Dionysius of Halicarnassus, Antiquitates Romanae, Books IV-VI, book 6, chapter 28

(디오니시오스, Antiquitates Romanae, Books IV-VI, book 6, chapter 28)

ταῦθ’ ὁρῶντεσ οἱ βουλευταὶ τὸν ἕτερον τῶν ὑπάτων Σερουίλιον, ὃσ ἐν τῷ παρόντι πιθανώτεροσ εἶναι τοῖσ πολλοῖσ ἐδόκει, βοηθεῖν ἐδέοντο τῇ πατρίδι. ὁ δὲ συγκαλέσασ τὸν δῆμον εἰσ τὴν ἀγορὰν τοῦ παρόντοσ καιροῦ τὴν ἀνάγκην ἐπεδείκνυεν οὐκέτι προσδεχομένην πολιτικὰσ φιλονεικίασ καὶ ἠξίου νῦν μὲν ὁμόσε τοῖσ πολεμίοισ χωρεῖν κοινῇ γνώμῃ χρησαμένουσ καὶ μὴ περιιδεῖν ἀνάστατον τὴν πατρίδα γινομένην, ἐν ᾗ θεοὶ πατρῷοι καὶ θῆκαι προγόνων ἑκάστοισ ἦσαν, ἃ τιμιώτατά ἐστι πᾶσιν ἀνθρώποισ· καὶ ἀφορήτουσ ὕβρεισ ἀναγκασθησομένασ ὑπομενεῖν, μάλιστα δὲ παίδων ἔτι νηπίων οὐκ ἐπὶ τοιαύταισ ἐλπίσιν ἀνατραφέντων οἰκτεῖραι λώβασ καὶ προπηλακισμοὺσ ἀνηλεεῖσ·

ὅταν δὲ τὸν παρόντα κίνδυνον ἅπαντεσ ὁμοίαισ προθυμίαισ χρησάμενοι παραλύσωνται, τότε δὴ σκοπεῖν, τίνα τρόπον ἴσην καὶ κοινὴν καὶ σωτήριον ἅπασι τὴν πολιτείαν καταστήσονται, μήτε τῶν πενήτων ἐπιβουλευόντων ταῖσ τῶν πλουσίων οὐσίαισ μήτ’ ἐκείνων προπηλακιζόντων τοὺσ ταῖσ τύχαισ ταπεινοτέρουσ·

ἥκιστα γὰρ εἶναι ταῦτα πολιτικά· ἀλλὰ καὶ τοῖσ ἀπόροισ ἐπικουρία τισ ἔσται πολιτική, καὶ τοῖσ συμβάλλουσι τὰ χρέα βοήθεια μετρία τοῖσ γοῦν ἀδικουμένοισ, καὶ τὸ κράτιστον τῶν ἐν ἀνθρώποισ ἀγαθῶν καὶ πάσασ φυλάττον ἐν ὁμονοίᾳ τὰσ πόλεισ, πίστισ ἐπὶ συναλλαγαῖσ, οὐχ ἅπασα καὶ διὰ παντὸσ ἐκ μόνησ ἀναιρεθήσεται τῆσ Ῥωμαίων πόλεωσ. ταῦτα καὶ ὅσα ἄλλα ἐν τοιούτῳ καιρῷ λεχθῆναι προσῆκε διεξελθὼν τελευτῶν ὑπὲρ τῆσ ἰδίασ εὐνοίασ, ἣν ἔχων διετέλει πρὸσ τὸν δῆμον, ἀπελογεῖτο, καὶ ἠξίου συνάρασθαι τῆσ στρατείασ αὐτῷ ταύτησ, ἀνθ’ ὧν πρόθυμοσ εἰσ αὐτοὺσ ἦν, τῆσ μὲν κατὰ πόλιν ἐπιμελείασ τῷ συνάρχοντι προσηκούσησ, ἑαυτῷ δὲ τῆσ ἡγεμονίασ τῶν πολέμων ἀποδεδομένησ·

ταύτασ γὰρ τὰσ τύχασ αὐτοῖσ βραβεῦσαι τὸν κλῆρον.

ὑπεσχῆσθαι δ’ αὑτῷ ἔφη τὴν βουλὴν ἐμπεδώσειν, ὅ τι ἂν διομολογήσηται τῷ πλήθει, αὑτὸν δ’ ἐκείνοισ, πείσειν τοὺσ δημότασ μὴ προδώσειν τοῖσ πολεμίοισ τὴν πατρίδα.

일치하는 문장이 없습니다.

SEARCH

MENU NAVIGATION