헬라어 문장 검색 - Διοδορ́Βιβλιοτ́3́27́

(디오도로스 시켈로스, Bibliotheca Historica, book 3, chapter 26)

ταύτησ δὲ τῆσ χώρασ εἰσ τὰ πρὸσ δυσμὰσ μέρη πολὺ διεστηκότεσ Αἰθίοπεσ ὑπάρχουσιν Ἐλεφαντομάχοι κυνηγοί. νεμόμενοι γὰρ δρυμώδεισ καὶ πυκνοὺσ τοῖσ δένδρεσι τόπουσ παρατηροῦσι τῶν ἐλεφάντων τὰσ εἰσόδουσ καὶ τὰσ ἐκτροπάσ, σκοπὰσ ἀπὸ τῶν ὑψηλοτάτων δένδρων ποιούμενοι· καὶ ταῖσ μὲν ἀγέλαισ αὐτῶν οὐκ ἐπιτίθενται διὰ τὸ μηδεμίαν ἐλπίδα ἔχειν κατορθώσεωσ, τοῖσ δὲ καθ’ ἕνα πορευομένοισ ἐπιβάλλουσι τὰσ χεῖρασ, παραδόξοισ ἐγχειροῦντεσ τολμήμασιν. ὅταν γὰρ τὸ ζῷον διεξιὸν γένηται κατὰ τὸ δένδρον ἐν ᾧ συμβαίνει τὸν σκοπεύοντα κεκρύφθαι, ἅμα τῷ παραλλάττειν τὸν τόπον ταῖσ μὲν χερσὶν ἐδράξατο τῆσ οὐρᾶσ, τοῖσ δὲ ποσὶν ἀντέβη πρὸσ τὸν ἀριστερὸν μηρόν·

ἔχων δ’ ἐκ τῶν ὤμων ἐξηρτημένον πέλεκυν, κοῦφον μὲν πρὸσ τὴν ἀπὸ τῆσ μιᾶσ χειρὸσ πληγήν, ὀξὺν δὲ καθ’ ὑπερβολήν, τοῦτον λαβόμενοσ ἐν τῇ δεξιᾷ χειρὶ νευροκοπεῖ τὴν δεξιὰν ἰγνύν, πυκνὰσ καταφέρων πληγὰσ καὶ διὰ τῆσ ἀριστερᾶσ χειρὸσ οἰακίζων τὸ ἴδιον σῶμα. παράδοξον δὲ ὀξύτητα τοῖσ ἔργοισ προσφέρουσιν, ὡσ ἂν ἄθλου τῆσ ἰδίασ ψυχῆσ ἑκάστῳ προκειμένου· ἢ γὰρ χειρώσασθαι τὸ ζῷον ἢ τελευτᾶν αὐτὸν λείπεται, τῆσ περιστάσεωσ οὐκ ἐπιδεχομένησ ἕτερον ἀποτέλεσμα. τὸ δὲ νευροκοπηθὲν ζῷον ποτὲ μὲν διὰ τὴν δυσκινησίαν ἀδυνατοῦν στρέφεσθαι καὶ συνεγκλινόμενον ἐπὶ τὸν πεπονθότα τόπον πίπτει καὶ τὸν Αἰθίοπα συναπόλλυσι, ποτὲ δὲ πρὸσ πέτραν ἢ δένδρον ἀποθλῖψαν τὸν ἄνθρωπον τῷ βάρει πιέζει μέχρι ἂν ἀποκτείνῃ.

ἔνιοι δὲ τῶν ἐλεφάντων περιαλγεῖσ γινόμενοι τοῦ μὲν ἀμύνεσθαι τὸν ἐπιβουλεύσαντα μακρὰν ἀφεστήκασι, τὴν δὲ φυγὴν διὰ τοῦ πεδίου ποιοῦνται, μέχρι ἂν οὗ συνεχῶσ προβεβηκὼσ ὁ τύπτων εἰσ τὸν αὐτὸν τόπον τῷ πελέκει διακόψασ τὰ νεῦρα ποιήσῃ πάρετον τὸ ζῷον.

ὅταν δὲ τὸ ζῷον πέσῃ, συντρέχουσι κατὰ συστήματα, καὶ ζῶντοσ ἔτι τέμνοντεσ τὰσ σάρκασ ἐκ τῶν ὄπισθεν μερῶν εὐωχοῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 3, chapter 26

(디오도로스 시켈로스, Bibliotheca Historica, book 3, chapter 26)

상위

목록

SEARCH

MENU NAVIGATION