헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 47)

τοῖσ δὲ πατρικίοισ ἐν μὲν τῷ παραυτίκα ταραχὴ ἐνέπεσε πολλὴ καὶ ἔκπληξισ, καὶ ὡσ αὐτίκα δὴ μάλα τῶν ἀποστατῶν ἅμα τοῖσ ἀλλοεθνέσι πολεμίοισ ἐπὶ τὴν πόλιν ἡξόντων δέοσ. ἔπειθ’ ὡσ ἐξ ἑνὸσ παρακελεύσματοσ ἁρπάσαντεσ τὰ ὅπλα σὺν τοῖσ οἰκείοισ ἕκαστοι πελάταισ, οἱ μὲν ἐπὶ τὰσ ὁδοὺσ ἃσ ἥξειν ἐνόμιζον τοὺσ πολεμίουσ παρεβοήθουν, οἱ δ’ ἐπὶ τὰ φρούρια φυλακῆσ ἕνεκα τῶν ἐρυμάτων ἐξῄεσαν, οἱ δ’ ἐν τοῖσ προκειμένοισ τῆσ πόλεωσ πεδίοισ ἐστρατοπεδεύοντο· ὅσοι δὲ διὰ γῆρασ ἀδύνατοι τούτων τι δρᾶν ἦσαν ἐπὶ τοῖσ τείχεσιν ἐτάξαντο. ἐπεὶ δὲ τοὺσ ἀποστάτασ κατέμαθον οὔτε τοῖσ πολεμίοισ προστιθεμένουσ οὔτε τὴν χώραν δῃοῦντασ οὔτε ἄλλο βλάπτοντασ οὐδὲν ὅ τι καὶ λόγου ἄξιον, τοῦ δέουσ ἐπαύσαντο·

καὶ μεταθέμενοι τὰσ γνώμασ, ἐφ’ οἷστε διαλλαγήσονται πρὸσ αὐτούσ, ἐσκόπουν·

καὶ ἐλέχθησαν ὑπὸ τῶν ἡγουμένων τοῦ συνεδρίου λόγοι παντοδαποὶ καὶ πλεῖστον ἀλλήλων διάφοροι, μετριώτατοι δὲ καὶ πρεπωδέστατοι ταῖσ παρούσαισ τύχαισ, οὓσ οἱ πρεσβύτατοι αὐτῶν ἔλεξαν διδάσκοντεσ, ὡσ οὐδεμᾷ κακίᾳ πεποίηται τὴν ἀπόστασιν ἀπ’ αὐτῶν ὁ δῆμοσ, ἀλλὰ τὰ μὲν ὑπὸ τῶν ἀναγκαίων συμφορῶν βιασθείσ, τὰ δ’ ὑπὸ τῶν συμβούλων ἐξηπατημένοσ, ὀργῇ δὲ μᾶλλον ἢ λογισμῷ τὰ συμφέροντα κρίνων, οἱᾶ ἐν ἀμαθεῖ πλήθει γίγνεσθαι φιλεῖ· ἔπειθ’ ὅτι συνοίδασιν αὑτοῖσ κακῶσ βεβουλευμένοισ οἱ πλείουσ καὶ ζητοῦσιν ἀναλύσασθαι τὰσ ἁμαρτίασ εὐσχήμονασ ἀφορμὰσ λαμβάνοντεσ· ἤδη μετεγνωκότων, καὶ εἰ λάβοιεν ἐλπίδα χρηστὴν περὶ τοῦ μέλλοντοσ χρόνου, ψηφισαμένησ αὐτοῖσ ἄδειαν τῆσ βουλῆσ καὶ διαλλαγὰσ ποιησαμένησ εὐπρεπεῖσ, ἀγαπητῶσ τὰ σφέτερα δέξονται.

ἠξίουν τε ταῦτα παραινοῦντεσ μὴ χείρουσ ὀργὴν εἶναι τῶν κακιόνων τοὺσ κρείττονασ, μηδ’ εἰσ ἐκεῖνον ἀναβάλλεσθαι τὸν χρόνον τὰσ διαλλαγάσ, ὅτε ἢ νοῦν ἔχειν ἀναγκασθήσεται τὸ ἀνόητον, ἢ τῷ μείζονι κακῷ τοὔλαττον ἰᾶσθαι ὅπλων παραδόσει καὶ σωμάτων ἐπιτροπῇ τὴν ἐλευθερίαν ἀφαιρεθὲν αὐτὸ ὑφ’ ἑαυτοῦ·

ταῦτα γὰρ ἐγγὺσ εἶναι τοῦ ἀδυνάτου· φιλότητοσ δὲ καὶ εἰρήνησ .

. . τοῖσ ἀγαθοῖσ. τὸ δ’ ἀξίωμα τῆσ βουλῆσ οὐκ ἐν τῷδε μάλιστα ἐλαττώσεσθαι ἀπέφαινον, ἐν ᾧ μάλιστα τὰσ ἀναγκαίασ συμφορὰσ γενναίωσ φέροντεσ ἀσφαλῶσ πολιτεύσουσιν, ἀλλ’ ἐν ᾧ δυσοργήτωσ ταῖσ τύχαισ ὁμιλοῦντεσ ἀνατρέψουσι τὸ κοινόν. ἀνοίασ δ’ ἔργον εἶναι τῆσ εὐπρεπείασ ὀρεγομένουσ τῆσ ἀσφαλείασ ὑπερορᾶν· ἀγαπητὸν μὲν γὰρ ἀμφοῖν τυγχάνειν, εἰ δ’ ἐξείργοιτό τισ θατέρου, τὰ σωτήρια τῶν εὐπρεπεστέρων νομιστέα ἀναγκαιότερα.

τέλοσ δ’ ἦν τῶν ταῦτα παραινούντων, πρέσβεισ ἀποστέλλειν τοὺσ διαλεξομένουσ τοῖσ ἀφεστηκόσι περὶ φιλίασ, ὡσ οὐδὲν αὐτοῖσ ἡμάρτηται ἀνήκεστον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 47

(디오니시오스, Antiquitates Romanae, Books IV-VI, book 6, chapter 47)

상위

목록

SEARCH

MENU NAVIGATION