Dionysius of Halicarnassus, Antiquitates Romanae, Books IV-VI, book 6, chapter 69

(디오니시오스, Antiquitates Romanae, Books IV-VI, book 6, chapter 69)

ταῦτ’ εἰπὼν ἐπαύσατο. ἐπεὶ δ’ αἱ τῶν πρεσβυτέρων γνῶμαι τῇ Μενηνίου προσέθεντο, καὶ καθῆκεν ὁ λόγοσ ἐπὶ τοὺσ νεωτέρουσ, ὀρθῆσ οὔσησ ἁπάσησ τῆσ βουλῆσ ἀνίσταται Σπόριοσ Ναύτιοσ, οἰκίασ ἐν τοῖσ πάνυ λαμπροτάτησ διάδοχοσ· ὁ γὰρ ἡγεμὼν αὐτῶν τοῦ γένουσ Ναύτιοσ ἀπὸ τῶν σὺν Αἰνείᾳ στειλάντων τὴν ἀποικίαν, ὃσ ἦν Ἀθηνᾶσ ἱερεὺσ Πολιάδοσ καὶ τὸ ξόανον ἀπηνέγκατο τῆσ θεᾶσ μετανιστάμενοσ, ὃ διεφύλαττον ἄλλοι παρ’ ἄλλων μεταλαμβάνοντεσ οἱ τοῦ γένουσ ὄντεσ τοῦ Ναυτίων·

ὃσ ἐδόκει καὶ διὰ τὴν οἰκείαν ἀρετὴν λαμπρότατοσ εἶναι τῶν νέων, καὶ οὐκ εἰσ μακρὰν τῆσ ὑπατικῆσ ἐξουσίασ τεύξεσθαι. ἀρξάμενοσ δ’ ἀπολογεῖσθαι κοινὴν ἀπολογίαν ὑπὲρ ἁπάντων τῶν νέων, ὡσ οὔτε φιλονεικίᾳ τῇ πρὸσ τοὺσ πατέρασ οὔτε αὐθαδείᾳ χρησαμένων, ὅτε τὴν ἐναντίαν ἔσχον ἐν τῇ προτέρᾳ βουλῇ προαίρεσιν, ἀλλ’ εἴπερ ἄρα ἡμάρτανον διὰ τὴν ἡλικίαν γνώμῃ σφαλέντων, τελευτῶν ἔφη τὸ πιστὸν τούτου παρέξεσθαι τὴν μεταβολήν.

συγχωρεῖν γοῦν αὐτοῖσ ὡσ ἄμεινον φρονοῦσιν ἐπιψηφίζεσθαι πᾶν, ὅ τι ἂν ἡγῶνται τῷ κοινῷ συμφέρειν, ὡσ οὐδὲν σφῶν γε πρὸσ ταῦτ’ ἐναντιωσομένων, ἀλλὰ πεισομένων τοῖσ πρεσβυτέροισ. ὅμοια δὲ τούτῳ καὶ τῶν ἄλλων νέων ἀποφηναμένων ἐκτὸσ ὀλίγων τινῶν πάνυ τῶν Ἀππίου συγγενῶν ἐπαινέσαντεσ τὴν εὐκοσμίαν αὐτῶν οἱ ὕπατοι καὶ παρακαλέσαντεσ εἰσ πάντα τὰ κοινὰ τοιούτουσ ἑαυτοὺσ παρέχειν πρεσβευτὰσ εἵλοντο δέκα τοὺσ ἐπιφανεστάτουσ τῶν πρεσβυτέρων, ἐκτὸσ ἑνὸσ ἅπαντασ ὑπατικούσ.

οἱ δ’ ἀποδειχθέντεσ ἦσαν οἵδε· Ἀγρίππασ Μενήνιοσ Γαϊού υἱὸσ Λαινάτησ, Μάνιοσ Οὐαλέριοσ Οὐολούσσου υἱὸσ . . . Ποπλίου υἱὸσ .

. . Πόπλιοσ Ποστούμιοσ Κοίντου υἱὸσ Τούβερτοσ, Τῖτοσ Αἰβούτιοσ Τίτου υἱὸσ Φλαούιοσ, Σέρβιοσ Σολπίκιοσ Ποπλίου υἱὸσ Καμερῖνοσ, Αὖλοσ Ποστούμιοσ Ποπλίου υἱὸσ Βάλβοσ, Αὖλοσ Οὐεργίνιοσ Αὔλου υἱὸσ Καιλιμοντανόσ. μετὰ ταῦτα τῆσ βουλῆσ διαλυθείσησ οἱ μὲν ὕπατοι προελθόντεσ εἰσ ἐκκλησίαν τὸ δόγμα τῆσ βουλῆσ ἀνέγνωσαν καὶ τοὺσ πρεσβευτὰσ παρήγαγον·

ἁπάντων δ’ ἀξιούντων τὰσ ἐντολάσ, ἃσ ἔδωκαν αὐτοῖσ, μαθεῖν, εἶπον ἐν τῷ φανερῷ, πράττειν, ὅτῳ ἂν τρόπῳ δύνωνται, φιλίαν τῷ δήμῳ συνθέσθαι πρὸσ τοὺσ πατρικίουσ ἄτερ δόλου καὶ ἀπάτησ καὶ καταγαγεῖν τοὺσ φεύγοντασ ἐπὶ τὰ σφέτερα ἐν τάχει.

일치하는 문장이 없습니다.

SEARCH

MENU NAVIGATION