헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 96)

οὐ πολλῷ δ’ ὕστερον χρόνῳ τῆσ ἑορτῆσ τῶν ὑπατικῶν εἷσ Μενήνιοσ Ἀγρίππασ ἐτελεύτησε τὸν βίον, ὁ νικήσασ Σαβίνουσ καὶ τὸν ἐξ αὐτῶν θρίαμβον ἐπιφανέστατον καταγαγών, ᾧ πεισθεῖσα ἡ βουλὴ τὴν κάθοδον ἐπέτρεψε τοῖσ φυγάσι, καὶ ὁ δῆμοσ πιστεύσασ ἀπέστη τῶν ὅπλων· καὶ αὐτὸν ἔθαψεν ἡ πόλισ δημοσίᾳ καὶ καλλίστῃ πάντων ἀνθρώπων καὶ λαμπροτάτῃ ταφῇ.

οὐσία γὰρ οὐκ ἦν τῷ ἀνδρὶ εἰσ μεγαλοπρέπειαν ἐκκομιδῆσ καὶ ταφῆσ ἀποχρῶσα· ὥστε καὶ τοῖσ ἐπιτρόποισ αὐτοῦ τῶν παίδων βουλευομένοισ ἔδοξεν ὡσ ἕνα τῶν πολλῶν εὐτελῶσ ἐκκομίσαι τε καὶ θάψαι. οὐ μέντοι γε ὁ δῆμοσ εἰάσεν, ἀλλὰ συναγαγόντεσ οἱ δήμαρχοι τὸ πλῆθοσ εἰσ ἐκκλησίαν καὶ πολλὰ διελθόντεσ ἐγκώμια τῶν τε κατὰ πόλεμον ἔργων τοῦ ἀνδρὸσ καὶ τῶν πολιτικῶν, τήν τε σωφροσύνην αὐτοῦ καὶ τὴν λιτότητα τοῦ βίου, μάλιστα δὲ τὴν εἰσ χρηματισμὸν ἐγκράτειαν ἐπὶ μήκιστον ἄραντεσ τοῖσ ἐπαίνοισ, αἴσχιστον ἔφησαν εἶναι τῶν πραγμάτων ἄνδρα τηλικοῦτον ἀσήμου καὶ ταπεινῆσ κηδείασ τυχεῖν διὰ πενίαν·

παρῄνεσάν τε τῷ δήμῳ τὴν δαπάνην ἀναδέξασθαι, καὶ συνεισενεγκεῖν κατ’ ἄνδρα, ὅσον ἂν αὐτοὶ τάξωσι.

τοῖσ δ’ ἀκούσασιν ἄσμενον ἐγένετο, καὶ αὐτίκα φέροντοσ ἑκάστου τὸ ταχθὲν πολύ τι χρῆμα συνήχθη διαφόρου.

μαθοῦσα δὲ τοῦθ’ ἡ βουλὴ δι’ αἰσχύνησ τὸ πρᾶγμα ἔλαβε καὶ ἔκρινε μὴ κατ’ ἄνδρα ἐρανισμῷ τὸν ἐπιφανέστατον Ῥωμαίων περιιδεῖν θαπτόμενον, ἀλλ’ ἐκ τῶν δημοσίων ἐδικαίωσε τὸ ἀνάλωμα γενέσθαι τοῖσ ταμίαισ ἐπιτρέψασα τὴν ἐπιμέλειαν. οἱ δὲ πολλῶν πάνυ μισθώσαντεσ χρημάτων τὰσ παροχὰσ κόσμῳ τε πολυτελεστάτῳ κοσμήσαντεσ αὐτοῦ τὸ σῶμα καὶ πάντα τὰ λοιπὰ ἐπιχορηγήσαντεσ εἰσ μεγαλοπρέπειαν ἔθαψαν αὐτὸν ἀξίωσ τῆσ ἀρετῆσ. ἀντιφιλοτιμούμενοσ δ’ ὁ δῆμοσ πρὸσ τὴν βουλὴν οὐδ’ αὐτὸσ ἠξίωσε τὸ συνεισενεχθὲν διάφορον ἀποδιδόντων τῶν ταμιῶν ἀπολαβεῖν, ἀλλ’ ἐχαρίσατο τοῖσ παισὶ τοῦ ἀνδρὸσ οἰκτείρων τὴν ἀπορίαν, ἵνα μηδὲν ἀνάξιον ἐπιτηδεύσωσι τῆσ τοῦ πατρὸσ ἀρετῆσ.

ἐγένετο δὲ καὶ τίμησισ ἐν τῷ χρόνῳ τούτῳ διὰ τῶν ὑπάτων· ἐξ ἧσ εὑρέθησαν ὑπὲρ ἕνδεκα πάντων μυριάδεσ αἱ τιμησάμεναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 96

(디오니시오스, Antiquitates Romanae, Books IV-VI, book 6, chapter 96)

상위

목록

SEARCH

MENU NAVIGATION