헬라어 문장 검색 - Διοδορ́Βιβλιοτ́3́54́

(디오도로스 시켈로스, Bibliotheca Historica, book 3, chapter 53)

φασὶ γὰρ ὑπάρξαι τῆσ Λιβύησ ἐν τοῖσ πρὸσ ἑσπέραν μέρεσιν ἐπὶ τοῖσ πέρασι τῆσ οἰκουμένησ ἔθνοσ γυναικοκρατούμενον καὶ βίον ἐζηλωκὸσ οὐχ ὅμοιον τῷ παρ’ ἡμῖν. ταῖσ μὲν γὰρ γυναιξὶν ἔθοσ εἶναι διαπονεῖν τὰ κατὰ πόλεμον, καὶ χρόνουσ ὡρισμένουσ ὀφείλειν στρατεύεσθαι, διατηρουμένησ τῆσ παρθενίασ· διελθόντων δὲ τῶν ἐτῶν τῶν τῆσ στρατείασ προσιέναι μὲν τοῖσ ἀνδράσι παιδοποιίασ ἕνεκα, τὰσ δ’ ἀρχὰσ καὶ τὰ κοινὰ διοικεῖν ταύτασ ἅπαντα. τοὺσ δ’ ἄνδρασ ὁμοίωσ ταῖσ παρ’ ἡμῖν γαμεταῖσ τὸν κατοικίδιον ἔχειν βίον, ὑπηρετοῦντασ τοῖσ ὑπὸ τῶν συνοικουσῶν προσταττομένοισ·

μὴ μετέχειν δ’ αὐτοὺσ μήτε στρατείασ μήτ’ ἀρχῆσ μήτ’ ἄλλησ τινὸσ ἐν τοῖσ κοινοῖσ παρρησίασ, ἐξ ἧσ ἔμελλον φρονηματισθέντεσ ἐπιθήσεσθαι ταῖσ γυναιξί. κατὰ δὲ τὰσ γενέσεισ τῶν τέκνων τὰ μὲν βρέφη παραδίδοσθαι τοῖσ ἀνδράσι, καὶ τούτουσ διατρέφειν αὐτὰ γάλακτι καὶ ἄλλοισ τισὶν ἑψήμασιν οἰκείωσ ταῖσ τῶν νηπίων ἡλικίαισ·

εἰ δὲ τύχοι θῆλυ γεννηθέν, ἐπικάεσθαι αὐτοῦ τοὺσ μαστούσ, ἵνα μὴ μετεωρίζωνται κατὰ τοὺσ τῆσ ἀκμῆσ χρόνουσ· ἐμπόδιον γὰρ οὐ τὸ τυχὸν εἶναι δοκεῖν πρὸσ τὰσ στρατείασ τοὺσ ἐξέχοντασ τοῦ σώματοσ μαστούσ· διὸ καὶ τούτων αὐτὰσ ἀπεστερημένασ ὑπὸ τῶν Ἑλλήνων Ἀμαζόνασ προσαγορεύεσθαι. μυθολογοῦσι δ’ αὐτὰσ ᾠκηκέναι νῆσον τὴν ἀπὸ μὲν τοῦ πρὸσ δυσμὰσ ὑπάρχειν αὐτὴν Ἑσπέραν προσαγορευθεῖσαν, κειμένην δ’ ἐν τῇ Τριτωνίδι λίμνῃ.

ταύτην δὲ πλησίον ὑπάρχειν τοῦ περιέχοντοσ τὴν γῆν ὠκεανοῦ, προσηγορεῦσθαι δ’ ἀπό τινοσ ἐμβάλλοντοσ εἰσ αὐτὴν ποταμοῦ Τρίτωνοσ· κεῖσθαι δὲ τὴν λίμνην ταύτην πλησίον Αἰθιοπίασ καὶ τοῦ παρὰ τὸν ὠκεανὸν ὄρουσ, ὃ μέγιστον μὲν ὑπάρχειν τῶν ἐν τοῖσ τόποισ καὶ προπεπτωκὸσ εἰσ τὸν ὠκεανόν, ὀνομάζεσθαι δ’ ὑπὸ τῶν Ἑλλήνων Ἄτλαντα. τὴν δὲ προειρημένην νῆσον ὑπάρχειν μὲν εὐμεγέθη καὶ πλήρη καρπίμων δένδρων παντοδαπῶν, ἀφ’ ὧν πορίζεσθαι τὰσ τροφὰσ τοὺσ ἐγχωρίουσ.

ἔχειν δ’ αὐτὴν καὶ κτηνῶν πλῆθοσ, αἰγῶν καὶ προβάτων, ἐξ ὧν γάλα καὶ κρέα πρὸσ διατροφὴν ὑπάρχειν τοῖσ κεκτημένοισ σίτῳ δὲ τὸ σύνολον μὴ χρῆσθαι τὸ ἔθνοσ διὰ τὸ μήπω τοῦ καρποῦ τούτου τὴν χρείαν εὑρεθῆναι παρ’ αὐτοῖσ. τὰσ δ’ οὖν Ἀμαζόνασ ἀλκῇ διαφερούσασ καὶ πρὸσ πόλεμον ὡρμημένασ τὸ μὲν πρῶτον τὰσ ἐν τῇ νήσῳ.

πόλεισ καταστρέφεσθαι πλὴν τῆσ ὀνομαζομένησ Μήνησ, ἱερᾶσ δ’ εἶναι νομιζομένησ, ἣν κατοικεῖσθαι μὲν ὑπ’ Αἰθιόπων Ἰχθυοφάγων, ἔχειν δὲ πυρὸσ ἐκφυσήματα μεγάλα καὶ λίθων πολυτελῶν πλῆθοσ τῶν ὀνομαζομένων παρ’ Ἕλλησιν ἀνθράκων καὶ σαρδίων καὶ σμαράγδων, μετὰ δὲ ταῦτα πολλοὺσ τῶν πλησιοχώρων Λιβύων καὶ νομάδων καταπολεμῆσαι, καὶ κτίσαι πόλιν μεγάλην ἐντὸσ τῆσ Τριτωνίδοσ λίμνησ, ἣν ἀπὸ τοῦ σχήματοσ ὀνομάσαι Χερρόνησον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 53

(디오도로스 시켈로스, Bibliotheca Historica, book 3, chapter 53)

상위

목록

SEARCH

MENU NAVIGATION