헬라어 문장 검색 - Πλυταρ́Πομπεψ́40́

(플루타르코스, Pompey, chapter 40)

ὁ δὲ μέγιστον δυνάμενοσ παρ’ αὐτῷ Δημήτριοσ ἦν ἀπελεύθεροσ, οὐκ ἄφρων εἰσ τἆλλα νεανίασ, ἄγαν δὲ τῇ τύχῃ χρώμενοσ· περὶ οὗ καὶ τοιόνδε τι λέγεται, Κάτων ὁ φιλόσοφοσ ἔτι μὲν ὢν νέοσ, ἤδη δὲ μεγάλην ἔχων δόξαν καὶ μέγα φρονῶν, ἀνέβαινεν εἰσ Ἀντιόχειαν, οὐκ ὄντοσ αὐτόθι Πομπηϊού, βουλόμενοσ ἱστορῆσαι τὴν πόλιν. αὐτὸσ μὲν οὖν, ὥσπερ ἀεί, πεζὸσ ἐβάδιζεν, οἱ δὲ φίλοι συνώδευον ἵπποισ χρώμενοι.

κατιδὼν δὲ πρὸ τῆσ πύλησ ὄχλον ἀνδρῶν ἐν ἐσθῆσι λευκαῖσ καὶ παρὰ τὴν ὁδὸν ἔνθεν μὲν τοὺσ ἐφήβουσ, ἔνθεν δὲ τοὺσ παῖδασ διακεκριμένουσ, ἐδυσχέραινεν οἰόμενοσ εἰσ τιμήν τινα καὶ θεραπείαν ἑαυτοῦ μηδὲν δεομένου ταῦτα γίνεσθαι. τοὺσ μέντοι φίλουσ ἐκέλευσε καταβῆναι καὶ πορεύεσθαι μετ’ αὐτοῦ·

γενομένοισ δὲ πλησίον ὁ πάντα διακοσμῶν ἐκεῖνα καὶ καθιστὰσ ἔχων στέφανον καὶ ῥάβδον ἀπήντησε, πυνθανόμενοσ παρ’ αὐτῶν ποῦ Δημήτριον ἀπολελοίπασι καὶ πότε ἀφίξεται. παρῆλθεν, οὐδὲν ἕτερον ἀποκρινάμενοσ. οὐ μὴν ἀλλὰ καὶ τοῖσ ἄλλοισ τοῦτον τὸν Δημήτριον ἧττον ἐπίφθονον ἐποίει αὐτὸσ ὁ Πομπήϊοσ ἐντρυφώμενοσ ὑπ’ αὐτοῦ καὶ μὴ δυσκολαίνων.

λέγεται γάρ, ὅτι πολλάκισ ἐν ταῖσ ὑποδοχαῖσ τοῦ Πομπηϊού προσμένοντοσ καὶ δεχομένου τοὺσ ἄλλουσ ἐκεῖνοσ ἤδη κατέκειτο σοβαρόσ, ἔχων δι’ ὤτων κατὰ τῆσ κεφαλῆσ τὸ ἱμάτιον. οὔπω δὲ εἰσ Ἰταλίαν ἐπανεληλυθὼσ ἐκέκτητο τῆσ Ῥώμησ τὰ ἥδιστα προάστεια καὶ τῶν ἡβητηρίων τὰ κάλλιστα, καὶ κῆποι πολυτελεῖσ ἦσαν ὀνομαζόμενοι Δημητρίου·

καίτοι Πομπήϊοσ αὐτὸσ ἄχρι τοῦ τρίτου θριάμβου μετρίωσ καὶ ἀφελῶσ ᾤκησεν. ὕστερον δὲ Ῥωμαίοισ τοῦτο δὴ τὸ καλὸν καὶ περιβόητον ἀνιστὰσ θέατρον, ὥσπερ ἐφόλκιόν τι, παρετεκτήνατο λαμπροτέραν οἰκίαν ἐκείνησ, ἀνεπίφθονον δὲ καὶ ταύτην, ὥστε τὸν γενόμενον δεσπότην αὐτῆσ μετὰ Πομπήϊον εἰσελθόντα θαυμάζειν καὶ πυνθάνεσθαι ποῦ Πομπήϊοσ Μάγνοσ ἐδείπνει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 40

(플루타르코스, Pompey, chapter 40)

상위

목록

SEARCH

MENU NAVIGATION