헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 70

(디오니시오스, Antiquitates Romanae, Books IV-VI, book 6, chapter 70)

ταύτασ οἱ πρέσβεισ παρ’ αὐτῶν λαβόντεσ τὰσ ἐντολὰσ αὐθημερὸν ἐξῄεσαν. φθάσασα δὲ τὴν παρουσίαν αὐτῶν ἡ φήμη διήγγειλε τοῖσ ἐπὶ στρατοπέδου πάντα τὰ ἐν τῇ πόλει γενόμενα, καὶ αὐτίκα πάντεσ ἐκλιπόντεσ τὸ ἔρυμα ὑπήντων ἔτι καθ’ ὁδὸν οὖσι τοῖσ πρεσβευταῖσ. ἦν δέ τισ ἐν τῷ στρατοπέδῳ πάνυ ταραχώδησ καὶ στασιαστὴσ ἀνήρ, ὀξὺσ τῇ γνώμῃ προιδεῖν τι τῶν ἐσομένων ἐκ πολλοῦ, καὶ εἰπεῖν ὅ τι νοήσειεν ὡσ λάλοσ καὶ κωτίλοσ οὐκ ἀδύνατοσ, ὃσ ἐκαλεῖτο μὲν Λεύκιοσ Ιοὔνιοσ, ὁμώνυμοσ τῷ καταλύσαντι τοὺσ βασιλεῖσ, ἐκπληρῶσαι δὲ τὴν ὁμωνυμίαν βουλόμενοσ ἠξίου καὶ Βροῦτοσ ἐπικαλεῖσθαι. τοῖσ δ’ ἄρα πολλοῖσ γέλωσ ἐπὶ τῇ κενοσπουδίᾳ τοῦ ἀνθρώπου εἰσήρχετο, καὶ ὅτε βουληθεῖεν ἐπισκώπτειν αὐτὸν Βροῦτον ἐπεκάλουν.

οὗτοσ ὁ ἀνὴρ τὸν ἡγεμόνα τοῦ στρατοπέδου Σικίννιον διδάξασ, ὡσ οὐκ ἄμεινον εἰή τῷ δήμῳ ῥᾳδίωσ ἑαυτὸν ἐπιτρέπειν τοῖσ προτεινομένοισ, ἵνα μὴ ἀπ’ ἐλάττονοσ ἀξιώσεωσ ἀτιμοτέραν εὑρ́ηται τὴν κάθοδον, ἀλλ’ ἐναντιοῦσθαι μέχρι πολλοῦ καὶ τραγῳδίαν τινὰ ἐπιθεῖναι τοῖσ πράγμασι προσποιητόν, ὑποσχόμενόσ τ’ αὐτὸσ ἀναλήψεσθαι τὸν ὑπὲρ τοῦ δήμου λόγον τά τ’ ἄλλα ὑποθέμενοσ, ἃ χρὴ πράττειν ἢ λέγειν, ἔπεισε τὸν Σικίννιον.

καὶ μετὰ τοῦτο ὁ μὲν Σικίννιοσ συγκαλέσασ εἰσ ἐκκλησίαν τὸν δῆμον ἐκέλευσε τοὺσ πρεσβευτὰσ ὑπὲρ ὧν ἥκουσι λέγειν.