Dionysius of Halicarnassus, Antiquitates Romanae, Books IV-VI, book 6, chapter 22

(디오니시오스, Antiquitates Romanae, Books IV-VI, book 6, chapter 22)

Ῥωμαίοισ δὲ καταλυσαμένοισ τοὺσ ὑπαίθρουσ πολέμουσ ἡ πολιτικὴ στάσισ αὖθισ ἐπανίστατο τῆσ μὲν βουλῆσ ψηφισαμένησ καθίζειν τὰ δικαστήρια καὶ τὰσ ἀμφισβητήσεισ, ἃσ διὰ τὸν πόλεμον ἀνεβάλλοντο, κρίνεσθαι κατὰ τοὺσ νόμουσ· τῶν δὲ περὶ τὰσ συναλλαγὰσ ἀμφισβητημάτων εἰσ μεγάλουσ κλύδωνασ καὶ δεινὰσ προβεβηκότων ἀτοπίασ τε καὶ· ἀναισχυντίασ, τῶν μὲν δημοτικῶν ἀδυνάτωσ ἔχειν σκηπτομένων διαλύειν τὰ χρέα, χώρασ τ’ αὐτοῖσ κεκομμένησ ἐν τῷ πολυετεῖ πολέμῳ καὶ βοσκημάτων διεφθαρμένων καὶ ἀνδραπόδων αὐτομολίαισ καὶ καταδρομαῖσ σπανισθέντων τῆσ τε κατὰ πόλιν κτήσεωσ ἐξανηλωμένησ ταῖσ εἰσ τὴν στρατείαν δαπάναισ· τῶν δὲ δανειστῶν ταύτασ μὲν τὰσ συμφορὰσ ὁμοίασ ἅπασι γεγονέναι λεγόντων καὶ οὐ μόνοισ τοῖσ χρεωφειλέταισ, οὐκ ἀνεκτὸν δ’ ἡγουμένων σφίσι μὴ μόνον, ἃ διὰ τὸν πόλεμον ἀφῃρέθησαν ὑπὸ τῶν ἐχθρῶν, ἀλλὰ καὶ ἃ δεομένοισ τισὶ τῶν πολιτῶν ἐν εἰρήνῃ συνήλλαξαν, ἀπολωλέναι.

ἀξιούντων δ’ οὔτε τῶν δανειστῶν οὐδὲν μέτριον ὑπομένειν οὔτε τῶν χρεωφειλετῶν ποιεῖν οὐδὲν δίκαιον, ἀλλὰ τῶν μὲν οὐδὲ τοὺσ τόκουσ ἀφιέναι, τῶν δὲ μηδὲ αὐτὰ τὰ συναλλάγματα διαλύειν·

ἐξ ὧν σύνοδοι μὲν ἤδη κατὰ συστροφὰσ τῶν ἐν ταῖσ ὁμοίαισ ὄντων τύχαισ ἐγένοντο καὶ ἀντιπαρατάξεισ κατὰ τὴν ἀγοράν, ἔστι δ’ ὅτε καὶ χειρῶν ἁψιμαχίαι, καὶ συνετετάρακτο πᾶσ ὁ πολιτικὸσ κόσμοσ· ταῦθ’ ὁρῶν ὁ Ποστόμιοσ, ἑώσ ἔτι τὸ τιμώμενον εἶχε παρὰ πάντων ὅμοιον πολέμῳ βαρεῖ καλὸν ὑπεκδῦναι τοὺσ πολιτικοὺσ χειμῶνασ ἔγνω·

καὶ πρὶν ἐκπληρῶσαι τὸν ἔσχατον τῆσ αὐτοκράτοροσ ἀρχῆσ χρόνον, τήν τε δικτατορίαν ἐξωμόσατο καὶ προθεὶσ ἀρχαιρεσιῶν ἡμέραν μετὰ τοῦ συνυπάτου τὰσ πατρίουσ κατέστησεν ἀρχάσ.

일치하는 문장이 없습니다.

SEARCH

MENU NAVIGATION