헬라어 문장 검색 - Πλυταρ́Πομπεψ́57́

(플루타르코스, Pompey, chapter 57)

ἐκ τούτου δὲ Πομπήϊοσ ἐν Νεαπόλει νοσήσασ ἐπισφαλῶσ ἀνέρρωσε, Πραξαγόρου δὲ πείσαντοσ τοὺσ Νεαπολίτασ ἔθυσαν ὑπὲρ αὑτοῦ σωτήρια, μιμουμένων δὲ τούτουσ τῶν προσοίκων καὶ τοῦ πράγματοσ οὕτω περιϊόντοσ τὴν Ἰταλίαν πᾶσαν, καὶ μικρὰ καὶ μεγάλη πόλισ ἐφ’ ἡμέρασ πολλὰσ ἑώρταζε, τοὺσ δὲ ἀπαντῶντασ πανταχόθεν οὐδεὶσ ἐχώρει τόποσ, ἀλλὰ ὁδοί τε κατεπίμπλαντο καὶ κῶμαι καὶ λιμένεσ εὐωχουμένων καὶ θυόντων. πολλοὶ δὲ καὶ στεφανηφοροῦντεσ ὑπὸ λαμπάδων ἐδέχοντο καὶ παρέπεμπον ἀνθοβολούμενον, ὥστε τὴν κομιδὴν αὑτοῦ καὶ πορείαν θέαμα κάλλιστον εἶναι καὶ λαμπρότατον.

οὐδενὸσ μέντοι τοῦτο λέγεται τῶν ἀπεργασαμένων τὸν πόλεμον αἰτίων ἔλαττον γενέσθαι, φρόνημα γὰρ εἰσῆλθεν ὑπεραῖρον ἅμα τῷ μεγέθει τῆσ χαρᾶσ τοὺσ ἀπὸ τῶν πραγμάτων λογισμούσ·

καὶ τὴν εἰσ ἀσφαλὲσ ἀεὶ τὰ εὐτυχήματα καὶ τὰσ πράξεισ αὑτοῦ θεμένην εὐλάβειαν προέμενοσ εἰσ ἄκρατον ἐξέπεσε θράσοσ καὶ περιφρόνησιν τῆσ Καίσαροσ δυνάμεωσ, ὡσ οὔτε ὅπλων ἐπ’ αὐτὸν οὔτε τινὸσ ἐργώδουσ πραγματείασ δεησόμενοσ, ἀλλὰ πολὺ ῥᾷον καθαιρήσων ἢ πρότερον ηὔξησε τὸν ἄνδρα, πρὸσ δὲ τούτοισ Ἄππιοσ ἀφίκετο κομίζων ἐκ Γαλατίασ ἣν ἔχρησε Πομπήϊοσ Καίσαρι στρατιάν· καὶ πολλὰ μὲν ἐξεφλαύριζε τὰσ ἐκεῖ πράξεισ καὶ λόγουσ ἐξέφερε βλασφήμουσ περὶ Καίσαροσ, αὐτὸν δὲ Πομπήϊον ἀπείρωσ ἔχειν ἔλεγε τῆσ αὑτοῦ δυνάμεωσ καὶ δόξησ, ἑτέροισ ὅπλοισ πρὸσ Καίσαρα φραγνύμενον, ὃν αὐτοῖσ κατεργάσεται τοῖσ ἐκείνου στρατεύμασιν, ὅταν πρῶτον ὀφθῇ·

τοσοῦτον καὶ μίσουσ πρὸσ Καίσαρα καὶ πόθου πρὸσ Πομπήϊον ἐνυπάρχειν αὐτοῖσ. οὕτω δ’ οὖν ὁ Πομπήϊοσ ἐπήρθη, καὶ τοιαύτησ καὶ τοσαύτησ ὀλιγωρίασ διὰ τὸ θαρρεῖν ἐγένετο μεστὸσ ὥστε καὶ τῶν δεδιότων τὸν πόλεμον κατεγέλα, καὶ τοὺσ λέγοντασ ἂν ἐλαύνῃ Καῖσαρ ἐπὶ τὴν πόλιν, οὐχ ὁρᾶν δυνάμεισ αἷσ αὐτὸν ἀμυνοῦνται, μειδιῶν τῷ προσώπῳ καὶ διακεχυμένοσ ἀμελεῖν ἐκέλευσεν·

"τῆσ Ἰταλίασ ἐγὼ κρούσω τῷ ποδὶ τὴν γῆν, ἀναδύσονται καὶ πεζικαὶ καὶ ἱππικαὶ δυνάμεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 57

(플루타르코스, Pompey, chapter 57)

상위

목록

SEARCH

MENU NAVIGATION