헬라어 문장 검색 - Πλυταρ́Πομπεψ́33́

(플루타르코스, Pompey, chapter 33)

Πομπήϊοσ δὲ εἰσ Ἀρμενίαν ἐνέβαλε τοῦ νέου Τιγράνου καλοῦντοσ αὐτόν ἤδη γὰρ ἀφειστήκει τοῦ πατρόσ, καὶ συνήντησε τῷ Πομπηϊῴ περὶ τὸν Ἀράξην ποταμόν, ὃσ ἀνίσχει μὲν ἐκ τῶν αὐτῶν τῷ Εὐφράτῃ τόπων, ἀποτρεπόμενοσ δὲ πρὸσ τὰσ ἀνατολὰσ εἰσ τὸ Κάσπιον ἐμβάλλει πέλαγοσ, οὗτοι μὲν οὖν προῆγον ἅμα τὰσ πόλεισ παραλαμβάνοντεσ· ὁ δὲ βασιλεὺσ Τιγράνησ ἔναγχοσ μὲν ὑπὸ Λευκόλλου συντετριμμένοσ, ἥμερον δέ τινα τῷ τρόπῳ καὶ πρᾷον πυθόμενοσ εἶναι τὸν Πομπήϊον, ἐδέξατο μὲν εἰσ τὰ βασίλεια φρουράν, ἀναλαβὼν δὲ τοὺσ φίλουσ καὶ συγγενεῖσ αὐτὸσ ἐπορεύετο παραδώσων ἑαυτόν, ὡσ δὲ ἦλθεν ἱππότησ ἐπὶ τὸν χάρακα, ῥαβδοῦχοι δύο τοῦ Πομπηϊού προσελθόντεσ ἐκέλευσαν ἀποβῆναι τοῦ ἵππου καὶ πεζὸν ἐλθεῖν οὐδένα γὰρ ἀνθρώπων ἐφ’ ἵππου καθεζόμενον ἐν Ῥωμαϊκῷ στρατοπέδῳ πώποτε ὀφθῆναι.

καὶ ταῦτα οὖν ὁ Τιγράνησ ἐπείθετο καὶ τὸ ξίφοσ αὐτοῖσ ἀπολυσάμενοσ παρεδίδου·

καὶ τέλοσ, ὡσ πρὸσ αὐτόν ἦλθε τὸν Πομπήϊον, ἀφελόμενοσ τὴν κίταριν ὡρ́μησε πρὸ τῶν ποδῶν θεῖναι, καὶ καταβαλὼν ἑαυτόν, αἴσχιστα δὴ πάντων, προσπεσεῖν αὐτοῦ τοῖσ γόνασιν. ἀλλ’ ὁ Πομπήϊοσ ἔφθη τῆσ δεξιᾶσ αὐτοῦ λαβόμενοσ προσαγαγέσθαι καὶ πλησίον ἱδρυσάμενοσ ἑαυτοῦ, τὸν δὲ υ υἱὸν ἐπὶ θάτερα, τῶν μὲν ἄλλων ἔφησε δεῖν αἰτιᾶσθαι Λεύκολλον, ὑπ’ ἐκείνου γὰρ ἀφῃρῆσθαι Συρίαν, Φοινίκην, Κιλικίαν, Γαλατίαν, Σωφηνήν, ἃ δὲ ἄχρι ἑαυτοῦ διατετήρηκεν, ἕξειν ἐκτίσαντα ποινὴν ἑξακισχίλια τάλαντα Ῥωμαίοισ τῆσ ἀδικίασ, Σωφηνῆσ δὲ βασιλεύσειν τὸν υἱόν.

ἐπὶ τούτοισ ὁ μὲν Τιγράνησ ἠγάπησε, καὶ τῶν Ῥωμαίων ἀσπασαμένων αὐτόν βασιλέα περιχαρὴσ γενόμενοσ ἐπηγγείλατο στρατιώτῃ μὲν ἡμιμναῖον ἀργυρίου δώσειν, ἑκατοντάρχῃ δὲ μνᾶσ δέκα, χιλιάρχῳ δὲ τάλαντον ὁ δ’ υἱὸσ ἐδυσφόρει, καὶ κληθεὶσ ἐπὶ δεῖπνον οὐκ ἔφη Πομπηϊού δεῖσθαι τοιαῦτα τιμῶντοσ·

καὶ γὰρ αὐτὸσ ἄλλον εὑρήσειν Ῥωμαίων. ἐκ τούτου δεθεὶσ εἰσ τὸν θρίαμβον ἐφυλάττετο. καὶ μετ’ οὐ πολὺν χρόνον ἔπεμψε Φραάτησ ὁ Πάρθοσ ἀπαιτῶν μὲν τὸν νεανίσκον, ὡσ αὐτοῦ γαμβρόν, ἀξιῶν δὲ τῶν ἡγεμονιῶν ὁρ́ῳ χρῆσθαι τῷ Εὐφράτῃ.

Πομπήϊοσ δὲ ἀπεκρίνατο τὸν μὲν Τιγράνην τῷ πατρὶ μᾶλλον ἢ τῷ πενθερῷ προσήκειν, ὁρ́ῳ δὲ χρήσεσθαι τῷ δικαίῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 33

(플루타르코스, Pompey, chapter 33)

상위

목록

SEARCH

MENU NAVIGATION