헬라어 문장 검색 - Διοδορ́Βιβλιοτ́3́37́

(디오도로스 시켈로스, Bibliotheca Historica, book 3, chapter 36)

ὄφεων δὲ γένη παντοδαπὰ καὶ τοῖσ μεγέθεσιν ἄπιστα θεωρεῖσθαί φασιν οἱ τὴν πλησίον τῆσ ἐρήμου καὶ θηριώδουσ κατοικοῦντεσ. ἑκατὸν γὰρ πηχῶν τὸ μῆκοσ ἑορακέναι τινὲσ ἀποφαινόμενοι δικαίωσ ἂν οὐχ ὑφ’ ἡμῶν μόνον, ἀλλὰ καὶ ὑπὸ τῶν ἄλλων ἁπάντων ψευδολογεῖν ὑποληφθείησαν· προστιθέασι γὰρ τῷ διαπιστουμένῳ πολλῷ παραδοξότερα, λέγοντεσ ὅτι τῆσ χώρασ οὔσησ πεδιάδοσ, ὅταν τὰ μέγιστα τῶν θηρίων περισπειραθῇ, ποιεῖ ταῖσ ἐγκυκλωθείσαισ ἐπ’ ἀλλήλαισ σπείραισ ἀναστήματα πόρρωθεν φαινόμενα λόφῳ παραπλήσια. τῷ μὲν οὖν μεγέθει τῶν ῥλθέντων θηρίων οὐκ ἄν τισ ῥᾳδίωσ συγκατάθοιτο·

περὶ δὲ τῶν μεγίστων θηρίων τῶν εἰσ ὄψιν ἐληλυθότων καὶ κομισθέντων ἔν τισιν ἀγγείοισ εὐθέτοισ εἰσ τὴν Ἀλεξάνδρειαν ποιησόμεθα τὴν ἀναγραφήν, προστιθέντεσ καὶ τῆσ θήρασ τὴν κατὰ μέροσ οἰκονομίαν. ὁ γὰρ δεύτεροσ Πτολεμαῖοσ, περί τε τὴν τῶν ἐλεφάντων κυνηγίαν φιλοτιμηθεὶσ καὶ τοῖσ τὰσ παραδόξουσ θήρασ τῶν ἀλκιμωτάτων ζῴων ποιουμένοισ μεγάλασ ἀπονέμων δωρεάσ, πολλὰ δὲ χρήματα δαπανήσασ εἰσ ταύτην τὴν ἐπιθυμίαν, ἐλέφαντάσ τε συχνοὺσ πολεμιστὰσ περιεποιήσατο καὶ τῶν ἄλλων ζῴων ἀθεωρήτουσ καὶ παραδόξουσ φύσεισ ἐποίησεν εἰσ γνῶσιν ἐλθεῖν τοῖσ Ἕλλησι.

διὸ καί τινεσ τῶν κυνηγῶν, ὁρῶντεσ τὴν τοῦ βασιλέωσ μεγαλοψυχίαν ἐν ταῖσ δωρεαῖσ, συστραφέντεσ εἰσ ἱκανὸν πλῆθοσ ἔκριναν παραβαλέσθαι ταῖσ ψυχαῖσ, καὶ τῶν μεγάλων ὄφεων ἕνα θηρεύσαντεσ ἀνακομίσαι ζῶντα εἰσ τὴν Ἀλεξάνδρειαν πρὸσ τὸν Πτολεμαῖον.

μεγάλησ δ’ οὔσησ καὶ παραδόξου τῆσ ἐπιβολῆσ, ἡ τύχη συνεργήσασα ταῖσ ἐπινοίαισ αὐτῶν καὶ τὸ τέλοσ οἰκεῖον περιεποίησε τῆσ πράξεωσ.

ἔχοντεσ ἐξηρτυμένα πάντα τὰ πρὸσ τὴν χρείαν, ὡσ δ’ ἐπλησίαζον, ἀεὶ μᾶλλον ἐξεπλήττοντο τῷ δέει, θεωροῦντεσ ὄμμα πυρωπὸν καὶ λιχμωμένην πάντῃ τὴν γλῶτταν, ἔτι δὲ τῇ τραχύτητι τῶν φολίδων ἐν τῇ διὰ τῆσ ὕλησ πορείᾳ καὶ παρατρίψει ψόφον ἐξαίσιον κατασκευάζοντα, τὸ μέγεθόσ τε τῶν ὀδόντων ὑπερφυὲσ καὶ στόματοσ ἀγρίαν πρόσοψιν καὶ κυκλώματοσ ἀνάστημα παράδοξον.

διόπερ τῷ φόβῳ τὰ χρώματα τῶν προσώπων ἀποβεβληκότεσ δειλῶσ ἐπέβαλον τοὺσ βρόχουσ ἀπὸ τῆσ οὐρᾶσ·

τὸ δὲ θηρίον ἅμα τῷ προσάψασθαι τοῦ σώματοσ τὸν κάλων ἐπεστράφη μετὰ πολλοῦ φυσήματοσ καταπληκτικῶσ, καὶ τὸν μὲν πρῶτον ἁρπάζει τῷ στόματι μετεωρισθὲν ὑπὲρ τῆσ κεφαλῆσ, καὶ τὰσ σάρκασ ἔτι ζῶντοσ κατεσιτεῖτο, τὸν δὲ δεύτερον φεύγοντα τῇ σπείρᾳ πόρρωθεν ἐπεσπάσατο, καὶ περιειληθὲν ἔσφιγγε τὴν κοιλ ίαν τῷ δεσμῷ· οἱ δὲ λοιποὶ πάντεσ ἐκπλαγέντεσ διὰ τῆσ φυγῆσ τὴν σωτηρίαν ἐπορίσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 36

(디오도로스 시켈로스, Bibliotheca Historica, book 3, chapter 36)

상위

목록

SEARCH

MENU NAVIGATION