헬라어 문장 검색 - Πλυταρ́Αντονψ́45́

(플루타르코스, Antony, chapter 45)

τῇ δὲ ὑστεραίᾳ φραξάμενοι βέλτιον προῆγον· καὶ τοῖσ Πάρθοισ ἐπιχειροῦσι πολὺσ ἀπήντα παράλογοσ. οἰόμενοι γὰρ ἐφ’ ἁρπαγὴν καὶ λεηλασίαν, οὐ μάχην, ἐλαύνειν, εἶτα πολλοῖσ βέλεσιν ἐντυγχάνοντεσ, ἐρρωμένουσ δὲ καὶ νεαλεῖσ ταῖσ προθυμίαισ ὁρῶντεσ, αὖθισ ἐξέκαμνον. ἐπεὶ δὲ καταβαίνουσιν αὐτοῖσ ἀπὸ λόφων τινῶν ἐπικλινῶν ἐπέθεντο καὶ βραδέωσ ὑπεξάγοντασ ἔβαλλον, ἐπιστρέψαντεσ οἱ θυρεοφόροι συνέκλεισαν εἴσω τῶν ὅπλων τοὺσ ψιλούσ, αὐτοὶ δὲ καθέντεσ εἰσ γόνυ προὐβάλοντο τοὺσ θυρεούσ·

οἱ δὲ ὄπισθεν ὑπερέσχον αὐτῶν τὰ ὅπλα κἀκείνων ὁμοίωσ ἕτεροι. τὸ δὲ σχῆμα παραπλήσιον ἐρέψει γινόμενον ὄψιν τε θεατρικὴν παρέχει, καὶ τῶν προβλημάτων στεγανώτατόν ἐστι πρὸσ τοὺσ ὀϊστοὺσ ἀπολισθαίνοντασ. οἱ μέντοι Πάρθοι τὴν εἰσ γόνυ κλίσιν τῶν Ῥωμαίων ἀπαγόρευσιν ἡγούμενοι καὶ κάματον εἶναι, τὰ μὲν τόξα κατέθεντο, τοὺσ δὲ κοντοὺσ διαλαβόντεσ ἐγγὺσ προσέμιξαν.

οἱ δὲ Ῥωμαῖοι συναλαλάξαντεσ ἐξαίφνησ ἀνέθορον, καὶ τοῖσ ὑσσοῖσ παίοντεσ ἐκ χειρὸσ ἔκτεινάν τε τοὺσ πρώτουσ καὶ τροπὴν ἔθεντο τῶν ἄλλων ἁπάντων. ἐγίνετο δὲ ταῦτα καὶ ταῖσ ἄλλαισ ἡμέραισ ἐπὶ μικρὸν ἀνυόντων τῆσ ὁδοῦ. καὶ λιμὸσ ἥπτετο τοῦ στρατοῦ σῖτόν τε βραχὺν καὶ διὰ μάχησ ποριζομένου καὶ τῶν πρὸσ ἄλετον σκευῶν οὐκ εὐποροῦντοσ.

τὰ γὰρ πολλὰ κατελείπετο, τῶν μὲν ἀποθνησκόντων ὑποζυγίων, τῶν δὲ τοὺσ νοσοῦντασ καὶ τραυματίασ φερόντων. λέγεται δὲ χοῖνιξ Ἀττικὴ πυρῶν πεντήκοντα δραχμῶν ὤνιοσ γενέσθαι· τοὺσ δὲ κριθίνουσ ἄρτουσ πρὸσ ἀργύριον ἱστάντεσ ἀπεδίδοντο. τραπόμενοι δὲ πρὸσ λάχανα καὶ ῥίζασ ὀλίγοισ μὲν ἐνετύγχανον τῶν συνήθων, ἀναγκαζόμενοι δὲ πειρᾶσθαι καὶ τῶν ἀγεύστων πρότερον ἥψαντό τινοσ πόασ ἐπὶ θάνατον διὰ μανίασ ἀγούσησ.

ὁ γὰρ φαγὼν οὐδὲν ἐμέμνητο τῶν ἄλλων οὐδὲ ἐγίνωσκεν, ἓν δ’ ἔργον εἶχε, κινεῖν καὶ στρέφειν πάντα λίθον, ὥσ τι μεγάλησ σπουδῆσ ἄξιον διαπραττόμενοσ. ἦν δὲ μεστὸν τὸ πεδίον κεκυφότων χαμᾶζε καὶ τοὺσ λίθουσ περιορυττόντων καὶ μεθιστάντων·

τέλοσ δὲ χολὴν ἐμοῦντεσ ἔθνησκον, ἐπεὶ καὶ τὸ μόνον ἀντιπαθέσ, οἶνοσ, ἐξέλιπε. θαυμάζοντα τοὺσ μετὰ Ξενοφῶντοσ, ὅτι καὶ πλείονα καταβαίνοντεσ ὁδὸν ἐκ τῆσ Βαβυλωνίασ καὶ πολλαπλασίοισ μαχόμενοι πολεμίοισ ἀπεσώθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 45

(플루타르코스, Antony, chapter 45)

상위

목록

SEARCH

MENU NAVIGATION