헬라어 문장 검색 - Διοδορ́Βιβλιοτ́3́09́

(디오도로스 시켈로스, Bibliotheca Historica, book 3, chapter 8)

ἔστι δὲ καὶ ἄλλα γένη τῶν Αἰθιόπων παμπληθῆ, τὰ μὲν ἐξ ἀμφοτέρων τῶν μερῶν τὴν παραποτάμιον τοῦ Νείλου κατοικοῦντα καὶ τὰσ ἐν τῷ ποταμῷ νήσουσ, τὰ δὲ τὴν ὅμορον τῆσ Ἀραβίασ νεμόμενα, τὰ δ’ ἐν τοῖσ μεσογείοισ τῆσ Λιβύησ καθιδρυμένα. οἱ πλεῖστοι δὲ τούτων καὶ μάλισθ’ οἱ παρὰ τὸν ποταμὸν οἰκοῦντεσ ταῖσ μὲν χρόαισ εἰσὶ μέλανεσ, ταῖσ δὲ ἰδέαισ σιμοί, τοῖσ δὲ τριχώμασιν οὖλοι.

καὶ ταῖσ μὲν ψυχαῖσ παντελῶσ ὑπάρχουσιν ἄγριοι καὶ τὸ θηριῶδεσ ἐμφαίνοντεσ, οὐχ οὕτω δὲ τοῖσ θυμοῖσ ὡσ τοῖσ ἐπιτηδεύμασιν· αὐχμηροὶ γὰρ ὄντεσ τοῖσ ὅλοισ σώμασι τοὺσ μὲν ὄνυχασ ἐπὶ πολὺ παρηγμένουσ ἔχουσι τοῖσ θηρίοισ παραπλησίωσ, τῆσ δὲ πρὸσ ἀλλήλουσ φιλανθρωπίασ πλεῖστον ὅσον ἀφεστήκασι· καὶ τὴν μὲν φωνὴν ὀξεῖαν προβάλλοντεσ, τῶν δὲ παρὰ τοῖσ ἄλλοισ ἐπιτηδευομένων εἰσ βίον ἥμερον οὐδ’ ὁτιοῦν ἔχοντεσ, μεγάλην ποιοῦσι πρὸσ τὰ καθ’ ἡμᾶσ ἔθη τὴν διαφοράν.

καθοπλίζονται δ’ αὐτῶν οἱ μὲν ἀσπίσιν ὠμοβοΐναισ καὶ μικροῖσ δόρασιν, οἱ δὲ ἀκοντίοισ ἀναγκύλοισ, ἐνίοτε δὲ ξυλίνοισ τόξοισ τετραπήχεσιν, οἷσ τοξεύουσι μὲν τῷ ποδὶ προσβαίνοντεσ, ἀναλωθέντων δὲ τῶν οἰστῶν σκυτάλαισ ξυλίναισ διαγωνίζονται.

καθοπλίζουσι δὲ καὶ τὰσ γυναῖκασ, ὁρίζοντεσ αὐταῖσ τεταγμένην ἡλικίαν, ὧν ταῖσ πλείσταισ νόμιμόν ἐστι χαλκοῦν κρίκον φέρειν ἐν τῷ χείλει τοῦ στόματοσ. ἐσθῆτι δέ τινεσ μὲν αὐτῶν ἁπλῶσ οὐ χρῶνται, γυμνῆτα βίον ἔχοντεσ δι’ αἰῶνοσ καὶ πρὸσ μόνα τὰ καύματα ποριζόμενοι βοήθειαν αὐτουργὸν ἐκ τοῦ παραπεσόντοσ·

τινὲσ δὲ τῶν προβάτων τὰσ οὐρὰσ ἀποκόπτοντεσ ἐκ τῶν ὄπισθεν καλύπτουσι διὰ τούτων τὰ ἰσχία, καθάπερ αἰδῶ ταύτην προβαλλόμενοι· ἔνιοι δὲ χρῶνται ταῖσ δοραῖσ τῶν κτηνῶν, εἰσὶ δ’ οἳ περιζώμασι μέχρι μέσου τὸ σῶμα καλύπτουσιν, ἐκ τῶν τριχῶν πλέκοντεσ, ὡσ ἂν τῶν παρ’ αὐτοῖσ προβάτων ὄντων μὴ φερόντων ἔρια διὰ τὴν ἰδιότητα τῆσ χώρασ. τροφῇ δὲ χρῶνται τινὲσ μὲν λαμβάνοντεσ τὸν γεννώμενον ἐν τοῖσ ὕδασι καρπόν, ὃσ αὐτοφυὴσ ἀνατέλλει περί τε τὰσ λίμνασ καὶ τοὺσ ἑλώδεισ τόπουσ, τινὲσ δὲ τῆσ ἁπαλωτάτησ ὕλησ τοὺσ ἀκρεμόνασ περικλῶντεσ, οἷσ καὶ τὰ σώματα σκιάζοντεσ περὶ τὰσ μεσημβρίασ καταψύχουσιν, ἔνιοι δὲ σπείροντεσ σήσαμον καὶ λωτόν, εἰσὶ δ’ οἳ ταῖσ ῥίζαισ τῶν καλάμων ταῖσ ἁπαλωτάταισ διατρεφόμενοι.

οὐκ ὀλίγοι δ’ αὐτῶν καὶ ταῖσ τοξείαισ ἐνηθληκότεσ τῶν πτηνῶν εὐστόχωσ πολλὰ τοξεύουσι, δι’ ὧν τὴν τῆσ φύσεωσ ἔνδειαν ἀναπληροῦσιν· οἱ πλεῖστοι δὲ τοῖσ ἀπὸ τῶν βοσκημάτων κρέασι καὶ γάλακτι καὶ τυρῷ τὸν πάντα βίον διαζῶσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 8

(디오도로스 시켈로스, Bibliotheca Historica, book 3, chapter 8)

상위

목록

SEARCH

MENU NAVIGATION