헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 60)

ἃ δ’ εἰσ χαλεπότητα καὶ πονηρῶν ἀνθρώπων προστασίαν ὠνείδισέ μοι, μισόδημόν τε καὶ ὀλιγαρχικὸν ἀποκαλῶν, ὅτι τῆσ ἀριστοκρατίασ περιέχομαι, κοινὰ πάντων ὑμῶν ἐστι κατηγορήματα, ὅσοι οὐκ ἀξιοῦτε κρείττονεσ ὄντεσ ὑπὸ χειρόνων ἄρχεσθαι, οὐδ’ ἣν παρελάβετε ἀπὸ τῶν προγόνων πολιτείαν ὑπὸ τῆσ κακίστησ τῶν ἐν ἀνθρώποισ πολιτειῶν δημοκρατίασ ἀφαιρεθῆναι. οὐ γὰρ ἂν οὗτοσ ὀλιγαρχίαν ὄνομα θῆται τῇ τῶν κρατίστων ἡγεμονίᾳ, καὶ δὴ τὸ πρᾶγμα ὑπὸ τοῦ ὀνόματοσ διαβληθὲν ἀφανισθήσεται·

ἡμεῖσ δὲ πολλῷ ἂν δικαιότερον ἐπενέγκαιμεν ὄνειδοσ καὶ ἀληθέστερον, δημοκοπίαν καὶ τυραννικῶν ἔργων ἐπιθυμίαν.

οὐδενὶ γὰρ δὴ ἄδηλον, ὅτι πᾶσ τύραννοσ ἐκ δημοκόλακοσ φύεται, καὶ ταχεῖα ὁδόσ ἐστι τοῖσ καταδουλοῦσθαι τὰσ πόλεισ βουλομένοισ ἡ διὰ τῶν κακίστων ἄγουσα πολιτῶν ἐπὶ τὰσ δυναστείασ, οὓσ θεραπεύων οὗτοσ διατετέλεκε καὶ οὐδὲ μέχρι τοῦ παρόντοσ παύεται. εὖ γὰρ ἴστε, ὅτι οὐκ ἂν ἐτόλμησαν οἱ φαῦλοι καὶ ταπεινοὶ τηλικαῦτα ἐξαμαρτεῖν, εἰ μὴ ὑπὸ τοῦ σεμνοῦ καὶ φιλοπόλιδοσ τούτου ἐξηγέρθησαν, ὡσ δὴ ἀκίνδυνον αὐτοῖσ τὸ ἔργον ἐσόμενον, καὶ πρὸσ τῷ μηδεμίαν ὑποσχεῖν δίκην κρείττονα μοῖραν τῆσ προτέρασ ἕξοντεσ.

μάθοιτε δ’ ἄν, ὡσ ἀληθῆ ἐγὼ ταῦτα λέγω, μνησθέντεσ, ὅτι δεδιττόμενοσ ὑμᾶσ ὑπὲρ πολέμου καὶ διαλλαγὰσ ἀναγκαίασ ἀποφαίνων ἅμα ἔφη καὶ ὡσ οὐκ ἀγαπήσουσιν οἱ πένητεσ ἀφεθέντεσ τῶν χρεῶν, ἀλλὰ καὶ βοηθείασ δεήσονταί τινοσ καὶ οὐκ ἀνέξονται ἔτι ὑφ’ ὑμῶν ὡσ καὶ πρότερον ἀρχόμενοι· τελευτῶν δ’ ὑμᾶσ ἠξίου στέργειν τὰ παρόντα καὶ συγχωρεῖν, ὅ τι ἂν ὁ δῆμοσ ἐπὶ τῇ καθόδῳ δικαιώσῃ λαβεῖν, μὴ διακρίναντασ μήτ’ ἀπὸ καλῶν αἰσχρὰ μήτ’ ἀπὸ δικαίων ἄδικα.

τοσαύτησ ἄρα αὐθαδείασ τὸ ἀνόητον οὗτοσ ἐμπέπληκε τῆσ πόλεωσ ἀνὴρ πρεσβύτεροσ καὶ πάσασ κεκαρπωμένοσ τὰσ παρ’ ὑμῶν τιμάσ.

ἆρ’ ἦν σοι ἄξιον, Οὐαλέριε, καθ’ ἑτέρων τὰ μὴ προσόντα ὀνείδη λέγειν τοιαύταισ ὄντι κατηγορίαισ ἐνόχῳ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 60

(디오니시오스, Antiquitates Romanae, Books IV-VI, book 6, chapter 60)

상위

목록

SEARCH

MENU NAVIGATION