헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 21)

ταῦτα μὲν οὖν τὰ λεχθέντα ὑπὸ τῶν προεστηκότων τῆσ βουλῆσ, τοῦ δὲ δικτάτοροσ τὴν Λαρκίου γνώμην προελομένου καὶ οὐδενὸσ ἔτι λέξαντοσ τἀναντία παρῆσαν εἰσκληθέντεσ εἰσ τὸ συνέδριον οἱ πρέσβεισ τὰσ ἀποκρίσεισ ληψόμενοι· καὶ ὁ Ποστόμιοσ ὀνειδίσασ αὐτοῖσ τὴν οὐδέποτε σωφρονισθῆναι δυναμένην κακίαν· δίκαιον μὲν ἦν, ἔφη, τὰ ἔσχατα παθεῖν, ἅτε δὴ καὶ αὐτοὶ πράττειν ἐμέλλετε, εἰ κατωρθώσατε ἃσ πολλάκισ ἤλθετε ἐπ’ % αὐτοὺσ ὁδούσ· οὐ μέντοι Ῥωμαίουσ τὰ δίκαια πρὸ τῶν ἐπιεικῶν προελέσθαι λογιζομένουσ, ὅτι συγγενεῖσ εἰσι καὶ ἐπὶ τὸν ἔλεον τῶν ἀδικουμένων καταπεφεύγασιν, ἀλλὰ καὶ ταύτασ τὰσ ἁμαρτίασ αὐτοῖσ ἀζημίουσ ἀφιέναι θεῶν τε ὁμογνίων ἕνεκα καὶ τύχησ ἀτεκμάρτου, παρ’ ἧσ τὸ κράτοσ ἔσχον.

νῦν μὲν οὖν, ἔφη, παντὸσ ἠλευθερωμένοι δέουσ πορεύεσθε, ἐὰν δὲ τοὺσ αἰχμαλώτουσ ἀπολύσητε καὶ τοὺσ αὐτομόλουσ παραδῶτε ἡμῖν καὶ τοὺσ φυγάδασ ἐξελάσητε, τότε τοὺσ περὶ φιλίασ τε καὶ συμμαχίασ διαλεξομένουσ πρέσβεισ πέμπετε πρὸσ ἡμᾶσ, ὡσ οὐδενὸσ ἀτυχήσοντεσ τῶν μετρίων.

ἀπῄεσαν οἱ πρέσβεισ ταύτασ τὰσ ἀποκρίσεισ λαβόντεσ καὶ μετ’ ὀλίγασ ἡμέρασ ἧκον τούσ τ’ αἰχμαλώτουσ ἀφεικότεσ καὶ τοὺσ ἁλόντασ τῶν αὐτομόλων δεσμίουσ ἄγοντεσ καὶ τοὺσ ἅμα Ταρκυνίῳ φυγάδασ ἐξεληλακότεσ ἐκ τῶν πόλεων.

ἀνθ’ ὧν εὑρ́οντο παρὰ τῆσ βουλῆσ τὴν ἀρχαίαν φιλίαν καὶ συμμαχίαν καὶ τοὺσ ὁρ́κουσ τοὺσ ὑπὲρ τούτων ποτὲ γενομένουσ διὰ τῶν εἰρηνοδικῶν ἀνενεώσαντο. ὁ μὲν δὴ πρὸσ τοὺσ τυράννουσ συστὰσ πόλεμοσ τετρακαιδεκαέτησ ἀπὸ τῆσ ἐκπτώσεωσ αὐτῶν γενόμενοσ τοιαύτησ ἔτυχε τελευτῆσ. Ταρκύνιοσ δ’ ὁ βασιλεύσ, οὗτοσ γὰρ ἔτι λοιπὸσ ἐκ τοῦ γένουσ ἦν, ὁμοῦ τι γεγονὼσ ἐνενηκονταέτησ κατὰ τὸν χρόνον τοῦτον, ἀπολωλεκὼσ τὰ τέκνα καὶ τὸν τῶν κηδεστῶν οἶκον καὶ γῆρασ ἐλεεινὸν καὶ παρ’ ἐχθροῖσ διαντλῶν, οὔτε Λατίνων ὑποδεχομένων αὐτὸν ἔτι ταῖσ πόλεσιν, οὔτε Τυρρηνῶν οὔτε Σαβίνων οὔτ’ ἄλλησ πλησιοχώρου πόλεωσ ἐλευθέρασ οὐδεμιᾶσ, εἰσ τὴν Καμπανίδα Κύμην ᾤχετο πρὸσ Ἀριστόδημον τὸν ἐπικληθέντα Μαλακὸν τυραννοῦντα τότε Κυμαίων·

παρ’ ᾧ βραχύν τινα ἡμερῶν ἀριθμὸν ἐπιβιοὺσ ἀποθνήσκει καὶ θάπτεται ὑπ’ αὐτοῦ.

τῶν δὲ σὺν ἐκείνῳ φυγάδων οἱ μὲν ἐν τῇ Κύμῃ κατέμειναν, οἱ δ’ εἰσ ἄλλασ τινὰσ πόλεισ σκεδασθέντεσ ἐπὶ ξένησ τὸν βίον κατέστρεψαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 21

(디오니시오스, Antiquitates Romanae, Books IV-VI, book 6, chapter 21)

상위

목록

SEARCH

MENU NAVIGATION