헬라어 문장 검색 - Διοδορ́Βιβλιοτ́3́70́

(디오도로스 시켈로스, Bibliotheca Historica, book 3, chapter 69)

πάντῃ δὲ κατὰ τὰσ παρόδουσ προχεῖσθαι πηγὰσ ὑδάτων τῇ γλυκύτητι διαφόρων, ὥστε τὸν τόπον εἶναι τοῖσ βουλομένοισ ἐνδιατρῖψαι προσηνέστατον. ἑξῆσ δ’ ὑπάρχειν ἄντρον τῷ μὲν σχήματι κυκλοτερέσ, τῷ δὲ μεγέθει καὶ τῷ κάλλει θαυμαστόν. ὑπερκεῖσθαι γὰρ αὐτοῦ πανταχῇ κρημνὸν πρὸσ ὕψοσ ἐξαίσιον, πέτρασ ἔχοντα τοῖσ χρώμασι διαφόρουσ· ἐναλλὰξ γὰρ ἀποστίλβειν τὰσ μὲν θαλαττίᾳ πορφύρᾳ τὴν χρόαν ἐχούσασ παραπλήσιον, τὰσ δὲ κυανῷ, τινὰσ δ’ ἄλλαισ φύσεσι περιλαμπομέναισ, ὥστε μηδὲν εἶναι χρῶμα τῶν ἑωραμένων παρ’ ἀνθρώποισ περὶ τὸν τόπον ἀθεώρητον. πρὸ δὲ τῆσ εἰσόδου πεφυκέναι δένδρα θαυμαστά, τὰ μὲν κάρπιμα, τὰ δὲ ἀειθαλῆ, πρὸσ αὐτὴν μόνον τὴν ἀπὸ τῆσ θέασ τέρψιν ὑπὸ τῆσ φύσεωσ δεδημιουργημένα·

ἐν δὲ τούτοισ ἐννεοττεύειν ὄρνεα παντοδαπὰ ταῖσ φύσεσιν, ἃ τὴν χρόαν ἔχειν ἐπιτερπῆ καὶ τὴν μελῳδίαν προσηνεστάτην. διὸ καὶ πάντα τὸν τόπον ὑπάρχειν μὴ μόνον θεοπρεπῆ κατὰ τὴν πρόσοψιν, ἀλλὰ καὶ κατὰ τὸν ἦχον, ὡσ ἂν τῆσ αὐτοδιδάκτου γλυκυφωνίασ νικώσησ τὴν ἐναρμόνιον τῆσ τέχνησ μελῳδίαν. διελθόντι δὲ τὴν εἴσοδον θεωρεῖσθαι μὲν ἄντρον ἀναπεπταμένον καὶ τῇ κατὰ τὸν ἥλιον αὐγῇ περιλαμπόμενον, ἄνθη δὲ παντοδαπὰ πεφυκότα, καὶ μάλιστα τήν τε κασίαν καὶ τἄλλα τὰ δυνάμενα δι’ ἐνιαυτῶν διαφυλάττειν τὴν εὐωδίαν·

ὁρᾶσθαι δὲ καὶ νυμφῶν εὐνὰσ ἐν αὐτῷ πλείουσ ἐξ ἀνθῶν παντοδαπῶν, οὐ χειροποιήτουσ, ἀλλ’ ὑπ’ αὐτῆσ τῆσ φύσεωσ ἀνειμένασ θεοπρεπῶσ. κατὰ πάντα δὲ τὸν τῆσ περιφερείασ κύκλον οὔτ’ ἄνθοσ οὔτε φύλλον πεπτωκὸσ ὁρᾶσθαι.

διὸ καὶ τοῖσ θεωμένοισ οὐ μόνον ἐπιτερπῆ φαίνεσθαι τὴν πρόσοψιν, ἀλλὰ καὶ τὴν εὐωδίαν προσηνεστάτην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 69

(디오도로스 시켈로스, Bibliotheca Historica, book 3, chapter 69)

상위

목록

SEARCH

MENU NAVIGATION