헬라어 문장 검색 - Διοδορ́Βιβλιοτ́3́30́

(디오도로스 시켈로스, Bibliotheca Historica, book 3, chapter 29)

βραχὺ δὲ τούτων ἀπέχοντεσ Ἀκριδοφάγοι κατοικοῦσι τὰ συνορίζοντα πρὸσ τὴν ἔρημον, ἄνθρωποι μικρότεροι μὲν τῶν ἄλλων, ἰσχνοὶ δὲ τοῖσ ὄγκοισ, μέλανεσ δὲ καθ’ ὑπερβολήν. κατὰ γὰρ τὴν ἐαρινὴν ὡρ́αν παρ’ αὐτοῖσ ζέφυροι καὶ λίβεσ παμμεγέθεισ ἐκριπτοῦσιν ἐκ τῆσ ἐρήμου πλῆθοσ ἀκρίδων ἀμύθητον, τοῖσ τε μεγέθεσι διαλλάττον καὶ τῇ χρόᾳ τοῦ πτερώματοσ εἰδεχθὲσ καὶ ῥυπαρόν. ἐκ τούτου δαψιλεῖσ τροφὰσ ἔχουσιν ἅπαντα τὸν βίον, ἰδιοτρόπωσ αὐτῶν ποιούμενοι τὴν θήραν.

παρὰ γὰρ τὴν χώραν αὐτῶν ἐπὶ πολλοὺσ σταδίουσ παρήκει χαράδρα βάθοσ ἔχουσα καὶ πλάτοσ ἀξιόλογον· ταύτην πληροῦσιν ἀγρίασ ὕλησ, οὔσησ ἀφθόνου κατὰ τὴν χώραν· ἔπειθ’ ὅταν τῶν προειρημένων ἀνέμων πνεόντων προσφέρηται τὰ νέφη τῶν ἀκρίδων, καταδιελόμενοι πάντα τὸν τῆσ χαράδρασ τόπον πυροῦσι τὸν ἐν αὐτῇ χόρτον. ἐγειρομένου δὲ καπνοῦ πολλοῦ καὶ δριμέοσ, αἱ μὲν ἀκρίδεσ ὑπερπετόμεναι τὴν χαράδραν, καὶ διὰ τὴν τοῦ καπνοῦ δριμύτητα πνιγόμεναι, καταπίπτουσιν ἐπὶ τὴν γῆν ὀλίγον διαπετασθεῖσαι τόπον, τῆσ δὲ τούτων ἀπωλείασ ἐπὶ πλείονασ ἡμέρασ γινομένησ μεγάλοι διανίστανται σωροί·

καὶ τῆσ χώρασ ἐχούσησ ἁλμυρίδα πολλήν, πάντεσ προσφέρουσι ταύτην ἀθρόοισ τοῖσ σωροῖσ, καὶ διατήξαντεσ οἰκείωσ ποιοῦσι τήν τε γεῦσιν πρόσφορον καὶ τὸν ἀποθησαυρισμὸν πολυχρόνιον. ἡ μὲν οὖν διατροφὴ τούτοισ παραχρῆμα καὶ τὸν ὕστερον χρόνον ἀπὸ τούτων τῶν ζῴων ὑπάρχει·

οὔτε γὰρ κτηνοτροφοῦσιν οὔτε θαλάττησ ἐγγὺσ οἰκοῦσιν οὔτε ἄλλησ ἐπικουρίασ οὐδεμιᾶσ τυγχάνουσι· τοῖσ δὲ σώμασιν ὄντεσ κοῦφοι καὶ τοῖσ ποσὶν ὀξύτατοι βραχύβιοι παντελῶσ εἰσιν, ὡσ ἂν τῶν πολυχρονιωτάτων παρ’ αὐτοῖσ οὐχ ὑπερβαλλόντων ἔτη τετταράκοντα. τὸ δὲ τοῦ βίου τέλοσ οὐ μόνον παράδοξον ἔχουσιν, ἀλλὰ καὶ πάντων ἀκληρότατον.

ὅταν γὰρ πλησιάζῃ τὸ γῆρασ, ἐμφύονται τοῖσ σώμασι πτερωτοὶ φθεῖρεσ οὐ μόνον διάφοροι τοῖσ εἴδεσιν, ἀλλὰ καὶ ταῖσ ἰδέαισ ἄγριοι καὶ παντελῶσ εἰδεχθεῖσ. ἀρξάμενον δὲ τὸ κακὸν ἀπὸ τῆσ γαστρὸσ καὶ τοῦ θώρακοσ ἐπινέμεται πάντα τὸν ὄγκον ἐν ὀλίγῳ χρόνῳ.

ὁ δὲ πάσχων τὸ μὲν πρῶτον ὡσ ὑπὸ ψώρασ τινὸσ ἐρεθιζόμενοσ μετρίωσ ὀδαξᾶσθαι φιλοτιμεῖται, μεμιγμένην ἔχοντοσ τοῦ πάθουσ ἀλγηδόσι τὴν χαράν· μετὰ δὲ ταῦτα ἀεὶ μᾶλλον τῶν ἐγγενομένων θηρίων εἰσ τὴν ἐπιφάνειαν ἐκπιπτόντων συνεκχεῖται πλῆθοσ ἰχῶροσ λεπτοῦ, τὴν δριμύτητα παντελῶσ ἔχοντοσ ἀνυπομόνητον. διόπερ ὁ συνεχόμενοσ τῷ πάθει βιαιότερον ἀμύττει τοῖσ ὄνυξι, στεναγμοὺσ μεγάλουσ προϊέμενοσ.

κατὰ δὲ τὰσ τῶν χειρῶν ἐξελκώσεισ τοσοῦτο πλῆθοσ ἐκπίπτει τῶν ἑρπετῶν ὥστε μηδὲν ἀνύειν τοὺσ ἀπολέγοντασ, ὡσ ἂν ἄλλων ἐπ’ ἄλλοισ ἐκφαινομένων καθάπερ ἔκ τινοσ ἀγγείου πολλαχῶσ κατατετρημένου. οὗτοι μὲν οὖν εἰσ τοιαύτην διάλυσιν τοῦ σώματοσ καταστρέφουσι τὸν βίον δυστυχῶσ, εἴτε διὰ τὴν ἰδιότητα τῆσ τροφῆσ εἴτε διὰ τὸν ἀέρα τοιαύτησ τυγχάνοντεσ περιπετείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 29

(디오도로스 시켈로스, Bibliotheca Historica, book 3, chapter 29)

상위

목록

SEARCH

MENU NAVIGATION