헬라어 문장 검색 - Πλυταρ́Αντονψ́66́

(플루타르코스, Antony, chapter 66)

ἀρχομένου δὲ τοῦ ἀγῶνοσ ἐν χερσὶν εἶναι, ἐμβολαὶ μὲν οὐκ ἦσαν οὐδὲ ἀναρρήξεισ νεῶν, τῶν μὲν Ἀντωνίου διὰ βάροσ ῥύμην οὐκ ἐχουσῶν, ἣ μάλιστα ποιεῖ τὰσ τῶν ἐμβόλων πληγὰσ ἐνεργούσ, τῶν δὲ Καίσαροσ οὐ μόνον ἀντιπρῴρων συμφέρεσθαι πρὸσ χαλκώματα στερεὰ καὶ τραχέα φυλασσομένων, ἀλλὰ μηδὲ κατὰ πλευρὰν ἐμβολὰσ διδόναι θαρρουσῶν. ἀπεθραύοντο γὰρ τὰ ἔμβολα ῥᾳδίωσ ᾗ προσπέσοιε σκάφεσι τετραγώνων ξύλων μεγάλων σιδήρῳ συνηρμοσμένων πρὸσ ἄλληλα δεδεμένοισ.

ἦν οὖν πεζομαχίᾳ προσφερὴσ ὁ ἀγών· τὸ δὲ ἀληθέστερον εἰπεῖν, τειχομαχία. τρεῖσ γὰρ ἅμα καὶ τέσσαρεσ περὶ μίαν τῶν Ἀντωνίου συνείχοντο, γέρροισ καὶ δόρασι καὶ κοντοῖσ χρωμένων καὶ πυροβόλοισ· οἱ δὲ Ἀντωνίου καὶ καταπέλταισ ἀπὸ ξυλίνων πυργων ἔβαλλον. Ἀγρίππου δὲ θάτερον κέρασ εἰσ κύκλωσιν ἐκτείνοντοσ, ἀντανάγειν Ποπλικόλασ ἀναγκαζόμενοσ ἀπερρήγνυτο τῶν μέσων.

θορυβουμένων δὲ τούτων καὶ συμπλεκομένων τοῖσ περὶ τὸν Ἀρρούντιον, ἀκρίτου δὲ καὶ κοινῆσ ἔτι τῆσ ναυμαχίασ συνεστώσησ, αἰφνίδιον αἱ Κλεοπάτρασ ἑξήκοντα νῆεσ ὤφθησαν αἰρόμεναι πρὸσ ἀπόπλουν τὰ ἱστία καὶ διὰ μέσου φεύγουσαι τῶν μαχομένων· ἦσαν γὰρ ὀπίσω τεταγμέναι τῶν μεγάλων, καὶ διεκπίπτουσαι ταραχὴν ἐποίουν. οἱ δὲ ἐναντίοι θαυμάζοντεσ ἐθεῶντο, τῷ πνεύματι χρωμένασ ὁρῶντεσ καὶ ἐπεχούσασ πρὸσ τὴν Πελοπόννησον.

ἔνθα δὴ φανερὸν αὑτὸν Ἀντώνιοσ ἐποίησεν οὔτε ἄρχοντοσ οὔτε ἀνδρὸσ οὔτε ὅλωσ ἰδίοισ λογισμοῖσ διοικούμενον, ἀλλ’ ὅπερ τισ παίζων εἶπε, τὴν ψυχὴν τοῦ ἐρῶντοσ ἐν ἀλλοτρίῳ σώματι ζῆν, ἑλκόμενοσ ὑπὸ τῆσ γυναικὸσ ὥσπερ συμπεφυκὼσ καὶ συμμεταφερόμενοσ. οὐ γὰρ ἔφθη τὴν ἐκείνησ ἰδὼν ναῦν ἀποπλέουσαν, καὶ πάντων ἐκλαθόμενοσ καὶ προδοὺσ καὶ ἀποδρὰσ τοὺσ ὑπὲρ αὐτοῦ μαχομένουσ καὶ θνήσκοντασ, εἰσ πεντήρη μετεμβάσ, Ἀλεξᾶ τοῦ Σύρου καὶ Σκελλίου μόνων αὐτῷ συνεμβάντων, ἐδίωκε τὴν ἀπολωλεκυῖαν ἤδη καὶ προσαπολοῦσαν αὐτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 66

(플루타르코스, Antony, chapter 66)

상위

목록

SEARCH

MENU NAVIGATION