헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 49)

ἐκ τῶν εἰληφότων ἤδη τὴν ἀρχὴν ταύτην δήμῳ τε κεχαρισμένουσ ἄνδρασ καὶ ἀριστοκρατίᾳ, Πόστομον Κομίνιον καὶ Σπόριον Κάσσιον, ὑφ’ οὗ Σαβῖνοι καταπολεμηθέντεσ τῆσ ἡγεμονίασ ἀπέστησαν, ἐπὶ τῆσ ἑβδομηκοστῆσ καὶ δευτέρασ ὀλυμπιάδοσ, ἣν ἐνίκα στάδιον Τισικράτησ Κροτωνιάτησ, ἄρχοντοσ Ἀθήνησι Διογνήτου. οὗτοι παραλαβόντεσ τὴν ἀρχὴν καλάνδαισ Σεπτεμβρίαισ θᾶττον ἢ τοῖσ προτέροισ ἔθοσ ἦν, πρὶν ἢ τῶν ἄλλων τι διαπράξασθαι βουλὴν συγκαλέσαντεσ περὶ τῆσ καθόδου τῶν δημοτικῶν λέγειν ἠξίουν, ἥν τινα διάνοιαν ἔχει, πρῶτον ἀποφήνασθαι παρακαλοῦντεσ ἄνδρα ἡλικίασ ἐν τῇ κρατίστῃ τότε ὄντα καὶ συνέσει δοκοῦντα τῶν ἄλλων διαφέρειν, μάλιστα δ’ ἐπὶ τῇ προαιρέσει τῶν πολιτευμάτων ἐπαινούμενον, ὅτι τῆσ μέσησ τάξεωσ ἦν, οὔτε τὴν αὐθάδειαν τῶν ἀριστοκρατικῶν αὔξων οὔτε τῷ δήμῳ ὅσα βουληθείη πράττειν ἐπιτρέπων, Ἀγρίππαν Μενήνιον·

ὃσ ἐπὶ τὰσ διαλλαγὰσ τὴν βουλὴν παρεκάλει τάδε λέγων·

εἰ μὲν ἅπασιν, ὦ βουλή, τοῖσ παροῦσι τὴν αὐτὴν γνώμην συνέβαινεν ἔχειν, καὶ μηδεὶσ ἔμελλε ταῖσ πρὸσ τὸν δῆμον διαλλαγαῖσ ἐμποδὼν ἔσεσθαι, ἐφ’ οἷσ δὲ διαλυσόμεθα πρὸσ αὐτοὺσ εἴτε δικαίοισ οὖσιν εἴτε μή, ὅμωσ ταῦτα προὔκειτο μόνον σκοπεῖν, δι’ ὀλίγων ἂν ὑμῖν ἐδήλωσα λόγων, ἃ φρονῶ.

ἐπεὶ δὲ καὶ αὐτὸ τοῦτό τινεσ οἰόνται βουλῆσ ἔτι δεῖν, πότερον ἡμῖν ἄμεινόν ἐστι συμβῆναι πρὸσ τοὺσ ἀφεστηκότασ ἢ πολεμεῖν, οὐχ ἡγοῦμαι ῥᾴδιον εἶναί μοι δι’ ὀλίγησ δηλώσεωσ, ὅ τι χρὴ πράττειν παραινέσαι, ἀλλ’ ἀνάγκη διὰ πλειόνων διδάξαι λόγων τοὺσ πρὸσ τὰσ διαλλαγὰσ ἀλλοτρίωσ ἔχοντασ ὑμῶν, ὅτι τἀναντία συμπείθουσιν ἢ καὶ δεδίττεσθαι μέλλοντεσ ὑμᾶσ τὰ φαυλότατα τῶν χαλεπῶν καὶ ῥᾳδίασ ἔχοντα τὰσ ἐπανορθώσεισ ὀρρωδοῦντασ τῶν μεγίστων τε καὶ ἀνιάτων ἱκανῶσ ἀπερισκέπτωσ ἔχουσι.

καὶ τοῦτο πεπόνθασι παρ’ οὐδὲν ἕτερον ἢ ὥστε λογισμῷ μὴ κρίνειν τὸ συμφέρον, ἀλλὰ θυμῷ καὶ μανίᾳ.

πῶσ γὰρ ἂν οὗτοι λέγοιντο προορᾶσθαί τι τῇ διανοίᾳ τῶν χρησίμων ἢ δυνατῶν, οἵ τινεσ ὑπολαμβάνουσι τηλικαύτην πόλιν καὶ τοσούτων πραγμάτων κυρίαν ἤδη ἐπίφθονόν τε καὶ λυπηρὰν τοῖσ περιοίκοισ γιγνομένην, ἢ δίχα τοῦ δημοτικοῦ δυνήσεσθαι κατέχειν τε καὶ σώζειν τὰ ἔθνη ῥᾳδίωσ, ἢ ἕτερον ἐπάξεσθαι δῆμον ἀντὶ τοῦ πονηροτέρου κρείττονα, ὃσ αὐτοῖσ προπολεμήσει τε τῆσ ἀρχῆσ καὶ κατὰ πολλὴν ἡσυχίαν συμπολιτεύσεται, παρέχων καὶ ἐν εἰρήνῃ καὶ κατὰ πολέμουσ ἑαυτὸν μέτριον;

οὐδὲν γὰρ ἂν ἕτερον ἔχοιεν εἰπεῖν, ᾧ πιστεύοντεσ ἀξιώσουσιν ὑμᾶσ μὴ δέχεσθαι τὰσ διαλλαγάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 49

(디오니시오스, Antiquitates Romanae, Books IV-VI, book 6, chapter 49)

상위

목록

SEARCH

MENU NAVIGATION