호흡부호 보기
강세부호 보기
장단부호 보기
작은 Iota 보기
모든 부호 보기
βαλλόμενοσ δὲ πανταχόθεν ἐκάλει πέμπων ἀρωγήν. οἱ δὲ τοὺσ ὁπλίτασ ἄγοντεσ, ὧν καὶ Κανίδιοσ ἦν, ἀνὴρ παρὰ Ἀντωνίῳ δυνάμενοσ μέγιστον, οὐ μικρὰ δοκοῦσι διαμαρτεῖν. δέον γὰρ ἀθρόαν ἐπιστρέψαι τὴν φάλαγγα, πέμποντεσ κατ’ ὀλίγουσ ἐπιβοηθοῦντασ, καὶ πάλιν ἡττωμένων τούτων ἑτέρουσ ἀποστέλλοντεσ, ἔλαθον ὀλίγου δεῖν ἥττησ καὶ φυγῆσ ὅλον ἀναπλήσαντεσ τὸ στρατόπεδον, εἰ μὴ ταχὺ μὲν αὐτὸσ Ἀντώνιοσ μετὰ τῶν ὅπλων ἀπὸ τοῦ στόματοσ ἧκεν ὑπαντιάζων, ταχὺ δὲ τὸ τρίτον τάγμα διὰ τῶν φευγόντων ἐπὶ τοὺσ πολεμίουσ ὠσάμενον ἔσχε τοῦ πρόσω διώκειν.
호흡부호 보기
강세부호 보기
장단부호 보기
작은 Iota 보기
모든 부호 보기