헬라어 문장 검색 - Διοδορ́Βιβλιοτ́3́13́

(디오도로스 시켈로스, Bibliotheca Historica, book 3, chapter 12)

περὶ γὰρ τὰσ ἐσχατιὰσ τῆσ Αἰγύπτου καὶ τῆσ ὁμορούσησ Ἀραβίασ τε καὶ Αἰθιοπίασ τόποσ ἐστὶν ἔχων μέταλλα πολλὰ καὶ μεγάλα χρυσοῦ, συναγομένου πολλοῦ πολλῇ κακοπαθείᾳ τε καὶ δαπάνῃ. τῆσ γὰρ γῆσ μελαίνησ οὔσησ τῇ φύσει καὶ διαφυὰσ καὶ φλέβασ ἐχούσησ μαρμάρου τῇ λευκότητι διαφερούσασ καὶ πάσασ τὰσ περιλαμπομένασ φύσεισ ὑπερβαλλούσασ τῇ λαμπρότητι, οἱ προσεδρεύοντεσ τοῖσ μεταλλικοῖσ ἔργοισ τῷ πλήθει τῶν ἐργαζομένων κατασκευάζουσι τὸν χρυσόν. οἱ γὰρ βασιλεῖσ τῆσ Αἰγύπτου τοὺσ ἐπὶ κακουργίᾳ καταδικασθέντασ καὶ τοὺσ κατὰ πόλεμον αἰχμαλωτισθέντασ, ἔτι δὲ τοὺσ ἀδίκοισ διαβολαῖσ περιπεσόντασ καὶ διὰ θυμὸν εἰσ φυλακὰσ παραδεδομένουσ, ποτὲ μὲν αὐτούσ, ποτὲ δὲ καὶ μετὰ πάσησ συγγενείασ ἀθροίσαντεσ παραδιδόασι πρὸσ τὴν τοῦ χρυσοῦ μεταλλείαν, ἅμα μὲν τιμωρίαν λαμβάνοντεσ παρὰ τῶν καταγνωσθέντων, ἅμα δὲ διὰ τῶν ἐργαζομένων μεγάλασ προσόδουσ λαμβάνοντεσ.

οἱ δὲ παραδοθέντεσ, πολλοὶ μὲν τὸ πλῆθοσ ὄντεσ, πάντεσ δὲ πέδαισ δεδεμένοι, προσκαρτεροῦσι τοῖσ ἔργοισ συνεχῶσ καὶ μεθ’ ἡμέραν καὶ δἰ ὅλησ τῆσ νυκτόσ, ἀνάπαυσιν μὲν οὐδεμίαν λαμβάνοντεσ, δρασμοῦ δὲ παντὸσ φιλοτίμωσ εἰργόμενοι·

φυλακαὶ γὰρ ἐκ στρατιωτῶν βαρβάρων καὶ ταῖσ διαλέκτοισ διαφόροισ χρωμένων ἐφεστήκασιν, ὥστε μηδένα δύνασθαι δι’ ὁμιλίασ ἢ φιλανθρώπου τινὸσ ἐντεύξεωσ φθεῖραί τινα τῶν ἐπιστατούντων. τῆσ δὲ τὸν χρυσὸν ἐχούσησ γῆσ τὴν μὲν σκληροτάτην πυρὶ πολλῷ καύσαντεσ καὶ ποιήσαντεσ χαύνην προσάγουσι τὴν διὰ τῶν χειρῶν κατεργασίαν·

τὴν δὲ ἀνειμένην πέτραν καὶ μετρίῳ πόνῳ δυναμένην ὑπείκειν λατομικῷ σιδήρῳ καταπονοῦσι μυριάδεσ ἀκληρούντων ἀνθρώπων. καὶ τῆσ μὲν ὅλησ πραγματείασ ὁ τὸν λίθον διακρίνων τεχνίτησ καθηγεῖται καὶ τοῖσ ἐργαζομένοισ ὑποδείκνυσι·

τῶν δὲ πρὸσ τὴν ἀτυχίαν ταύτην ἀποδειχθέντων οἱ μὲν σώματοσ ῥώμῃ διαφέροντεσ τυπίσι σιδηραῖσ τὴν μαρμαρίζουσαν πέτραν κόπτουσιν, οὐ τέχνην τοῖσ ἔργοισ, ἀλλὰ βίαν προσάγοντεσ, ὑπονόμουσ δὲ διακόπτοντεσ, οὐκ ἐπ’ εὐθείασ, ἀλλ’ ὡσ ἂν ἡ διάφυσισ ᾖ τῆσ ἀποστιλβούσησ πέτρασ. οὗτοι μὲν οὖν διὰ τὰσ ἐν ταῖσ διώρυξι καμπὰσ καὶ σκολιότητασ ἐν σκότει διατρίβοντεσ λύχνουσ ἐπὶ τῶν μετώπων πεπραγματευμένουσ περιφέρουσι·

πολλαχῶσ δὲ πρὸσ τὰσ τῆσ πέτρασ ἰδιότητασ μετασχηματίζοντεσ τὰ σώματα καταβάλλουσιν εἰσ ἔδαφοσ τὰ λατομούμενα θραύματα· καὶ τοῦτο ἀδιαλείπτωσ ἐνεργοῦσι πρὸσ ἐπιστάτου βαρύτητα καὶ πληγάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 12

(디오도로스 시켈로스, Bibliotheca Historica, book 3, chapter 12)

상위

목록

SEARCH

MENU NAVIGATION