Dionysius of Halicarnassus, Antiquitates Romanae, Books IV-VI, book 6, chapter 92

(디오니시오스, Antiquitates Romanae, Books IV-VI, book 6, chapter 92)

καταλιπὼν δὲ κἂν ταύτῃ βραχεῖαν τῆσ στρατιᾶσ μοῖραν ἕνεκα φυλακῆσ, τῇ κατόπιν ἡμέρᾳ τὴν δύναμιν ἀναλαβὼν προῆγεν ἐπὶ Κοριόλαν, πόλιν ἐπιφανῆ σφόδρα καὶ ὥσπερ ἂν μητρόπολιν τῶν Οὐολούσκων· ἔνθα καὶ δύναμισ ἦν συνειλεγμένη καρτερὰ καὶ τὸ τεῖχοσ οὐ ῥᾴδιον ἁλῶναι τά τε πρὸσ τὸν πόλεμον ἐπιτήδεια παρεσκευασμένα τοῖσ ἔνδον ἐκ πολλοῦ. ἐπιχειρήσασ δὲ τῇ τειχομαχίᾳ μέχρι δείλησ ὀψίασ ἀποκρούεται πρὸσ τῶν ἐναντίων πολλοὺσ τῶν οἰκείων ἀπολέσασ. τῇ δυνάμει πειρασόμενοσ τῆσ πόλεωσ, ἀκούσασ δ’ ὅτι πολλῇ χειρὶ μέλλουσιν Ἀντιάται βοηθεῖν τοῖσ Κοριολανοῖσ κατὰ τὸ συγγενὲσ καὶ εἰσὶν οἱ πεμφθέντεσ ἐν ὁδῷ ἤδη, μερίσασ τὸν ἑαυτοῦ στρατὸν τῷ μὲν ἡμίσει τειχομαχεῖν ἔγνω Τῖτον Λάρκιον ἐπ’ αὐτοῦ καταλιπών, τῷ δὲ λοιπῷ κωλύειν τοὺσ ἐπιόντασ διενοεῖτο.

καὶ γίνονται δύο τῆσ αὐτῆσ ἡμέρασ ἀγῶνεσ·

Ῥωμαῖοι δ’ ἐνίκων ἁπάντων μὲν προθύμωσ ἀγωνισαμένων, ἑνὸσ δ’ ἀνδρὸσ ἄπιστον ἀρετὴν καὶ παντὸσ λόγου κρείττονασ ἀποδειξαμένου πράξεισ, ὃσ ἦν μὲν ἐκ τοῦ γένουσ τῶν πατρικίων καὶ οὐκ ἀσήμων πατέρων, ἐκαλεῖτο δὲ Γάιοσ Μάρκιοσ, σώφρων δὲ τὸν καθ’ ἡμέραν βίον ἀνὴρ καὶ φρονήματοσ ἐλευθέρου μεστόσ. ἐγένετο δ’ ὁ τρόποσ τῆσ ἑκατέρασ μάχησ τοιόσδε· ὁ μὲν Λάρκιοσ ἐξαγαγὼν τὴν στρατιὰν ἅμ’ ἡμέρᾳ προσῆγε τοῖσ τείχεσι τῆσ Κοριόλασ καὶ κατὰ πολλοὺσ τόπουσ ἐποιεῖτο τὰσ προσβολάσ· οἱ δὲ Κοριολάνοι μέγα φρονοῦντεσ ἐπὶ τῇ παρὰ τῶν Ἀντιατῶν βοηθείᾳ, ἣν οὐ διὰ μακροῦ σφίσι παρέσεσθαι ἐπίστευον, ἀνοίξαντεσ ἁπάσασ τὰσ πύλασ ὡρ́μησαν ἐπὶ τοὺσ πολεμίουσ ἀθρόοι.

Ῥωμαῖοι δὲ τὴν μὲν πρώτην ἔφοδον αὐτῶν ἐδέξαντο καὶ πολλὰσ πληγὰσ τοῖσ ὁμόσε χωροῦσιν ἔδοσαν, ἔπειτα πλειόνων ἐπιόντων ὠθούμενοι κατὰ πρανοῦσ χωρίου ἐνέκλιναν.

τοῦτο κατιδὼν ὁ Μάρκιοσ, ὑπὲρ οὗ πρότερον ἔφην, ἵσταται σὺν ὀλίγοισ καὶ δέχεται τὸ ἐπιφερόμενον τῶν πολεμίων στῖφοσ· τοῖσ φεύγουσι τῶν σφετέρων ἀναστρέφειν τε καὶ θαρρεῖν καὶ αὑτῷ ἕπεσθαι.

οἱ δ’ αἰδεσδέντεσ ἐπὶ τῷ ἔργῳ ἀνέστρεφον αὖθισ καὶ τοῖσ καθ’ ἑαυτοὺσ ἐπέκειντο παίοντεσ καὶ διώκοντεσ, καὶ δι’ ὀλίγου χρόνου τοὺσ συμπλακέντασ ἕκαστοι τρεψάμενοι προσέκειντο τοῖσ τείχεσι·

καὶ ὁ Μάρκιοσ θρασύτερον ἤδη κινδυνεύων προσωτέρω μᾶλλον ἐχώρει καὶ πρὸσ αὐταῖσ γενόμενοσ ταῖσ πύλαισ συνεισέπιπτε τοῖσ φεύγουσιν εἰσ τὸ τεῖχοσ. συνεισπεσόντων δ’ αὐτῷ καὶ ἄλλων συχνῶν κατὰ πολλὰ μέρη τῆσ πόλεωσ φόνοσ ἐγίνετο ἐξ ἀμφοῖν πολύσ· τῶν μὲν ἀνὰ τοὺσ στενωπούσ, τῶν δὲ περὶ ταῖσ ἁλισκομέναισ οἰκίαισ μαχομένων. συνελάμβανον δὲ τοῦ ἔργου τοῖσ ἔνδον καὶ γυναῖκεσ ἀπὸ τῶν τεγῶν βάλλουσαι τοὺσ πολεμίουσ τοῖσ καλυπτῆρσι, καὶ καθ’ ὅσον ἑκάστῳ τισ ἰσχὺσ καὶ δύναμισ ἦν προθύμωσ ἐβοήθουν τῇ πατρίδι.

οὐ μέντοι ἐπὶ πολύν γε χρόνον τοῖσ δεινοῖσ ἀντεῖχον, ἀλλ’ ἠναγκάσθησαν παραδιδόναι σφᾶσ αὐτοὺσ τοῖσ κεκρατηκόσι.

일치하는 문장이 없습니다.

SEARCH

MENU NAVIGATION