헬라어 문장 검색 - ΗεροδόΤηεΗιστ́7́191́

(헤로도토스, The Histories, book 7, chapter 173)

ταῦτα ἔλεγον οἱ Θεσσαλοί. οἱ δὲ Ἕλληνεσ πρὸσ ταῦτα ἐβουλεύσαντο ἐσ Θεσσαλίην πέμπειν κατὰ θάλασσαν πεζὸν στρατὸν φυλάξοντα τὴν ἐσβολήν. ὡσ δὲ συνελέχθη ὁ στρατόσ, ἔπλεε δι’ Εὐρίπου· ἀπικόμενοσ δὲ τῆσ Ἀχαιίησ ἐσ Ἄλον, ἀποβὰσ ἐπορεύετο ἐσ Θεσσαλίην, τὰσ νέασ αὐτοῦ καταλιπών, καὶ ἀπίκετο ἐσ τὰ Τέμπεα ἐσ τὴν ἐσβολὴν ἥ περ ἀπὸ Μακεδονίησ τῆσ κάτω ἐσ Θεσσαλίην φέρει παρὰ ποταμὸν Πηνειόν, μεταξὺ δὲ Ὀλύμπου τε ὄρεοσ ἐόντα καὶ τῆσ Ὄσσησ. ἐνθαῦτα ἐστρατοπεδεύοντο τῶν Ἑλλήνων κατὰ μυρίουσ ὁπλίτασ συλλεγέντεσ, καί σφι προσῆν ἡ Θεσσαλῶν ἵπποσ·

ἐστρατήγεε δὲ Λακεδαιμονίων μὲν Εὐαίνετοσ ὁ Καρήνου ἐκ τῶν πολεμάρχων ἀραιρημένοσ, γένεοσ μέντοι ἐὼν οὐ τοῦ βασιληίου, Ἀθηναίων δὲ Θεμιστοκλέησ ὁ Νεοκλέοσ. ἔμειναν δὲ ὀλίγασ ἡμέρασ ἐνθαῦτα· ἀπικόμενοι γὰρ ἄγγελοι παρὰ Ἀλεξάνδρου τοῦ Ἀμύντεω ἀνδρὸσ Μακεδόνοσ συνεβούλευόν σφι ἀπαλλάσσεσθαι μηδὲ μένοντασ ἐν τῇ ἐσβολῇ καταπατηθῆναι ὑπὸ τοῦ στρατοῦ τοῦ ἐπιόντοσ, σημαίνοντεσ τὸ πλῆθόσ τε τῆσ στρατιῆσ καὶ τὰσ νέασ.

ὡσ δὲ οὗτοί σφι ταῦτα συνεβούλευον, χρηστὰ γὰρ ἐδόκεον συμβουλεύειν καί σφι εὔνοοσ ἐφαίνετο ἐὼν ὁ Μακεδών, ἐπείθοντο. δοκέειν δὲ μοι, ἀρρωδίη ἦν τὸ πεῖθον, ὡσ ἐπύθοντο καὶ ἄλλην ἐοῦσαν ἐσβολὴν ἐσ Θεσσαλοὺσ κατὰ τὴν ἄνω Μακεδονίην διὰ Περραιβῶν κατὰ Γόννον πόλιν, τῇ περ δὴ καὶ ἐσέβαλε ἡ στρατιὴ ἡ Ξέρξεω.

καταβάντεσ δὲ οἱ Ἕλληνεσ ἐπὶ τὰσ νέασ ὀπίσω ἐπορεύοντο ἐσ τὸν Ἰσθμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 173

(헤로도토스, The Histories, book 7, chapter 173)

상위

목록

SEARCH

MENU NAVIGATION