헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 88)

ὁ μὲν οὖν δῆμοσ ὡσ τούτων ἤκουσε, μεγάλῃ βοῇ καὶ μέχρι πολλοῦ κατεχούσῃ τόν τε ἄνδρα ἐπῄνει, καὶ τοὺσ πρεσβευτὰσ παρεκάλει συγχωρῆσαι σφίσι καὶ τοῦτο. οἱ δὲ πρέσβεισ μεταστάντεσ ἐκ τῆσ ἐκκλησίασ καὶ διαλεχθέντεσ ὀλίγα πρὸσ ἀλλήλουσ παρῆσαν οὐ διὰ μακροῦ. σιωπῆσ δὲ γενομένησ παρελθὼν ὁ Μενήνιοσ εἶπε· τὸ μὲν πρᾶγμα, ὦ δημόται, μέγα καὶ πολλῶν μεστὸν ὑποψιῶν ἀτόπων·

δέοσ τε καὶ φροντὶσ ἡμᾶσ εἰσέρχεται, μή ποτε δύο πόλεισ ποιήσωμεν ἐν μιᾷ· πλὴν τό γ’ ἐφ’ ἡμῖν εἶναι μέροσ οὐδὲ πρὸσ ταύτην ἐναντιούμεθα τὴν δέησιν ὑμῶν. τοῦτο μέντοι χαρίσασθε ἡμῖν, ὃ καὶ ὑπὲρ ὑμῶν ἐστιν·

ἐπιτρέψατε τῶν πρεσβευτῶν τισιν εἰσ τὴν πόλιν ἀφικομένοισ δηλῶσαι τῇ βουλῇ ταῦτα· καὶ γὰρ εἰ τὴν ἐξουσίαν παρ’ αὐτῆσ ἔχομεν, ὅπωσ ἂν βουλώμεθα, ποιήσασθαι τὰσ διαλλαγὰσ αὐτοκράτορεσ ὄντεσ τῶν ὑποσχέσεων, αὐτοί γέ τοι λαβεῖν τοῦτ’ οὐ δικαιοῦμεν, ἀλλ’ ἐπειδὴ παρὰ δόξαν ἡμῖν ἀπήντηται πρᾶγμα καινόν, ἀφελόμενοι τὴν ἰδίαν ἐξουσίαν τῷ συνεδρίῳ φέροντεσ ἀναθήσομεν· πεπείσμεθα μέντοι κᾀκείνῳ ταὐτὰ δόξειν ἅπερ ἡμῖν. ἐγὼ μὲν οὖν ἐνθάδε μενῶ καὶ σὺν ἐμοί τι μέροσ τῆσ πρεσβείασ, Οὐαλέριοσ δὲ πορεύσεται καὶ οἱ λοιποὶ σὺν αὐτῷ. ἐδόκει ταῦτα· καὶ κατὰ σπουδὴν ἀναβάντεσ ἐπὶ τοὺσ ἵππουσ ἤλαυνον εἰσ τὴν πόλιν οἱ μέλλοντεσ δηλώσειν τῇ βουλῇ τὰ γενόμενα.

προθέντων δὲ τῶν ὑπάτων λόγον τοῖσ συνέδροισ, Οὐαλερίου μὲν ἦν γνώμη διδόναι καὶ ταύτην τῷ δήμῳ τὴν χάριν·

Ἄππιοσ δέ, ὅσπερ ἐξ ἀρχῆσ ἠναντιοῦτο ταῖσ διαλλαγαῖσ, καὶ τότε ἐκ τοῦ φανεροῦ ἀντέλεγε βοῶν καὶ θεοὺσ ἐπιμαρτυρόμενοσ καί, ὅσων μέλλοι σπέρμα κακῶν βαλεῖν, τῇ πολιτείᾳ προλέγων. ἀλλ’ οὐκ ἔπειθε τοὺσ πολλοὺσ ὡρμηκότασ, ὥσπερ εἶπον, διαλύσασθαι τὴν στάσιν. γίνεται δὴ ψήφισμα τῆσ βουλῆσ, τά τε ἄλλα, ὅσα οἱ πρέσβεισ ὑπέσχοντο τῷ δήμῳ, πάντα εἶναι κύρια, καὶ τὴν ἀσφάλειαν, ἣν ᾐτεῖτο, ἐπιτρέπειν. ταῦθ’ οἱ πρέσβεισ διοικησάμενοι τῇ κατόπιν ἡμέρᾳ παρῆσαν ἐπὶ τὸ στρατόπεδον καὶ τὰ δόξαντα τῇ βουλῇ διεσάφησαν.

μετὰ τοῦτο Μενηνίου παραινέσαντοσ τοῖσ δημόταισ ἀποστεῖλαί τινασ εἰσ τὴν πόλιν, οἷσ ἡ βουλὴ τὰ πιστὰ δώσει, πέμπεται Λεύκιοσ Ιοὔνιοσ Βροῦτοσ, ὑπὲρ οὗ πρότερον εἴρηκα, καὶ σὺν αὐτῷ Μάρκοσ Δέκιοσ καὶ Σπόριοσ Ἰκίλιοσ.

τῶν δὲ παρὰ τῆσ βουλῆσ ἀφιγμένων οἱ μὲν ἡμίσεισ ἅμα τοῖσ περὶ τὸν Βροῦτον εἰσ τὴν πόλιν ὑπέστρεψαν, Ἀγρίππασ δὲ μετὰ τῶν λοιπῶν κατέμεινεν ἐπὶ τοῦ στρατοπέδου διαγράψαι παρακληθεὶσ τὸν νόμον τοῖσ δημοτικοῖσ καθ’ ὃν ἀποδείξουσι τὰσ ἀρχάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 88

(디오니시오스, Antiquitates Romanae, Books IV-VI, book 6, chapter 88)

상위

목록

SEARCH

MENU NAVIGATION