헬라어 문장 검색 - Διοδορ́Βιβλιοτ́3́11́

(디오도로스 시켈로스, Bibliotheca Historica, book 3, chapter 10)

τῆσ δὲ παρὰ τὸν Νεῖλον χώρασ τῆσ ἐν τῇ Λιβύῃ κειμένησ ἐστί τι μέροσ τῷ κάλλει διαφέρον· τροφάσ τε γὰρ φέρει δαψιλεῖσ καὶ ποικίλασ, καὶ πρὸσ τὰσ τῶν καυμάτων ὑπερβολὰσ ἔχει βοηθείασ εὐθέτουσ τὰσ ἐν τοῖσ ἕλεσι καταφυγάσ· διὸ καὶ περιμάχητοσ οὗτοσ ὁ τόποσ γίνεται τοῖσ τε Λίβυσι καὶ τοῖσ Αἰθίοψι, καὶ πρὸσ ἀλλήλουσ ὑπὲρ αὐτοῦ πολεμοῦντεσ διατελοῦσι. φοιτᾷ δ’ εἰσ αὐτὸν καὶ πλῆθοσ ἐλεφάντων ἐκ τῆσ ἄνω χώρασ, ὡσ μὲν ἔνιοι λέγουσι, διὰ τὴν δαψίλειαν καὶ τὴν ἡδονὴν τῆσ νομῆσ·

ἕλη γὰρ θαυμαστὰ παρεκτείνεται τοῖσ χείλεσι τοῦ ποταμοῦ, πολλῆσ καὶ παντοίασ ἐν αὐτοῖσ φυομένησ τροφῆσ. διόπερ ὅταν γεύσωνται τοῦ θρύου καὶ τοῦ καλάμου, διὰ τὴν γλυκύτητα τῆσ τροφῆσ μένει καὶ τὴν τῶν ἀνθρώπων δίαιταν καταφθείρει·

δι’ ἣν αἰτίαν καταναγκάζονται φεύγειν τούτουσ τοὺσ τόπουσ, ὄντεσ νομάδεσ καὶ σκηνῖται, τὸ σύνολον τῷ συμφέροντι τὰσ πατρίδασ ὁρίζοντεσ. αἱ δ’ ἀγέλαι τῶν εἰρημένων θηρίων τὴν μεσόγειον χώραν ἐκλείπουσι διὰ σπάνιν τροφῆσ, ἅτε συντόμωσ τῶν φυομένων ἐν τῇ γῇ πάντων αὐαινομένων·

διὰ γὰρ τὴν τοῦ καύματοσ ὑπερβολὴν καὶ τὴν λειψυδρίαν τῶν πηγαίων καὶ ποταμίων ὑδάτων σκληρὰσ καὶ σπανίουσ συμβαίνει γίνεσθαι τὰσ τροφάσ. ὡσ δέ τινέσ φασιν, ὄφεισ θαυμαστοὶ γίνονται τό τε μέγεθοσ καὶ τὸ πλῆθοσ κατὰ τὴν θηριώδη καλουμένην χώραν·

οὗτοι δὲ περὶ τὰσ συστάσεισ τῶν ὑδάτων ἐπιτίθενται τοῖσ ἐλέφασι, καὶ τραπέντεσ εἰσ ἀλκὴν περιπλέκονται ταῖσ σπείραισ εἰσ τὰ σκέλη, καὶ πέρασ ἑώσ τούτου συνέχουσι βιαζόμενοι καὶ σφίγγοντεσ τοῖσ δεσμοῖσ ἑώσ ἂν ἀφρίσαντα τὰ θηρία πέσῃ διὰ τὸ βάροσ. ἔπειτ’ ἀθροιζόμενοι τὸ πεσὸν σαρκοφαγοῦσι, ῥᾳδίωσ ἐπικρατοῦντεσ διὰ τὴν δυσκινησίαν τοῦ ζῴου. ἀπολειπομένου δ’ ἀπορήματοσ, διὰ τίν’ αἰτίαν οὐ συνέπονται τοῖσ ἐλέφασιν εἰσ τὴν προειρημένην παραποταμίαν διώκοντεσ τὰσ συνήθεισ τροφάσ, φασὶ τοὺσ τηλικούτουσ ὄφεισ τὴν μὲν ἐπίπεδον τῆσ χώρασ φεύγειν, περὶ δὲ τὴν ὑπώρειαν ἐν ταῖσ φάραγξι ταῖσ εἰσ τὸ μῆκοσ ἀνηκούσαισ καὶ τοῖσ σπηλαίοισ τοῖσ τὸ βάθοσ ἔχουσι συνεχῶσ ἐναυλίζεσθαι·

διόπερ τοὺσ συμφέροντασ καὶ συνήθεισ τόπουσ μηδαμῶσ ἐκλείπειν, αὐτοδιδάκτου πρὸσ τὰ τοιαῦτα τῆσ φύσεωσ οὔσησ ἅπασι τοῖσ ζῴοισ. περὶ μὲν οὖν Αἰθιόπων καὶ τῆσ χώρασ αὐτῶν τοσαῦτα λέγομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 10

(디오도로스 시켈로스, Bibliotheca Historica, book 3, chapter 10)

상위

목록

SEARCH

MENU NAVIGATION