헬라어 문장 검색 - Διοδορ́Λιβραρψ́6́08́

(디오도로스 시켈로스, Library, book xiii, chapter 17)

ἐπὶ πολὺν δὲ χρόνον πολλῶν ἀπολλυμένων ἡ μάχη τέλοσ οὐκ ἐλάμβανεν· οὐδὲ γὰρ οἱ θλιβόμενοι πρὸσ τὴν γῆν φεύγειν ἐτόλμων. οἱ μὲν γὰρ Ἀθηναῖοι τοὺσ ἀφισταμένουσ τῆσ μάχησ καὶ τῇ γῇ προσπλέοντασ ἠρώτων, εἰ διὰ τῆσ γῆσ εἰσ Ἀθήνασ πλεῦσαι νομίζουσιν, οἱ δὲ πεζοὶ τῶν Συρακοσίων τοὺσ προσπλέοντασ ἀνέκρινον, διὰ τί βουλομένων αὐτῶν εἰσ τὰσ τριήρεισ ἐμβαίνειν κωλύσαντεσ αὐτοὺσ μάχεσθαι νῦν προδιδόασι τὴν πατρίδα, καὶ εἰ διὰ τοῦτο ἔφραξαν τὸ στόμα τοῦ λιμένοσ, ὅπωσ κωλύσαντεσ τοὺσ πολεμίουσ αὐτοὶ φεύγωσιν ἐπὶ τὸν αἰγιαλόν, καὶ τοῦ τελευτᾶν ὀφειλομένου πᾶσιν ἀνθρώποισ ποῖον ζητοῦσι καλλίω θάνατον ἢ τὸν ὑπὲρ τῆσ πατρίδοσ, ἣν ἔχοντεσ μάρτυρα τῶν ἀγώνων αἰσχρῶσ ἐγκαταλείπουσιν. τοιαῦτα δὲ τῶν ἀπὸ τῆσ γῆσ στρατιωτῶν ὀνειδιζόντων τοῖσ προσπλέουσιν, οἱ πρὸσ τοὺσ αἰγιαλοὺσ ἀποφεύγοντεσ πάλιν ἀνέστρεφον, καίπερ συντετριμμένασ ἔχοντεσ τὰσ ναῦσ καὶ ὑπὸ τῶν τραυμάτων καταβαρούμενοι.

τῶν δὲ παρὰ τὴν πόλιν κινδυνευόντων Ἀθηναίων ἐκβιασθέντων καὶ πρὸσ φυγὴν ὁρμησάντων, οἱ προσεχεῖσ ἀεὶ τῶν Ἀθηναίων ἐνέκλινον, καὶ κατ’ ὀλίγον ἅπαντεσ ἐτράπησαν.

οἱ μὲν οὖν Συρακόσιοι μετὰ πολλῆσ κραυγῆσ κατεδίωκον τὰσ ναῦσ ἐπὶ τὴν γῆν·

τῶν δὲ Ἀθηναίων ὅσοι μὴ μετέωροι διεφθάρησαν, ἐπεὶ πρὸσ τὰ βράχη προσηνέχθησαν, ἐκπηδῶντεσ ἐκ τῶν νεῶν εἰσ τὸ πεζὸν στρατόπεδον ἔφευγον. ὁ δὲ λιμὴν πλήρησ ἦν ὅπλων τε καὶ ναυαγίων, ὡσ ἂν Ἀττικῶν μὲν νεῶν ἀπολομένων ἑξήκοντα, παρὰ δὲ τῶν Συρακοσίων ὀκτὼ μὲν τελέωσ διεφθαρμένων, ἑκκαίδεκα δὲ συντετριμμένων.

οἱ δὲ Συρακόσιοι τῶν τε τριήρων ὅσασ δυνατὸν ἦν εἷλκον ἐπὶ τὴν γῆν, καὶ τοὺσ τετελευτηκότασ πολίτασ τε καὶ συμμάχουσ ἀνελόμενοι δημοσίασ ταφῆσ ἠξίωσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 17

(디오도로스 시켈로스, Library, book xiii, chapter 17)

상위

목록

SEARCH

MENU NAVIGATION