Dionysius of Halicarnassus, Antiquitates Romanae, Books IV-VI, book 6, chapter 42

(디오니시오스, Antiquitates Romanae, Books IV-VI, book 6, chapter 42)

ταῦτ’ εἰπόντοσ αὐτοῦ πᾶσ ὁ δῆμοσ ἄσμενοσ ἀκούσασ ὡσ οὐδὲν ἔτι φενακισθησόμενοσ ὑπέσχετο συνάρασθαι τοῦ πολέμου, καὶ γίνεται δέκα στρατιωτικὰ τάγματα, ἐξ ἀνδρῶν τετρακισχιλίων ἕκαστον. τούτων τρία μὲν ἑκάτεροσ τῶν ὑπάτων ἔλαβε καὶ τῶν ἱππέων ὅσον ἑκάστῳ προσεμερίσθη· τὰ δὲ τέτταρα καὶ τοὺσ λοιποὺσ ἱππεῖσ ὁ δικτάτωρ.

καὶ αὐτίκα παρασκευασάμενοι ᾤχοντο διὰ τάχουσ ἐπὶ μὲν Αἰκανοὺσ Τῖτοσ Οὐετούριοσ, ἐπὶ δ’ Οὐολούσκουσ Αὖλοσ Οὐεργίνιοσ, αὐτὸσ δ’ ὁ δικτάτωρ Οὐαλέριοσ ἐπὶ Σαβίνουσ, τὴν δὲ πόλιν ἅμα τοῖσ γεραιτέροισ καὶ ὀλίγῳ τινὶ στρατεύματι ἀκμαίῳ Τῖτοσ Λάρκιοσ ἐφύλαττεν. ὁ μὲν οὖν Οὐολούσκων πόλεμοσ ταχεῖαν τὴν κρίσιν ἔλαβε·

πλήθει γὰρ ὑπεραίρειν πολὺ νομίσαντεσ τῶν προτέρων κακῶν ἀναμνησθέντεσ, ἀγωνισταὶ ταχίουσ ἢ φρονιμώτεροι ἀναγκασθέντεσ γενέσθαι θᾶττον πρῶτοι ὡρ́μησαν ἐπὶ τοὺσ Ῥωμαίουσ, ἡνίκα ὤφθησαν ἐν συνόψει στρατοπεδεύσαντεσ. γενομένησ δὲ μάχησ καρτερᾶσ πολλὰ μὲν δράσαντεσ γενναῖα, πλείω δὲ τὰ δεινὰ ὑπομείναντεσ εἰσ φυγὴν τρέπονται, καὶ ὅ τε χάραξ αὐτῶν ἑάλω καὶ πόλισ ἐπιφανὴσ ἐκ πολιορκίασ παρέστη· ὄνομα αὐτῇ.

ὁμοίωσ δὲ καὶ τὸ Σαβίνων φρόνημα ἐν ὀλίγῳ πάνυ ἐταπεινώθη χρόνῳ μιᾷ παρατάξει ἐξ ἀμφοτέρων βουληθέντων ἐπικρατεῖν. ἔπειτα ἥ τε χώρα προὐνομεύθη, καὶ πολίχναι τινὲσ ἑάλωσαν, ἐξ ὧν πολλὰ καὶ σώματα καὶ χρήματα οἱ στρατιῶται ἔλαβον. Αἰκανοὶ δὲ τὰ τῆσ ἀσθενείασ ἑαυτῶν ὑφορῶντεσ ἐπεὶ τὰ τῶν συμμάχων τέλοσ ἔχοντα ἐπύθοντο, χωρίοισ τ’ ἐχυροῖσ ἐπεκάθηντο καὶ εἰσ μάχασ οὐ προῄεσαν, τάσ τ’ ἀποχωρήσεισ, ὅπῃ ἐδύναντο, δι’ ὀρῶν ἢ δρυμῶν κρυφαίασ ἐποιοῦντο, καὶ διέτριψαν μὲν ἄχρι τινὸσ διαφέροντεσ τὸν πόλεμον·

οὐ μέντοιγε διασώσασθαι ἀθῶον τὴν στρατιὰν ἐδυνήθησαν ἐπιθεμένων αὐτοῖσ τῶν Ῥωμαίων ἐν χωρίοισ κρημνώδεσι τολμηρῶσ καὶ λαβόντων τὸ στρατόπεδον κατὰ κράτοσ. ἔπειτα φυγή τ’ αὐτῶν ἐκ τῆσ Λατίνων γῆσ ἐγένετο καὶ παραδόσεισ τῶν πόλεων, ἃσ ἔτυχον αὑτῶν τῇ πρώτῃ ἐφόδῳ καταλαβόμενοι, εἰσὶ δ’ ὧν καὶ ἐκ φιλονεικίασ οὐκ ἐκλιπόντων τὰσ ἄκρασ ἁλώσεισ.

일치하는 문장이 없습니다.

SEARCH

MENU NAVIGATION