헬라어 문장 검색 - Πλυταρ́Αντονψ́58́

(플루타르코스, Antony, chapter 58)

Καῖσαρ δὲ τὸ τάχοσ καὶ τὸ μέγεθοσ τῆσ παρασκευῆσ ἀκούσασ ἐθορυβήθη, μὴ τοῦ θέρουσ ἐκείνου διαπολεμεῖν ἀναγκασθῇ. καὶ γὰρ ἐνέδει πολλά, καὶ τοὺσ ἀνθρώπουσ ἐλύπουν αἱ τῶν χρημάτων εἰσπράξεισ· ἀναγκαζόμενοι γὰρ οἱ μὲν ἄλλοι τὰ τέταρτα τῶν καρπῶν, οἱ δὲ ἐξελευθερικοὶ τῶν κτημάτων αὐτῶν τὰσ ὀγδόασ ἀποφέρειν κατεβόων αὐτοῦ, καὶ ταραχαὶ κατεῖχον ἐκ τούτων ἅπασαν τὴν Ἰταλίαν. ὅθεν ἐν τοῖσ μεγίστοισ ἁμαρτήμασιν Ἀντωνίου τὴν ἀναβολὴν τοῦ πολέμου τίθενται.

καὶ γὰρ παρασκευάσασθαι χρόνον ἔδωκε Καίσαρι καὶ τὰσ ταραχὰσ τῶν ἀνθρώπων ἐξέλυσε. πραττόμενοι γὰρ ἠγριαίνοντο, πραχθέντεσ δὲ καὶ δόντεσ ἡσύχαζον. Τίτιοσ δὲ καὶ Πλάγκοσ, Ἀντωνίου φίλοι τῶν ὑπατικῶν, ὑπὸ Κλεοπάτρασ προπηλακιζόμενοι ̔πλεῖστα γὰρ ἠναντιώθησαν αὐτῇ περὶ τοῦ συστρατεύειν’ ἀποδράντεσ ᾤχοντο πρὸσ Καίσαρα, καὶ περὶ τῶν Ἀντωνίου διαθηκῶν ἐγένοντο μηνυταί, τὰ γεγραμμένα συνειδότεσ. ἀπέκειντο δ’ αὗται παρὰ ταῖσ Ἑστιάσι παρθένοισ, καὶ Καίσαροσ αἰτοῦντοσ οὐκ ἔδωκαν·

εἰ δὲ βούλοιτο λαμβάνειν, ἐλθεῖν αὐτὸν ἐκέλευον. ἔλαβεν οὖν ἐλθών· καὶ πρῶτον μὲν αὐτὸσ ἰδίᾳ τὰ γεγραμμένα διῆλθε, καὶ παρεσημήνατο τόπουσ τινὰσ εὐκατηγορήτουσ· ἔπειτα τὴν βουλὴν ἀθροίσασ ἀνεγίνωσκε, τῶν πλείστων ἀηδῶσ ἐχόντων. ἀλλόκοτον γὰρ ἔδοξεν εἶναι καὶ δεινόν, εὐθύνασ τινὰ διδόναι ζῶντα περὶ ὧν ἐβουλήθη γενέσθαι μετὰ τὴν τελευτήν.

ἐπεφύετο δὲ τῶν γεγραμμένων μάλιστα τῷ περὶ τῆσ ταφῆσ. ἐκέλευε γὰρ αὑτοῦ τὸ σῶμα, κἂν ἐν Ῥώμῃ τελευτήσῃ, δἰ ἀγορᾶσ πομπευθὲν εἰσ Ἀλεξάνδρειαν ὡσ Κλεοπάτραν ἀποσταλῆναι. Καλουΐσιοσ δὲ Καίσαροσ ἑταῖροσ ἔτι καὶ ταῦτα τῶν εἰσ Κλεοπάτραν ἐγκλημάτων Ἀντωνίῳ προὔφερε·

χαρίσασθαι μὲν αὐτῇ τὰσ ἐκ Περγάμου βιβλιοθήκασ, ἐν αἷσ εἴκοσι μυριάδεσ βιβλίων ἁπλῶν ἦσαν· ἐν δὲ συνδείπνῳ πολλῶν παρόντων ἀναστάντα τρίβειν αὐτῆσ τοὺσ πόδασ ἔκ τινοσ ὁρισμοῦ καὶ συνθήκησ γενομένησ· Ἐφεσίουσ δὲ ἀνασχέσθαι παρόντοσ αὐτοῦ κυρίαν τὴν Κλεοπάτραν ἀσπασαμένουσ· δικάζοντα δὲ πολλάκισ τετράρχαισ καὶ βασιλεῦσιν ἐπὶ βήματοσ δελτάρια τῶν ἐρωτικῶν ὀνύχινα καὶ κρυστάλλινα δέχεσθαι παρ’ αὐτῆσ καὶ ἀναγινώσκειν·

Φουρνίου δὲ λέγοντοσ, ὃσ ἦν ἀξιώματοσ μεγάλου καὶ δεινότατοσ εἰπεῖν Ῥωμαίων, τὴν μὲν Κλεοπάτραν ἐν φορείῳ διὰ τῆσ ἀγορᾶσ κομίζεσθαι, τὸν δὲ Ἀντώνιον, ὡσ εἶδεν, ἀναπηδήσαντα τὴν μὲν δίκην ἀπολιπεῖν, ἐκκρεμαννύμενον δὲ τοῦ φορείου παραπέμπειν ἐκείνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Antony, chapter 58

(플루타르코스, Antony, chapter 58)

상위

목록

SEARCH

MENU NAVIGATION