헬라어 문장 검색 - Πλυταρ́Πομπεψ́06́

(플루타르코스, Pompey, chapter 6)

τότε οὖν ὁ Πομπήϊοσ ἐν τῇ Πικηνίδι τῆσ Ἰταλίασ διέτριβεν, ἔχων μὲν αὐτόθι καὶ χωρία, τὸ δέ πλέον ταῖσ πόλεσιν ἡδόμενοσ οἰκείωσ καὶ φιλικῶσ πατρόθεν ἐχούσαισ πρὸσ αὐτόν, ὁρῶν δὲ τοὺσ ἐπιφανεστάτουσ καὶ βελτίστουσ τῶν πολιτῶν ἀπολείποντασ τὰ οἰκεῖα καὶ πανταχόθεν εἰσ τὸ Σύλλα στρατόπεδον ὥσπερ εἰσ λιμένα καταθέοντασ, αὐτὸσ οὐκ ἠξίωσεν ἀποδρὰσ οὐδὲ ἀσύμβολοσ οὐδὲ χρῄζων βοηθείασ, ἀλλὰ ὑπάρξασ τινοσ χάριτοσ ἐνδόξωσ καὶ μετὰ δυνάμεωσ ἐλθεῖν πρὸσ αὐτόν. ὅθεν ἐκίνει τοὺσ Πικηνοὺσ ἀποπειρώμενοσ.

οἱ δὲ ὑπήκουον αὐτῷ προθύμωσ καὶ τοῖσ παρὰ Κάρβωνοσ ἥκουσιν οὐ προσεῖχον. Οὐηδίου δέ τινοσ εἰπόντοσ ὅτι δημαγωγὸσ αὐτοῖσ ἐκ παιδαγωγείου παραπεπήδηκεν ὁ Πομπήϊοσ, οὕτωσ ἠγανάκτησαν ὥστε εὐθὺσ ἀνελεῖν προσπεσόντεσ τὸν Οὐήδιον. ἐκ τούτου Πομπήϊοσ ἔτη μὲν τρία καὶ εἴκοσι γεγονώσ, ὑπ’ οὐδενὸσ δὲ ἀνθρώπων ἀποδεδειγμένοσ στρατηγόσ, αὐτὸσ ἑαυτῷ δοὺσ τὸ ἄρχειν, ἐν Αὐξίμῳ, πόλει μεγάλῃ, βῆμα θεὶσ ἐν ἀγορᾷ, καὶ τοὺσ πρωτεύοντασ αὐτῶν ἀδελφοὺσ δύο Οὐεντιδίουσ ὑπὲρ Κάρβωνοσ ἀντιπράττοντασ διατάγματι μεταστῆναι τῆσ πόλεωσ κελεύσασ, στρατιώτασ κατέλεγε, καὶ λοχαγοὺσ καὶ ταξιάρχουσ κατὰ κόσμον ἀποδείξασ ἑκάστοισ τὰσ κύκλῳ πόλεισ ἐπῄει τὸ αὐτὸ ποιῶν.

ἐξανισταμένων δὲ καὶ ὑποχωρούντων ὅσοι τὰ Κάρβωνοσ ἐφρόνουν, τῶν δὲ ἄλλων ἀσμένωσ ἐπιδιδόντων αὑτούσ, οὕτω κατανείμασ ἐν ὀλίγῳ χρόνῳ τρία τάγματα τέλεια, καὶ τροφὴν πορίσασ καὶ σκευαγωγὰ καὶ ἁμάξασ καὶ τὴν ἄλλην πᾶσαν παρασκευήν, ἦγε πρὸσ Σύλλαν, οὐκ ἐπειγόμενοσ οὐδὲ τὸ λαθεῖν ἀγαπῶν, ἀλλὰ διατρίβων καθ’ ὁδὸν ἐν τῷ κακῶσ ποιεῖν τοὺσ πολεμίουσ, καὶ πᾶν ὅσον ἐπῄει τῆσ Ἰταλίασ πειρώμενοσ ἀφιστάναι τοῦ Κάρβωνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 6

(플루타르코스, Pompey, chapter 6)

상위

목록

SEARCH

MENU NAVIGATION