헬라어 문장 검색 - Πλυταρ́Πομπεψ́67́

(플루타르코스, Pompey, chapter 67)

ἔνιοι δέ φασι διὰ τοῦτο καὶ Κάτωνι μηδὲν ἄξιον σπουδῆσ χρήσασθαι Πομπήϊον, ἀλλὰ καὶ πορευόμενον ἐπὶ Καίσαρα πρὸσ θαλάσσῃ καταλιπεῖν ἐπὶ τῆσ ἀποσκευῆσ, φοβηθέντα μὴ Καίσαροσ ἀναιρεθέντοσ ἀναγκάσῃ κἀκεῖνον εὐθὺσ ἀποθέσθαι τὴν ἀρχήν, οὕτω δὲ παρακολουθῶν ἀτρέμα τοῖσ πολεμίοισ ἐν αἰτίαισ ἦν καὶ καταβοήσεσιν ὡσ οὐ Καίσαρα καταστρατηγῶν, ἀλλὰ τὴν πατρίδα καὶ τὴν βουλήν, ὅπωσ διὰ παντὸσ ἄρχῃ καὶ μηδέποτε παύσηται τοῖσ ἀξιοῦσι τῆσ οἰκουμένησ ἄρχειν χρώμενοσ ὑπηρέταισ καὶ δορυφόροισ. Δομέτιοσ δὲ αὐτὸν Αἠνόβαρβοσ Ἀγαμέμνονα καλῶν καὶ βασιλέα βασιλέων ἐπίφθονον ἐποίει.

καὶ Φαώνιοσ οὐχ ἧττον ἦν ἀηδὴσ τῶν παρρησιαζομένων· "οὐδὲ τῆτεσ ἔσται τῶν ἐν Τουσκλάνῳ σύκων μεταλαβεῖν; Λεύκιοσ δὲ Ἀφράνιοσ ὁ τὰσ ἐν Ἰβηρίᾳ δυνάμεισ ἀποβαλὼν ἐν αἰτίᾳ προδοσίασ γεγονώσ, τότε δὲ τὸν Πομπήϊον ὁρῶν φυγομαχοῦντα, θαυμάζειν ἔλεγε τοὺσ κατηγοροῦντασ αὐτοῦ, πῶσ πρὸσ τὸν ἔμπορον τῶν ἐπαρχιῶν οὐ μάχονται προελθόντεσ. ταῦτα καὶ τὰ τοιαῦτα πολλὰ λέγοντεσ ἄνδρα δόξησ ἥττονα καὶ τῆσ πρὸσ τοὺσ φίλουσ αἰδοῦσ τὸν Πομπήϊον ἐξεβιάσαντο καὶ συνεπεσπάσαντο ταῖσ ἑαυτῶν ἐλπίσι καὶ ὁρμαῖσ ἐπακολουθῆσαι, προέμενον τοὺσ ἀρίστουσ λογισμούσ, ὅπερ οὐδὲ πλοίου κυβερνήτῃ, μήτιγε τοσούτων ἐθνῶν καὶ δυνάμεων αὐτοκράτορι στρατηγῷ παθεῖν ἦν προσῆκον.

ὁ δὲ τῶν μὲν ἰατρῶν τοὺσ μηδέποτε χαριζομένουσ ταῖσ ἐπιθυμίαισ ἐπῄνεσεν, αὐτὸσ δὲ τῷ νοσοῦντι τῆσ στρατιᾶσ ἐνέδωκε, δείσασ ἐπὶ σωτηρίᾳ λυπηρὸσ γενέσθαι, πῶσ γὰρ ἄν τισ φήσειεν ὑγιαίνειν ἐκείνουσ τοὺσ ἄνδρασ, ὧν οἱ μὲν ὑπατείασ ἤδη καὶ στρατηγίασ ἐν τῷ στρατοπέδῳ περινοστοῦντεσ ἐμνῶντο, Σπινθῆρι δὲ καὶ Δομετίῳ καὶ Σκηπίωνι περὶ τῆσ Καίσαροσ ἀρχιερωσύνησ ἔριδεσ ἦσαν καὶ φιλονεικίαι καὶ δεξιώσεισ;

ὥσπερ αὐτοῖσ Τιγράνου τοῦ Ἀρμενίου παραστρατοπεδεύοντοσ ἢ τοῦ Ναβαταίων βασιλέωσ, ἀλλ’ οὐ Καίσαροσ ἐκείνου καὶ τῆσ δυνάμεωσ ᾗ χιλίασ μὲν ᾑρήκει πόλεισ κατὰ κράτοσ, ἔθνη δὲ πλείονα τριακοσίων ὑπῆκτο, Γερμανοῖσ δὲ καὶ Γαλάταισ μεμαχημένοσ ἀήττητοσ ὅσασ οὐκ ἄν τισ ἀριθμήσαι μάχασ ἑκατὸν μυριάδασ αἰχμαλώτων ἔλαβεν, ἑκατὸν δὲ ἀπέκτεινε τρεψάμενοσ ἐκ παρατάξεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pompey, chapter 67

(플루타르코스, Pompey, chapter 67)

상위

목록

SEARCH

MENU NAVIGATION