Dionysius of Halicarnassus, Antiquitates Romanae, Books IV-VI, book 6, chapter 81

(디오니시오스, Antiquitates Romanae, Books IV-VI, book 6, chapter 81)

ὁ μὲν δὴ Βροῦτοσ τοιούτουσ εἰπὼν λόγουσ ἐπαύσατο· τοῖσ δὲ παροῦσιν, ὅσα τε περὶ τῶν δικαίων εἶπεν, ἀληθῆ εἶναι ἐδόκει καὶ ὅσα τῆσ ὑπεροψίασ τοῦ συνεδρίου κατηγόρησε, μάλιστα δ’ ἐν οἷσ τὸ ἀσφαλὲσ τῶν ὁμολογιῶν δόλου μεστὸν ἀπεδείκνυε καὶ ἀπάτησ. ἐπεὶ δὲ τὰσ ὕβρεισ τελευτῶν διῆλθεν, ἃσ ἦσαν ὑβρισμένοι ὑπὸ τῶν δανειστῶν, καὶ τῶν οἰκείων ἕκαστον ἀνέμνησε κακῶν, οὐδεὶσ ἦν στερρὸσ οὕτω τὴν διάνοιαν, ὃσ οὐκ ἐξεχεῖτο τοῖσ δάκρυσι καὶ ἀνεκλαίετο τὰσ κοινὰσ συμφοράσ·

καὶ τοῦτ’ οὐκ αὐτοῖσ μόνοισ συνέβαινε παθεῖν, ἀλλὰ καὶ τοῖσ παρὰ τῆσ βουλῆσ ἥκουσιν. οὐδὲ γὰρ οἱ πρέσβεισ τὰ δάκρυα κατέχειν ἴσχυον ἐνθυμούμενοι τὰσ ἐκ τοῦ διοικισμοῦ τῆσ πόλεωσ ἀτυχίασ, καὶ πολὺσ ἦν χρόνοσ ἐν ᾧ κατηφεῖσ καὶ δεδακρυμένοι καὶ τί χρὴ λέγειν ἀποροῦντεσ εἱστήκεσαν. ἀξιώσει, Τῖτοσ Λάρκιοσ, ὃσ δὶσ ἀποδειχθεὶσ ὕπατοσ δυναστείᾳ τῇ καλουμένῃ δικτατορίᾳ κράτιστα πάντων ἀνθρώπων χρησάμενοσ ἱερὰν καὶ σεβασμοῦ μεστὴν ἐποίησε νομισθῆναι τὴν ἐπίφθονον ἀρχήν.

ἐπιβαλλόμενοσ δὲ περὶ τοῦ δικαίου ποιεῖσθαι λόγουσ, καὶ τὰ μὲν τοῖσ δανειστικοῖσ ἐγκαλῶν ὡσ ὠμὰ καὶ ἀπάνθρωπα διαπεπραγμένοισ, τὰ δὲ τῶν πενήτων καθαπτόμενοσ ὡσ οὐ δικαίωσ ἀξιούντων βίᾳ μᾶλλον ἀφεῖσθαι τῶν ὀφειλημάτων ἢ χάριτι, καὶ ὡσ τὴν βουλὴν οὐκ ὀρθῶσ δἰ ὀργῆσ ἐχόντων ἐπὶ τῷ μηθενὸσ τῶν μετρίων παρ’ αὐτῆσ τυγχάνειν, μᾶλλον ἢ οὐχὶ τοὺσ αἰτίουσ·

πειρώμενόσ τ’ ἀποφαίνειν βραχὺ μὲν ὑπάρχον τοῦ δήμου τὸ μὴ κατὰ γνώμην ἀδικοῦν, ὑπὸ δὲ μήκουσ ἀπορίασ ἠναγκασμένον αἰτεῖσθαι τὴν ἄφεσιν, τὸ δὲ πλεῖον ἀκολασίᾳ καὶ ὕβρει καὶ τῷ καθ’ ἡδονὰσ ζῆν ἐφεικὸσ καὶ δἰ ἁρπαγῆσ ἐκ τῶν ἀλλοτρίων ὑπηρετεῖν ταῖσ ἐπιθυμίαισ παρεσκευασμένον, διακρίνεσθαί τε οἰόμενοσ δεῖν ἀπὸ τῶν ἐλεεινῶν τὰ πονηρὰ καὶ ἀπὸ τῶν φιλανθρωπίασ δεομένων τὰ μίσουσ ἄξια, καὶ τοιούτουσ τινὰσ ἄλλουσ καθιστάμενοσ λόγουσ ἀληθεῖσ μέν, οὐχ ἅπασι δὲ τοῖσ ἀκούουσι κεχαρισμένουσ, οὐκ ἔπειθεν, ἀλλὰ θροῦσ ἦν ἐφ’ ἑκάστῳ πολὺσ καὶ τῶν μὲν ἀγανακτήσεισ ὡσ ἐξαιμάττοντοσ τὰσ λύπασ, τῶν δ’ ἐξομολογήσεισ ὡσ οὐδὲν τῶν ἀληθῶν ἀποκρυπτομένου·

ἔλαττον δὲ πολλῷ τοῦτ’ ἦν θατέρου τὸ μέροσ, ὥστ’ ἠφανίζοντο τῷ πολλῷ καὶ περιῆν ἡ τοῦ ἀγανακτοῦντοσ βοή.

일치하는 문장이 없습니다.

SEARCH

MENU NAVIGATION