Dionysius of Halicarnassus, Antiquitates Romanae, Books IV-VI, book 6, chapter 13

(디오니시오스, Antiquitates Romanae, Books IV-VI, book 6, chapter 13)

ἐν ταύτῃ λέγονται τῇ μάχῃ Ποστομίῳ τε τῷ δικτάτορι καὶ τοῖσ περὶ αὐτὸν τεταγμένοισ ἱππεῖσ δύο φανῆναι, κάλλει τε καὶ μεγέθει μακρῷ κρείττουσ, ὧν ἡ καθ’ ἡμᾶσ φύσισ ἐκφέρει, ἐναρχόμενοι γενειᾶν, ἡγούμενοί τε τῆσ Ῥωμαικῆσ ἵππου καὶ τοὺσ ὁμόσε χωροῦντασ τῶν Λατίνων παίοντεσ τοῖσ δόρασι καὶ προτροπάδην ἐλαύνοντεσ. καὶ μετὰ τὴν τροπὴν τῶν Λατίνων καὶ τὴν ἅλωσιν τοῦ χάρακοσ αὐτῶν περὶ δείλην ὀψίαν τὸ τέλοσ λαβούσησ τῆσ μάχησ, ἐν τῇ Ῥωμαίων ἀγορᾷ τὸν αὐτὸν τρόπον ὀφθῆναι δύο νεανίσκοι λέγονται, πολεμικὰσ ἐνδεδυκότεσ στολὰσ μήκιστοί τε καὶ κάλλιστοι καὶ τὴν αὐτὴν ἡλικίαν ἔχοντεσ, αὐτοί τε φυλάττοντεσ ἐπὶ τῶν προσώπων ὡσ ἐκ μάχησ ἡκόντων τὸ ἐναγώνιον σχῆμα, καὶ τοὺσ ἵππουσ ἱδρῶτι διαβρόχουσ ἐπαγόμενοι.

ἄρσαντεσ δὲ τῶν ἵππων ἑκάτερον καὶ ἀπονίψαντεσ ἀπὸ τῆσ λιβάδοσ, ἣ παρὰ τὸ ἱερὸν τῆσ Ἑστίασ ἀναδίδωσι λίμνην ποιοῦσα ἐμβύθιον ὀλίγην, πολλῶν αὐτοὺσ περιστάντων καὶ εἴ τι φέρουσιν ἐπὶ κοινὸν ἀπὸ στρατοπέδου μαθεῖν ἀξιούντων, τήν τε μάχην αὐτοῖσ φράζουσιν, ὡσ ἐγένετο καὶ ὅτι νικῶσιν·

οὓσ μεταχωρήσαντασ ἐκ τῆσ ἀγορᾶσ ὑπ’ οὐδενὸσ ἔτι λέγουσιν ὀφθῆναι, πολλὴν ζήτησιν αὐτῶν ποιουμένου τοῦ καταλειφθέντοσ τῆσ πόλεωσ ἡγεμόνοσ.

ὡσ δὲ τῇ κατόπιν ἡμέρᾳ τὰσ παρὰ τοῦ δικτάτοροσ ἐπιστολὰσ ἔλαβον οἱ τῶν κοινῶν προεστῶτεσ, καὶ σὺν τοῖσ ἄλλοισ ἅπασι τοῖσ ἐν τῇ μάχῃ γενομένοισ καὶ τὰ περὶ τῆσ ἐπιφανείασ τῶν δαιμόνων ἔμαθον, νομίσαντεσ τῶν αὐτῶν θεῶν εἶναι ἄμφω τὰ φάσματα ὥσπερ εἰκὸσ Διοσκούρων ἐπείσθησαν εἶναι τὰ εἴδωλα.

ταύτησ ἐστὶ τῆσ παραδόξου καὶ θαυμαστῆσ τῶν δαιμόνων ἐπιφανείασ ἐν Ῥώμῃ πολλὰ σημεῖα, ὅ τε νεὼσ ὁ τῶν Διοσκούρων, ὃν ἐπὶ τῆσ ἀγορᾶσ κατεσκεύασεν ἡ πόλισ, ἔνθα ὤφθη τὰ εἴδωλα, καὶ ἡ παρ’ αὐτῷ κρήνη καλουμένη τε τῶν θεῶν τούτων καὶ ἱερὰ εἰσ τόδε χρόνου νομιζομένη, θυσίαι τε πολυτελεῖσ, ἃσ καθ’ ἕκαστον ἐνιαυτὸν ὁ δῆμοσ ἐπιτελεῖ διὰ τῶν μεγίστων ἱερέων ἐν μηνὶ Κυιντιλίῳ λεγομένῳ ταῖσ καλουμέναισ εἰδοῖσ, ἐν ᾗ κατώρθωσαν ἡμέρᾳ τόνδε τὸν πόλεμον·

ὑπὲρ ἅπαντα δὲ ταῦτα ἡ μετὰ τὴν θυσίαν ἐπιτελουμένη πομπὴ τῶν ἐχόντων τὸν δημόσιον ἵππον, οἳ κατὰ φυλάσ τε καὶ λόχουσ κεκοσμημένοι στοιχηδὸν ἐπὶ τῶν ἵππων ὀχούμενοι πορεύονται πάντεσ, ὡσ ἐκ μάχησ ἥκοντεσ ἐστεφανωμένοι θαλλοῖσ ἐλαίασ, καὶ πορφυρᾶσ φοινικοπαρύφουσ ἀμπεχόμενοι τηβέννασ τὰσ καλουμένασ τραβέασ, ἀρξάμενοι μὲν ἀφ’ ἱεροῦ τινοσ Ἄρεοσ ἔξω τῆσ πόλεωσ ἱδρυμένου, διεξιόντεσ δὲ τήν τ’ ἄλλην πόλιν καὶ διὰ τῆσ ἀγορᾶσ παρὰ τὸ τῶν Διοσκούρων ἱερὸν παρερχόμενοι, ἄνδρεσ ἔστιν ὅτε καὶ πεντακισχίλιοι φέροντεσ, ὅσα παρὰ τῶν ἡγεμόνων ἀριστεῖα ἔλαβον ἐν ταῖσ μάχαισ, καλὴ καὶ ἀξία τοῦ μεγέθουσ τῆσ ἡγεμονίασ ὄψισ. ὑπὸ Ῥωμαίων ἔμαθον·

ἐξ ὧν τεκμήραιτ’ ἄν τισ, ὡσ θεοφιλεῖσ ἦσαν οἱ τότε ἄνθρωποι, σὺν ἄλλοισ πολλοῖσ καὶ μεγάλοισ.

일치하는 문장이 없습니다.

SEARCH

MENU NAVIGATION