον ὄγκον. καὶ αἱ μὲν σάρκεσ θρυπτόμεναι διὰ τὴν θερμασίαν ἀποπίπτουσιν, αἱ δ’ ἄκανθαι ῥιπτούμεναι πρὸσ ἕνα τόπον μέγαν σωρὸν ἀποτελοῦσιν, ἀθροιζόμεναι χρείασ ἕνεκεν περὶ ἧσ μικρὸν ὕστερον ἐροῦμεν.

μετὰ δὲ ταῦτα τὰσ μὲν σάρκασ ἐπί τινοσ λεωπετρίασ κατατιθέμενοι πατοῦσιν ἐπιμελῶσ ἐφ’ ἱκανὸν χρόνον καὶ καταμίσγουσι τὸν τοῦ παλιούρου καρπόν· τούτου γὰρ συναναχρωσθέντοσ τὸ πᾶν γίνεται χρῆμα κολλῶδεσ·

καὶ δοκεῖ τοῦτο καθάπερ ἡδύσματοσ παρ’ αὐτοῖσ ἔχειν τάξιν. τὸ δὲ τελευταῖον τὸ καλῶσ πατηθὲν εἰσ πλινθίδασ παραμήκεισ τυποῦντεσ τιθέασιν εἰσ τὸν ἥλιον· ἃσ συμμέτρωσ ξηρανθείσασ καθίσαντεσ κατευωχοῦνται, οὐ μὴν πρὸσ μέτρον ἢ σταθμὸν ἐσθίοντεσ, ἀλλὰ πρὸσ τὴν ἰδίαν ἑκάστου βούλησιν, τὴν φυσικὴν ὄρεξιν ἔχοντεσ τῆσ ἀπολαύσεωσ περιγραφήν· ἀνεκλείπτοισ γὰρ καὶ διὰ παντὸσ ἑτοίμοισ χρῶνται ταμιεύμασιν, ὡσ ἂν τοῦ Ποσειδῶνοσ τὸ τῆσ Δήμητροσ ἔργον μετειληφότοσ.

ἐνίοτε δὲ τηλικοῦτον ἐκ τοῦ πελάγουσ εἰσ τὴν χέρσον κυλινδεῖται κῦμα καὶ τὰσ ῥαχίασ ἐφ’ ἡμέρασ πολλὰσ κατακλύζει λάβρον, ὥστε μηδένα δύνασθαι τοῖσ τόποισ προσεγγίζειν. διόπερ κατὰ τούτουσ τοὺσ καιροὺσ σπανίζοντεσ τροφῆσ τὸ μὲν πρῶτον τοὺσ κόγχουσ συλλέγουσι, τηλικούτουσ τὸ μέγεθοσ ὧν εὑρίσκονταί τινεσ τετραμναῖοι·

τὰ μὲν γὰρ κύτη συντρίβουσι λίθουσ εὐμεγέθεισ ἐμβάλλοντεσ, τὴν δ’ ἐντὸσ σάρκα κατεσθίουσιν σθίουσιν ὠμήν, τῆσ γεύσεωσ οὔσησ παρεμφεροῦσ τοῖσ ὀστρέοισ. ἐπὰν δὲ διὰ τὴν συνέχειαν τῶν πνευμάτων ἐπὶ πλείονα χρόνον πλήθειν συμβαίνῃ τὸν ὠκεανόν, καὶ τὴν εἰωθυῖαν θήραν τῶν ἰχθύων ἐκκλείσῃ τὸ τῆσ περιστάσεωσ ἀδύνατον, ἐπὶ τοὺσ κόγχουσ, ὡσ εἴρηται, τρέπονται.

εἰ δὲ ἡ ἐκ τῶν κόγχων τροφὴ σπανίζει, καταφεύγουσιν ἐπὶ τὸν τῶν ἀκανθῶν σωρόν· ἐκ τούτου γὰρ ἐκλέγοντεσ τὰσ ἐγχύλουσ καὶ προσφάτουσ τῶν ἀκανθῶν διαιροῦσι κατ’ ἄρθρον, καὶ τὰσ μὲν αὐτόθεν τοῖσ ὀδοῦσι κατεργάζονται, τὰσ δὲ σκληρὰσ λίθοισ θραύοντεσ καὶ προϋπεργαζόμενοι κατεσθίουσι, παραπλησίαν διάθεσιν ἔχοντεσ τοῖσ φωλεύουσι τῶν θηρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 16

(디오도로스 시켈로스, Bibliotheca Historica, book 3, chapter 16)

상위

목록

SEARCH

MENU NAVIGATION