헬라어 문장 검색 - Πλυταρ́Αντονψ́56́

(플루타르코스, Antony, chapter 56)

ταῦτα ἐν Ἀρμενίᾳ διατρίβων Ἀντώνιοσ ἤκουσε· καὶ Κανίδιον εὐθὺσ ἐκέλευσεν ἑκκαίδεκα τέλη λαβόντα καταβαίνειν ἐπὶ θάλατταν. αὐτὸσ δὲ Κλεοπάτραν ἀναλαβὼν εἰσ Ἔφεσον ἧκε. καὶ τὸ ναυτικὸν ἐκεῖ συνῄει πανταχόθεν, ὀκτακόσιαι σὺν ὁλκάσι νῆεσ, ὧν Κλεοπάτρα παρεῖχε διακοσίασ καὶ τάλαντα δισμύρια καὶ τροφὴν τῷ στρατῷ παντὶ πρὸσ τὸν πόλεμον. Ἀντώνιοσ δὲ πεισθεὶσ ὑπὸ Δομιτίου καί τινων ἄλλων ἐκέλευε Κλεοπάτραν πλεῖν ἐπ’ Αἰγύπτου κἀκεῖ διακαραδοκεῖν τὸν πόλεμον.

ἡ δὲ φοβουμένη τὰσ δἰ Ὀκταουίασ πάλιν αὐτοῦ διαλύσεισ ἔπεισε πολλοῖσ Κανίδιον χρήμασιν Ἀντωνίῳ διαλεχθῆναι περὶ αὐτῆσ, ὡσ οὔτε δίκαιον ἀπελαύνεσθαι τοῦ πολέμου γυναῖκα συμβολὰσ τηλικαύτασ διδοῦσαν, οὔτε συμφέρον ἀθυμοτέρουσ ποιεῖν τοὺσ Αἰγυπτίουσ μέγα μέροσ τῆσ ναυτικῆσ δυνάμεωσ ὄντασ· ἄλλωσ δὲ μηδὲ ὁρᾶν οὗτινοσ τῶν συστρατευόντων βασιλέων ἀπολείποιτο τὸ φρονεῖν Κλεοπάτρα, πολὺν μὲν χρόνον δἰ αὑτῆσ κυβερνῶσα βασιλείαν τοσαύτην, πολὺν δὲ ἐκείνῳ συνοῦσα καὶ μανθάνουσα χρῆσθαι πράγμασι μεγάλοισ.

ταῦτα ἑ̓́δει γὰρ εἰσ Καίσαρα πάντα περιελθεῖν’ ἐνίκα· καὶ συνιουσῶν τῶν δυνάμεων πλεύσαντεσ εἰσ Σάμον ἐν εὐπαθείαισ ἦσαν. ὥσπερ γὰρ βασιλεῦσι καὶ δυνάσταισ καὶ τετράρχαισ ἔθνεσί τε καὶ πόλεσι πάσαισ ταῖσ μεταξὺ Συρίασ καὶ Μαιώτιδοσ καὶ Ἀρμενίασ καὶ Ἰλλυριῶν προείρητο πέμπειν καὶ κομίζειν τὰσ εἰσ τὸν πόλεμον παρασκευάσ, οὕτω πᾶσι τοῖσ περὶ τὸν Διόνυσον τεχνίταισ ἐπάναγκεσ ἦν εἰσ Σάμον ἀπαντᾶν·

καὶ τῆσ ἐν κύκλῳ σχεδὸν ἁπάσησ οἰκουμένησ περιθρηνουμένησ καὶ περιστεναζομένησ, μία νῆσοσ ἐφ’ ἡμέρασ πολλὰσ κατηυλεῖτο καὶ κατεψάλλετο πληρουμένων θεάτρων καὶ χορῶν ἀγωνιζομένων. συνέθυε δὲ καὶ πόλισ πᾶσα βοῦν πέμπουσα, καὶ βασιλεῖσ διημιλλῶντο ταῖσ ὑποδοχαῖσ καὶ δωρεαῖσ πρὸσ ἀλλήλουσ.

ὥστε καὶ λόγοσ διῄει, τίνεσ ἔσονται κρατήσαντεσ ἐν τοῖσ ἐπινικίοισ οἱ τοῦ πολέμου τὰσ παρασκευὰσ οὕτω πολυτελῶσ ἑορτάζοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 56

(플루타르코스, Antony, chapter 56)

상위

목록

SEARCH

MENU NAVIGATION