헬라어 문장 검색 - Διοδορ́Βιβλιοτ́3́69́

(디오도로스 시켈로스, Bibliotheca Historica, book 3, chapter 68)

φησὶ δ’ οὖν Ἄμμωνα βασιλεύοντα τοῦ μέρουσ τῆσ Λιβύησ Οὐρανοῦ γῆμαι θυγατέρα τὴν προσαγορευομένην Ῥέαν, ἀδελφὴν οὖσαν Κρόνου τε καὶ τῶν ἄλλων Τιτάνων. ἐπιόντα δὲ τὴν βασιλείαν εὑρεῖν πλησίον τῶν Κεραυνίων καλουμένων ὀρῶν παρθένον τῷ κάλλει διαφέρουσαν Ἀμάλθειαν ὄνομα. ἐρασθέντα δ’ αὐτῆσ καὶ πλησιάσαντα γεννῆσαι παῖδα τῷ τε κάλλει καὶ τῇ ῥώμῃ θαυμαστόν, καὶ τὴν μὲν Ἀμάλθειαν ἀποδεῖξαι κυρίαν τοῦ σύνεγγυσ τόπου παντόσ, ὄντοσ τῷ σχήματι παραπλησίου κέρατι βοόσ, ἀφ’ ἧσ αἰτίασ Ἑσπέρου κέρασ προσαγορευθῆναι·

διὰ δὲ τὴν ἀρετὴν τῆσ χώρασ εἶναι πλήρη παντοδαπῆσ ἀμπέλου καὶ τῶν ἄλλων δένδρων τῶν ἡμέρουσ φερόντων καρπούσ. τῆσ δὲ προειρημένησ γυναικὸσ τὴν δυναστείαν παραλαβούσησ, ἀπὸ ταύτησ τὴν χώραν Ἀμαλθείασ κέρασ ὀνομασθῆναι·

διὸ καὶ τοὺσ μεταγενεστέρουσ ἀνθρώπουσ διὰ τὴν προειρημένην αἰτίαν τὴν κρατίστην γῆν καὶ παντοδαποῖσ καρποῖσ πλήθουσαν ὡσαύτωσ Ἀμαλθείασ κέρασ προσαγορεύειν. τὸν δ’ οὖν Ἄμμωνα φοβούμενον τὴν τῆσ Ῥέασ ζηλοτυπίαν κρύψαι τὸ γεγονόσ, καὶ τὸν παῖδα λάθρᾳ μετενεγκεῖν εἴσ τινα πόλιν Νῦσαν, μακρὰν ἀπ’ ἐκείνων τῶν τόπων ἀπηρτημένην.

κεῖσθαι δὲ ταύτην ἔν τινι νήσῳ περιεχομένῃ μὲν ὑπὸ τοῦ Τρίτωνοσ ποταμοῦ, περικρήμνῳ δὲ καὶ καθ’ ἕνα τόπον ἐχούσῃ στενὰσ εἰσβολάσ, ἃσ ὠνομάσθαι πύλασ Νυσίασ.

εἶναι δ’ ἐν αὐτῇ χώραν εὐδαίμονα λειμῶσί τε μαλακοῖσ διειλημμένην καὶ πηγαίοισ ὕδασιν ἀρδευομένην δαψιλέσι, δένδρα τε καρποφόρα παντοῖα καὶ πολλὴν ἄμπελον αὐτοφυῆ, καὶ ταύτησ τὴν πλείστην ἀναδενδράδα. ὑπάρχειν δὲ καὶ πάντα τὸν τόπον εὔπνουν, ἔτι δὲ καθ’ ὑπερβολὴν ὑγιεινόν·

καὶ διὰ τοῦτο τοὺσ ἐν αὐτῷ κατοικοῦντασ μακροβιωτάτουσ ὑπάρχειν τῶν πλησιοχώρων. εἶναι δὲ τῆσ νήσου τὴν μὲν πρώτην εἰσβολὴν αὐλωνοειδῆ, σύσκιον ὑψηλοῖσ καὶ πυκνοῖσ δένδρεσιν, ὥστε τὸν ἥλιον μὴ παντάπασι διαλάμπειν διὰ τὴν συνάγκειαν, αὐγὴν δὲ μόνην ὁρᾶσθαι φωτόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 68

(디오도로스 시켈로스, Bibliotheca Historica, book 3, chapter 68)

상위

목록

SEARCH

MENU NAVIGATION