헬라어 문장 검색 - Διοδορ́Βιβλιοτ́3́35́

(디오도로스 시켈로스, Bibliotheca Historica, book 3, chapter 34)

τοσαύτη γὰρ παραλλαγὴ τῶν παρ’ ἡμῖν ἀέρων πρὸσ τοὺσ ἱστορημένουσ ὥστε τὴν κατὰ μέροσ διαφορὰν ἄπιστον εἶναι. ὅπου μὲν γὰρ διὰ τὴν ὑπερβολὴν τοῦ ψύχουσ πήγνυνται μὲν οἱ μέγιστοι ποταμοί, στέγοντοσ τοῦ κρυστάλλου διαβάσεισ στρατοπέδων καὶ ἁμαξῶν καταγόμων ἐφόδουσ, πήγνυται δὲ ὁ οἶνοσ καὶ τὰ λοιπὰ τῶν χυμῶν ὥστε μαχαίραισ ἀποτέμνεσθαι, καὶ τὰ τούτων θαυμασιώτερα, τὰ μὲν ἀκρωτήρια τῶν ἀνθρώπων τῆσ ἐσθῆτοσ παρατριβούσησ περιρρεῖ, τὰ δὲ ὄμματα ἀμαυροῦται, τὸ δὲ πῦρ ἀλεωρὰν οὐ ποιεῖ, καὶ χαλκοῖ μὲν ἀνδριάντεσ ῥήγνυνται, κατὰ δέ τινασ καιροὺσ διὰ τὴν πυκνότητα τῶν νεφῶν οὔτε ἀστραπὴν οὔτε βροντὴν γίνεσθαι περὶ τοὺσ τόπουσ φασί·

πολλὰ δὲ καὶ ἄλλα τούτων παραδοξότερα συντελεῖται, τοῖσ μὲν ἀγνοοῦσιν ἄπιστα, τοῖσ δὲ πεῖραν εἰληφόσιν ἀνυπομόνητα. περὶ δὲ τὰσ ἐσχατιὰσ τῆσ Αἰγύπτου καὶ Τρωγλοδυτικῆσ διὰ τὴν ὑπερβολὴν τῆσ ἀφ’ ἡλίου θερμασίασ κατὰ τὸν τῆσ μεσημβρίασ καιρὸν οὐδὲ συνορᾶν ἀλλήλουσ οἱ παρεστῶτεσ δύνανται διὰ τὴν παχύτητα τῆσ περὶ τὸν ἀέρα πυκνώσεωσ, χωρὶσ δὲ ὑποδέσεωσ πάντεσ ἀδυνατοῦσι βαδίζειν, ὡσ ἂν τοῖσ ἀνυποδήτοισ παραχρῆμα φλυκτίδων γινομένων.

κατὰ δὲ τὸ ποτόν, ἐὰν μὴ τὴν ἔνδειαν ἑτοίμωσ ἀφαιρῆται, ταχέωσ τελευτῶσιν, ὡσ ἂν τῆσ θερμασίασ τὴν τῶν ὑγρῶν ἐν τῷ σώματι φύσιν ὀξέωσ ἀναλισκούσησ.

πρὸσ δὲ τούτοισ, ὅταν τισ εἰσ χαλκοῦν ἀγγεῖον ἐμβαλὼν τῶν ἐδωδίμων ὁδηποτοῦν μεθ’ ὕδατοσ εἰσ τὸν ἥλιον θῇ, ταχέωσ ἕψεται χωρὶσ πυρὸσ καὶ ξύλων. ἀλλ’ ὅμωσ οἱ κατοικοῦντεσ ἀμφοτέρασ τὰσ εἰρημένασ χώρασ οὐχ οἱο͂ν φεύγειν βούλονται τὴν ὑπερβολὴν τῶν συμβαινόντων αὐτοῖσ κακῶν, ἀλλὰ καὶ τοὐναντίον ἑκουσίωσ προϊένται τὸ ζῆν ἕνεκα τοῦ μὴ βιασθῆναι διαίτησ ἑτέρασ καὶ βίου πειραθῆναι.

οὕτωσ αὐτοφυὲσ ἔχει τι φίλτρον πᾶσα συνήθησ χώρα, καὶ περιγίνεται τῆσ ἐκ τῶν ἀέρων κακοπαθείασ ὁ χρόνοσ ὁ τὴν ἐκ νηπίου παραλαβὼν ἡλικίαν.

τὰσ δὲ τηλικαύτασ ἐπ’ ἀμφότερα διαφορὰσ οὐ πολὺ διορίζει τόπου διάστημα.

ἀπὸ γὰρ τῆσ Μαιώτιδοσ λίμνησ, ᾗ προσοικοῦσί τινεσ τῶν Σκυθῶν ἐν πάγει καὶ ψύχεσιν ὑπερβάλλουσι καθιδρυμένοι, πολλοὶ τῶν πλοϊζομένων οὐριοδρομούσαισ ναυσὶ φορτίσιν εἰσ μὲν Ῥόδον δεκαταῖοι καταπεπλεύκασιν, ἐξ ἧσ εἰσ Ἀλεξάνδρειαν τεταρταῖοι καταντῶσιν, ἐκ δὲ ταύτησ κατὰ τὸν Νεῖλον πλέοντεσ πολλοὶ δεκαταῖοι κατηντήκασιν εἰσ Αἰθιοπίαν, ὥστε ἀπὸ τῶν κατεψυγμένων μερῶν τῆσ οἰκουμένησ ἐπὶ τὰ θερμότατα μέρη μὴ πλέον εἴκοσι καὶ τεττάρων ἡμερῶν εἶναι τὸν πλοῦν τοῖσ κατὰ τὸ συνεχὲσ κομιζομένοισ. διόπερ τῆσ διαφορᾶσ τῆσ τῶν ἀέρων ἐν ὀλίγῳ διαστήματι μεγάλησ οὔσησ οὐδὲν παράδοξον καὶ τὴν δίαιταν καὶ τοὺσ βίουσ, ἔτι δὲ τὰ σώματα πολὺ διαλλάττειν τῶν παρ’ ἡμῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 34

(디오도로스 시켈로스, Bibliotheca Historica, book 3, chapter 34)

상위

목록

SEARCH

MENU NAVIGATION