Dionysius of Halicarnassus, Antiquitates Romanae, Books IV-VI, book 6, chapter 62

(디오니시오스, Antiquitates Romanae, Books IV-VI, book 6, chapter 62)

ἀλλὰ πλεῖστον δὴ ἐν τούτῳ Μενήνιοσ ἐψεύσθη τῆσ δόξησ, ἀνὴρ σώφρων, ἐκ τῶν ἑαυτοῦ τρόπων τεκμαίρεται χρηστὰ ὑπὲρ ἑτέρων. ἐγκείσεται γὰρ ὑμῖν πέρα τοῦ δέοντοσ βαρὺσ ὑπό τ’ αὐθαδείασ, ἣ φιλεῖ περὶ τὸ κρατοῦν ἀεὶ γίνεσθαι, καὶ ἀφροσύνησ, ἧσ πλεῖστον ὄχλοσ μετέχει μέροσ· κἂν εἰ μὴ ἐν ἀρχαῖσ, χρόνῳ γοῦν ὕστερον καὶ ἐφ’ ἑκάστῳ χρήματι, ὧν ἂν δεηθεὶσ μὴ τύχῃ, τὰ ὅπλα λαβὼν τὸν αὐτὸν τρόπον ὑμῖν σοβαρῶσ ἐπιθήσεται. τελευταῖα ἐν Συρακούσαισ οἱ γεωμόροι πρὸσ τῶν πελατῶν ἐξηλάθησαν.

εἰ δ’ ἐπ’ ἐκείνων ἀγανακτήσαντεσ ἐναντιώσεσθε τοῖσ αἰτήμασι, τί δή ποτ’ οὐκ αὐτόθεν ἄρχεσθε ἐλεύθερα φρονήματα ἔχειν;

κρεῖττον γὰρ ἀπ’ ἐλάττονοσ αἰτίασ ὁρμηθέντασ πρὶν βλαβῆναί τι ἀποδείξασθαι τὸ γενναῖον, ἢ πολλὰ ὑπομείναντασ τότε ἀγανακτεῖν περὶ τῶν γεγονότων καὶ μὴ ἐπιτρέπειν τὰ λοιπὰ καὶ ὀψὲ ἄρξασθαι νοῦν ἔχειν. φοβείτω δ’ ὑμῶν μηδένα μήτε ὁ τῶν ἀποστατῶν ἀνασεισμὸσ μήτε ὁ τῶν ἀλλοφύλων πόλεμοσ· δυνάμεωσ ὡσ οὐχ ἱκανῆσ οὔσησ διασῶσαι τὴν πόλιν.

ἡ μὲν γὰρ τῶν φυγάδων βραχεῖά ἐστιν ἰσχὺσ καὶ οὔτε πολὺν ἀνθέξει χρόνον διαμένουσα, ὥσπερ νῦν, ὑπαίθριοσ ὑπὸ καλύβαισ ὡρ́ᾳ ἔτουσ χειμερίῳ, πορίζεσθαι δὲ τὰ ἐπιτήδεια οὐχ ὅπωσ δι’ ἁρπαγῆσ ἔτι δυνησομένη ἐπειδὰν τὰ ὄντα ἀναλώσῃ, ἀλλ’ οὐδ’ ἂν ἄλλοθεν ὠνητὰ ἐπεισάγεσθαι διὰ πενίαν, οἷσ οὔτε ἰδίᾳ οὔτ’ ἐν κοινῷ χρήματά ἐστιν·

οἱ δὲ πόλεμοι ταῖσ περιουσίαισ τῶν χρημάτων ὡσ τὰ πολλὰ ἀντέχουσιν· ἀναρχία τ’ αὐτοῖσ ὡσ εἰκὸσ καὶ στάσισ ἐκ τῆσ ἀναρχίασ ἐμπεσοῦσα ταχὺ διαχεῖ τὰ βουλεύματα. οὐ γὰρ δὴ ἀξιώσουσιν οὔτε Σαβίνοισ οὔτε Τυρρηνοῖσ οὔτ’ ἄλλοισ τισὶ τῶν ἀλλοφύλων παραδόντεσ σφᾶσ αὐτούσ, ἐκείνοισ δουλεύειν, ὧν καὶ αὐτοί ποτ’ ἀφείλοντο τὴν ἐλευθερίαν σὺν ὑμῖν, καὶ μάλιστα οὐδὲ πιστευθήσονται πρὸσ αὐτῶν οἱ κακῶσ αὑτῶν τὴν πατρίδα καὶ αἰσχρῶσ ἀπολέσαι προθυμηθέντεσ, μὴ οὐχὶ ὅμοια δράσειν τὴν ὑποδεξαμένην.

ἀριστοκρατεῖται δὲ καὶ τα ἔθνη τὰ πέριξ ὑμῶν ᾶπαντα, καὶ το δημοτικὸν ἐν οὐδεμιᾷ πόλει μεταποιεῖται τῶν ἰσων, ὥστε οὐ δήπου οἱ προὔχοντεσ ἐν ἑκάστῃ πόλει τὸν οἰκεῖον οὐκ ἐῶντεσ παρακινεῖν ὄχλον, τοῦτον εἰσδέξονται τὸν ἔπηλυν καὶ στασιαστὴν εἰσ τὴν ἑαυτῶν πατρίδα, μὴ μεταδόντεσ αὐτοὶ τῶν ὁμοίων σὺν χρόνῳ στερήσονται τῶν ἴσων.

εἰ δ’ ἄρα γε γνώμησ ἁμάρτοιμι καὶ παραδέξαιτό τισ αὐτοὺσ πόλισ, ἐνταῦθα δὴ διαγινώσκοινθ’ ὡσ ἄν πολέμιοί τε ὄντεσ καὶ τὰ πολεμίων πεισόμενοι.

ἔχομεν δ’ αὐτῶν ὅμηρα πατέρασ καὶ γαμετὰσ καὶ τὴν ἄλλην συγγένειαν, ὧν οὐδ’ ἂν εὐχόμενοι κρείττονα παρὰ θεῶν αἰτησαίμεθα· οὓσ ἐν ὄψει τῶν συγγενῶν στήσαντεσ ἀπολοῦμεν, εἰ τολμήσαιεν ὁμόσε χωρεῖν, ὡσ ταῖσ ἐσχάταισ λώβαισ διαχρησόμενοι. καὶ αὐτούσ, εἰ τοῦτο μάθοιεν, εὖ ἴστε, ὅτι λήψεσθε ἀντιβολοῦντασ, ὀλοφυρομένουσ, παραδιδόντασ σφᾶσ αὐτοὺσ ἡμῖν δίχα τῶν ὅπλων, ἅπαντα ὑπομένοντασ.

δειναὶ γὰρ αἱ τοιαίδε ἀνάγκαι πάντασ τοὺσ αὐθάδεισ λογισμοὺσ κλάσαι καὶ καταβαλεῖν εἰσ τὸ μηδέν.

일치하는 문장이 없습니다.

SEARCH

MENU NAVIGATION