헬라어 문장 검색 - Διοδορ́Βιβλιοτ́3́03́

(디오도로스 시켈로스, Bibliotheca Historica, book 3, chapter 2)

Αἰθίοπασ τοίνυν ἱστοροῦσι πρώτουσ ἀνθρώπων ἁπάντων γεγονέναι, καὶ τὰσ ἀποδείξεισ τούτων ἐμφανεῖσ εἶναί φασιν. ὅτι μὲν γὰρ οὐκ ἐπήλυδεσ ἐλθόντεσ, ἀλλ’ ἐγγενεῖσ ὄντεσ τῆσ χώρασ δικαίωσ αὐτόχθονεσ ὀνομάζονται, σχεδὸν παρὰ πᾶσι συμφωνεῖσθαι· ὅτι δὲ τοὺσ ὑπὸ τὴν μεσημβρίαν οἰκοῦντασ πιθανόν ἐστι πρώτουσ ὑπὸ τῆσ γῆσ ἐζωογονῆσθαι, προφανὲσ ὑπάρχειν ἅπασι· τῆσ γὰρ περὶ τὸν ἥλιον θερμασίασ ἀναξηραινούσησ τὴν γῆν ὑγρὰν οὖσαν ἔτι κατὰ τὴν τῶν ὅλων γένεσιν καὶ ζωογονούσησ, εἰκὸσ εἶναι τὸν ἐγγυτάτω τόπον ὄντα τοῦ ἡλίου πρῶτον ἐνεγκεῖν φύσεισ ἐμψύχουσ. φασὶ δὲ παρ’ αὐτοῖσ πρώτοισ καταδειχθῆναι θεοὺσ τιμᾶν καὶ θυσίασ ἐπιτελεῖν καὶ πομπὰσ καὶ πανηγύρεισ καὶ τἄλλα δι’ ὧν ἄνθρωποι τὸ θεῖον τιμῶσι·

διὸ καὶ τὴν παρ’ αὐτοῖσ εὐσέβειαν διαβεβοῆσθαι παρὰ πᾶσιν ἀνθρώποισ, καὶ δοκεῖν τὰσ παρ’ Αἰθίοψι θυσίασ μάλιστ’ εἶναι τῷ δαιμονίῳ κεχαρισμένασ. μάρτυρα δὲ τούτων παρέχονται τὸν πρεσβύτατον σχεδὸν καὶ μάλιστα τῶν ποιητῶν θαυμαζόμενον παρ’ Ἕλλησι·

τοῦτον γὰρ κατὰ τὴν Ἰλιάδα παρεισάγειν τόν τε Δία καὶ τοὺσ ἄλλουσ μετ’ αὐτοῦ θεοὺσ ἀποδημοῦντασ εἰσ Αἰθιοπίαν πρόσ τε τὰσ θυσίασ τὰσ ἀπονεμομένασ αὐτοῖσ κατ’ ἔτοσ καὶ εὐωχίαν κοινὴν παρὰ τοῖσ Αἰθίοψι, Ζεὺσ γὰρ ἐσ ὠκεανὸν μετ’ ἀμύμονασ Αἰθιοπῆασ χθιζὸσ ἔβη μετὰ δαῖτα, θεοὶ δ’ ἅμα πάντεσ ἕποντο. λέγουσι δὲ καὶ τῆσ εἰσ τὸ θεῖον εὐσεβείασ φανερῶσ αὐτοὺσ κομίζεσθαι τὰσ χάριτασ, μηδέποτε δεσποτείασ ἐπήλυδοσ πεῖραν λαβόντασ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 2

(디오도로스 시켈로스, Bibliotheca Historica, book 3, chapter 2)

상위

목록

SEARCH

MENU NAVIGATION