헬라어 문장 검색 - ΗεροδόΤηεΗιστ́7́159́

(헤로도토스, The Histories, book 7, chapter 141)

ταῦτα ἀκούσαντεσ οἱ τῶν Ἀθηναίων θεοπρόποι συμφορῇ τῇ μεγίστῃ ἐχρέωντο. προβάλλουσι δὲ σφέασ αὐτοὺσ ὑπὸ τοῦ κακοῦ τοῦ κεχρησμένου, Τίμων ὁ Ἀνδροβούλου, τῶν Δελφῶν ἀνὴρ δόκιμοσ ὅμοια τῷ μάλιστα, συνεβούλευέ σφι ἱκετηρίην λαβοῦσι δεύτερα αὖτισ ἐλθόντασ χρᾶσθαι τῷ χρηστηρίῳ ὡσ ἱκέτασ. πειθομένοισι δὲ ταῦτα τοῖσι Ἀθηναίοισι καὶ λέγουσι "ὦναξ, χρῆσον ἡμῖν ἄμεινόν τι περὶ τῆσ πατρίδοσ, αἰδεσθεὶσ τὰσ ἱκετηρίασ τάσδε τάσ τοι ἥκομεν φέροντεσ, ἢ οὔ τοι ἄπιμεν ἐκ τοῦ ἀδύτου, ἀλλ’ αὐτοῦ τῇδε μενέομεν ἔστ’ ἂν καὶ τελευτήσωμεν," ταῦτα δὲ λέγουσι ἡ πρόμαντισ χρᾷ δεύτερα τάδε.

οὐ δύναται Παλλὰσ Δί’ Ὀλύμπιον ἐξιλάσασθαι λισσομένη πολλοῖσι λόγοισ καὶ μήτιδι πυκνῇ.

σοὶ δὲ τόδ’ αὖτισ ἔποσ ἐρέω ἀδάμαντι πελάσσασ. τῶν ἄλλων γὰρ ἁλισκομένων ὅσα Κέκροποσ οὖροσ ἐντὸσ ἔχει κευθμών τε Κιθαιρῶνοσ ζαθέοιο, τεῖχοσ Τριτογενεῖ ξύλινον διδοῖ εὐρύοπα Ζεύσ μοῦνον ἀπόρθητον τελέθειν, τὸ σὲ τέκνα τ’ ὀνήσει. μηδὲ σύ γ’ ἱπποσύνην τε μένειν καὶ πεζὸν ἰόντα πολλὸν ἀπ’ ἠπείρου στρατὸν ἥσυχοσ, ἀλλ’ ὑποχωρεῖν νῶτον ἐπιστρέψασ·

ἔτι τοι ποτε κἀντίοσ ἔσσῃ. ὦ θείη Σαλαμίσ, ἀπολεῖσ δὲ σὺ τέκνα γυναικῶν ἤ που σκιδναμένησ Δημήτεροσ ἢ συνιούσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 141

(헤로도토스, The Histories, book 7, chapter 141)

상위

목록

SEARCH

MENU NAVIGATION