Dionysius of Halicarnassus, Antiquitates Romanae, Books IV-VI, book 6, chapter 1

(디오니시오스, Antiquitates Romanae, Books IV-VI, book 6, chapter 1)

οἱ δ’ ἐν τῷ κατόπιν ἐνιαυτῷ τὴν ὕπατον ἀρχὴν παραλαβόντεσ, Αὖλοσ Σεμπρώνιοσ Ἀτρατῖνοσ καὶ Μάρκοσ Μηνύκιοσ, ἐπὶ τῆσ ἑβδομηκοστῆσ καὶ πρώτησ ὀλυμπιάδοσ, ἣν ἐνίκα στάδιον Τισικράτησ Κροτωνιάτησ ἄρχοντοσ Ἀθήνησιν Ἱππάρχου, ἄλλο μὲν οὐδὲν οὔτε πολεμικὸν οὔτε πολιτικὸν ἱστορίασ ἄξιον ἐπὶ τῆσ ἑαυτῶν ἀρχῆσ ἔπραξαν· εἰρήνην ἥ τε τῆσ ἀναπράξεωσ τῶν δανείων κώλυσισ, ἣν ἐψηφίσατο ἡ βουλή, τέωσ ἂν ὁ προσδοκώμενοσ πόλεμοσ εἰσ ἀσφαλὲσ ἔλθῃ τέλοσ, ἔπαυσε τοὺσ ἐντὸσ τείχουσ νεωτερισμούσ, οὓσ ἐποιοῦντο οἱ πένητεσ ἀφεῖσθαι τῶν χρεῶν ἀξιοῦντεσ δημοσίᾳ·

δόγμα δὲ βουλῆσ ἐκύρωσαν ἐπιεικέστατον, Λατίνοισ ἀνδράσιν εἴ τινεσ ἔτυχον ἐκ τοῦ Ῥωμαίων ἔθνουσ συνοικοῦσαι γυναῖκεσ ἢ Ῥωμαίοισ Λατῖναι, ἑαυτῶν εἶναι κυρίασ, ἐάν τε μένειν θέλωσι παρὰ τοῖσ γεγαμηκόσιν ἐάν τε εἰσ τὰσ πατρίδασ ἀναστρέφειν·

τῶν δ’ ἐκγόνων τὰ μὲν ἄρρενα παρὰ τοῖσ πατράσι μένειν, τὰσ δὲ θηλείασ καὶ ἔτι ἀγάμουσ ταῖσ μητράσιν ἕπεσθαι· ἐτύγχανον δὲ πολλαὶ πάνυ γυναῖκεσ εἰσ τὰσ ἀλλήλων πόλεισ ἐκδεδομέναι καὶ διὰ τὸ συγγενὲσ καὶ διὰ φιλίαν, οἳ τυχοῦσαι τῆσ ἐκ τοῦ ψηφίσματοσ ἀδείασ ἐδήλωσαν ὅσην εἶχον ἐπιθυμίαν τῆσ ἐν Ῥώμῃ διαίτησ. αἵ τε γὰρ ἐν ταῖσ Λατίνων πόλεσι Ῥωμαῖαι μικροῦ δεῖν πᾶσαι καταλιποῦσαι τοὺσ ἄνδρασ ὡσ τοὺσ πατέρασ ἀνέστρεψαν, αἵ τε Ῥωμαίοισ ἐκδεδομέναι Λατίνων πλὴν δυεῖν, αἱ λοιπαὶ τῶν πατρίδων ὑπεριδοῦσαι παρὰ τοῖσ γεγαμηκόσιν ἔμειναν·

οἰωνὸσ εὐτυχὴσ τῆσ μελλούσησ πόλεωσ ἐπικρατήσειν τῷ πολέμῳ.

ἐπὶ τούτων φασὶ τῶν ὑπάτων τὸν νεὼν καθιερωθῆναι τῷ Κρόνῳ κατὰ τὴν ἄνοδον τὴν εἰσ τὸ Καπετώλιον φέρουσαν ἐκ τῆσ ἀγορᾶσ, καὶ δημοτελεῖσ ἀναδειχθῆναι τῷ θεῷ καθ’ ἕκαστον ἐνιαυτὸν ἑορτάσ τε καὶ θυσίασ.

τὰ δὲ πρὸ τούτων βωμὸν αὐτόθι καθιδρύσθαι λέγουσι ὑφ’ Ἡρακλέουσ κατεσκευασμένον, ἐφ’ οὗ τὰσ ἐμπύρουσ ἀπαρχὰσ ἔθυον Ἑλληνικοῖσ ἔθεσιν οἱ τὰ ἱερὰ παρ’ ἐκείνου παραλαβόντεσ· τὴν δ’ ἀρχὴν τῆσ ἱδρύσεωσ τοῦ ναοῦ τινὲσ μὲν ἱστοροῦσι λαβεῖν Τῖτον Λάρκιον τὸν ὑπατεύσαντα τῷ πρόσθεν ἐνιαυτῷ, οἱ δὲ καὶ βασιλέα Ταρκύνιον τὸν ἐκπεσόντα τῆσ ἀρχῆσ· τὴν δὲ καθιέρωσιν τοῦ ναοῦ λαβεῖν Πόστομον Κομίνιον κατὰ ψήφισμα βουλῆσ.

τούτοισ μὲν δὴ τοῖσ ὑπάτοισ εἰρήνησ ὥσπερ ἔφην βαθείασ ἐξεγένετο ἀπολαῦσαι.

일치하는 문장이 없습니다.

SEARCH

MENU NAVIGATION