Dionysius of Halicarnassus, Antiquitates Romanae, Books IV-VI, book 6, chapter 18

(디오니시오스, Antiquitates Romanae, Books IV-VI, book 6, chapter 18)

ὀλίγαισ δ’ ὕστερον ἡμέραισ πρέσβεισ ἀπὸ τοῦ κοινοῦ τῶν Λατίνων ἧκον ὡσ αὐτοὺσ ἐξ ἁπασῶν τῶν πόλεων ἐπιλεχθέντεσ οἱ τὴν ἐναντίαν ἔχοντεσ περὶ τοῦ πολέμου γνώμην, ἱκετηρίασ καὶ στέμματα προεχόμενοι. οὗτοι παραχθέντεσ ἐπὶ τὴν βουλήν, τὴν μὲν ἀρχὴν τοῦ πολέμου τοὺσ δυναστεύοντασ ἐν ταῖσ πόλεσιν ἀπέφαινον αἰτίουσ·

τὸ δὲ πλῆθοσ ἓν μόνον τοῦτο ἁμαρτεῖν ἔλεγον, ὅτι πονηροῖσ ἐπείσθη δημαγωγοῖσ ἴδια κέρδη παρεσκευασμένοισ. τοῦτο τῇ Ῥωμαίων προσθήσοντασ εὐποτμίᾳ.

τελευτῶντεσ δὲ τοῦ λόγου συγγένειαν ἐπεκαλοῦντο καὶ συμμαχιῶν ἀπροφασίστων ποτὲ γενομένων ἀνεμίμνησκον καὶ συμφορὰσ ἀνέκλαιον τὰσ καταληψομένασ τοὺσ μηδὲν ἡμαρτηκότασ, οἳ μακρῷ πλείουσ ἦσαν τῶν ἡμαρτηκότων, ὀδυρόμενοι παρ’ ἕκαστα καὶ τῶν γονάτων ἁπτόμενοι πάσησ τῆσ γερουσίασ καὶ τὰσ ἱκετηρίασ παρὰ τοῖσ ποσὶ τοῦ Ποστομίου τιθέντεσ· ὥστε παθεῖν τι πρὸσ τὰ δάκρυα καὶ τὰσ δεήσεισ αὐτῶν τὸ συνέδριον ἅπαν.

일치하는 문장이 없습니다.

SEARCH

MENU NAVIGATION