Dionysius of Halicarnassus, Antiquitates Romanae, Books IV-VI, book 6, chapter 10

(디오니시오스, Antiquitates Romanae, Books IV-VI, book 6, chapter 10)

ἔτι δ’ αὐτοῦ λέγοντοσ τὰ εἰσ τὸ γενναῖον ἐπαγωγὰ θάρσοσ τι δαιμόνιον ἐμπίπτει τῇ στρατιᾷ, καὶ ὥσπερ ἐκ μιᾶσ ψυχῆσ ἅπαντεσ ἀνεβόησαν ἅμα· θάρσει τε καὶ ἄγε. καὶ ὁ Ποστόμιοσ ἐπαινέσασ τὸ πρόθυμον αὐτῶν καὶ τοῖσ θεοῖσ εὐξάμενοσ, ἐὰν εὐτυχὲσ καὶ καλὸν τέλοσ ἀκολουθήσῃ τῇ μάχῃ, θυσίασ τε μεγάλασ ἀπὸ πολλῶν ἐπιτελέσειν χρημάτων καὶ ἀγῶνασ καταστήσεσθαι πολυτελεῖσ, οὓσ ἄξει ὁ Ῥωμαίων δῆμοσ ἀνὰ πᾶν ἔτοσ, ἀπέλυσεν ἐπὶ τὰσ τάξεισ. ὡσ δὲ τὸ σύνθημα τὸ παρὰ τῶν ἡγεμόνων παρέλαβον καὶ τὰ παρακλητικὰ τῆσ μάχησ αἱ σάλπιγγεσ ἐνεκελεύσαντο, ἐχώρουν ἀλαλάξαντεσ ὁμόσε, πρῶτον μὲν οἱ ψιλοί τε καὶ ἱππεῖσ ἀφ’ ἑκατέρων, ἔπειθ’ αἱ πεζαὶ φάλαγγεσ ὁπλισμούσ τε καὶ τάξεισ ὁμοίασ ἔχουσαι·

καὶ γίνεται πάντων ἀναμὶξ μαχομένων καρτερὸσ ἀγὼν καὶ ἐν χερσὶ πᾶσα ἡ μάχη.

ὡσ δὲ πολὺ τὸ παράλογον ἀμφοτέροισ τῆσ δόξησ ἦν·

οὐδέτεροι γὰρ ἐλπίσαντεσ μάχησ δεήσειν σφίσιν, ἀλλὰ τῇ πρώτῃ ἐφόδῳ τοὺσ πολεμίουσ ὑπολαβόντεσ φοβήσειν, Λατῖνοι μὲν τῷ πλήθει τῆσ σφετέρασ ἵππου πιστεύσαντεσ, ἧσ οὐδὲ τὸ ῥόθιον ᾤοντο τοὺσ Ῥωμαίουσ ἱππεῖσ ἀνέξεσθαι, Ῥωμαῖοι δὲ τῷ τολμηρῶσ· καὶ ἀπερισκέπτωσ ἐπὶ τὰ δεινὰ χωροῦντεσ καταπλήξεσθαι τοὺσ πολεμίουσ· ταῦτα ὑπὲρ ἀλλήλων καταδοξάσαντεσ ἐν ἀρχαῖσ τἀναντία ἑώρων γινόμενα. οὐκέτι δὲ τὸ τῶν ἀντιπολεμίων δέοσ, ἀλλὰ τὸ ἴδιον θάρσοσ ἑκάτεροι τοῦ τε σωθήσεσθαι καὶ τοῦ νικήσειν αἴτιον σφίσι νομίσαντεσ ἀγαθοὶ μαχηταὶ καὶ ὑπὲρ δύναμιν ἐφάνησαν. ἐγίνοντο δὲ ποικίλαι καὶ ἀγχίστροφοι περὶ αὐτοὺσ αἱ τοῦ ἀγῶνοσ τύχαι.

일치하는 문장이 없습니다.

SEARCH

MENU NAVIGATION