헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 56)

ἀλλ’ ὅτι μὲν δεῖ καταλύσασθαι τὴν στάσιν, εἴποι τισ ἄν, οὐχ ἧττον ἡμεῖσ ἐγνώκαμεν καὶ πολλὴν παρεσχήμεθα προθυμίαν· πῶσ δ’ ἂν καταλυσαίμεθ’ αὐτήν, τοῦτο πειρῶ λέγειν. ὁρᾷσ γάρ, ὅση περὶ τὸν δῆμόν ἐστιν αὐθάδεια, ὃσ οὔτε πέμπει πρὸσ ἡμᾶσ περὶ διαλύσεων αὐτὸσ ἀδικῶν οὔτε τοῖσ ὑφ’ ἡμῶν ἀποσταλεῖσιν ἀποκρίνεται πολιτικὰσ καὶ φιλανθρώπουσ ἀποκρίσεισ, ἀλλ’ ὑπερηφανεῖ καὶ ἀπειλεῖ, καὶ εἰκάσαι ῥᾴδιον οὐκ ἔστιν ὅ τι βούλεται. πρὸσ δὲ ταῦτα τί παραινῶ νῦν πράττειν, ἀκούσατέ μου.

ἐγὼ τὸν δῆμον οὔτ’ ἀδιαλλάκτωσ οἰόμαι πρὸσ ἡμᾶσ ἔχειν οὔτε δράσειν τι, ὧν ἀπειλεῖ, τεκμαιρόμενοσ, ὅτι οὐκ ἔστιν ὅμοια τοῖσ λόγοισ αὐτοῦ τὰ ἔργα, πολὺ δὲ μᾶλλον ἡμῶν ἐσπουδακέναι περὶ τὰσ διαλύσεισ .

ἡμεῖσ μὲν γὰρ καὶ πατρίδα τὴν τιμιωτάτην κατοικοῦμεν καὶ βίουσ καὶ οἴκουσ καὶ γενεὰσ καὶ πάντα τὰ πλείστου ἄξια ἐν ταῖσ ἰδίαισ ἐξουσίαισ ἔχομεν· ὁ δ’ ἄπολισ καὶ ἀνέστιόσ ἐστι καὶ τῶν ἀναγκαιοτάτων αὐτῷ στέρεται σωμάτων βίου τε τοῦ καθ’ ἡμέραν οὐκ εὐπορεῖ. τίνοσ οὖν χάριν, εἴ τισ ἔροιτό με, τὰσ προκλήσεισ οὐ δέχεται τὰσ ἡμετέρασ ὅμωσ κακοπαθῶν αὐτόσ τε οὐδὲν ἐπιπρεσβεύεται πρὸσ ἡμᾶσ, ὅτι νὴ Δία, φαίην ἄν, ἄχρι τοῦδε λόγων ἀκούει παρὰ τῆσ βουλῆσ, ἔργον δ’ οὐδὲν ὁρᾷ γινόμενον ἐξ αὐτῶν οὔτε φιλάνθρωπον οὔτε μέτριον, ἐξηπατῆσθαί τε οἰέται πολλάκισ ὑφ’ ἡμῶν ὑπισχνουμένων ἀεί τινα πρόνοιαν αὐτοῦ ποιήσεσθαι, μηδὲν δὲ προνοουμένων.

πρεσβείασ δὲ πέμπειν οὐχ ὑπομένει διὰ τοὺσ ἐνθάδε κατηγορεῖν εἰωθότασ αὐτοῦ δεδοικώσ τε μή τινοσ, ὧν ἀξιοῖ, διαμάρτῃ.

τάχα δ’ ἄν τι καὶ φιλοτιμίασ ἀνοήτου περὶ αὐτὸν εἰή πάθοσ·

καὶ οὐδέν γε θαυμαστόν, ἐπεὶ καὶ ἐν ἡμῖν αὐτοῖσ εἰσί τινεσ, οἷσ τὸ δύσερι τοῦτο καὶ φιλόνεικον ἔνεστιν ἰδίᾳ τε καὶ κοινῆ οὐκ ἀξιοῦσιν ἡττᾶσθαι τοῦ ἀντιπάλου, ἀλλ’ ἐκ παντὸσ ἀεὶ ζητοῦσι περιεῖναι τρόπου καὶ μὴ πρότερον χαρίζεσθαί τι, ἢ λαβεῖν τὸ μέλλον εὖ πάσχειν ὑποχείριον. ἐννοούμενοσ δὴ ταῦτα οἰόμαι δεῖν πρεσβείαν ἀποσταλῆναι πρὸσ τοὺσ δημοτικοὺσ ἐκ τῶν μάλιστα πιστευομένων· τοὺσ δ’ ἀποσταλησομένουσ ἄνδρασ αὐτοκράτορασ εἶναι παραινῶ, διαλυσομένουσ αὐτοῖσ τὴν στάσιν, ἐφ’ οἷσ ἂν αὐτοὶ δικαιῶσι, καὶ μηδὲν ἔτι τῇ βουλῇ προσαναφέροντασ·

αὐτοὶ γὰρ εἴσονται τοῦτο.

οἱ δὲ νῦν ὑπεροπτικοὶ δοκοῦντεσ εἶναι καὶ βαρεῖσ μαθόντεσ, ὅτι ἀληθῶσ σπουδάζετε περὶ τὴν ὁμόνοιαν, καὶ εἰσ ἐπιεικεστέρασ συγκαθήσουσιν αἱρέσεισ, οὐδὲν ἀξιοῦντεσ οὔτε τῶν αἰσχρῶν οὔτε τῶν ἀδυνάτων. τὸ γὰρ ἠρεθισμένον ἅπαν, ἄλλωσ τε κἂν ταπεινὸν ᾖ, πρὸσ μὲν τοὺσ ὑπερηφανοῦντασ ἀγριαίνεσθαι φιλεῖ, πρὸσ δὲ τοὺσ θεραπεύοντασ ἡμεροῦσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 56

(디오니시오스, Antiquitates Romanae, Books IV-VI, book 6, chapter 56)

상위

목록

SEARCH

MENU NAVIGATION