Dionysius of Halicarnassus, Antiquitates Romanae, Books IV-VI, book 6, chapter 14

(디오니시오스, Antiquitates Romanae, Books IV-VI, book 6, chapter 14)

ὁ δὲ Ποστόμιοσ ἐκείνην μὲν τὴν νύκτα κατεστρατοπέδευσεν ἐν τῷ πεδίῳ, τῇ δ’ ἑξῆσ ἡμέρᾳ στεφανώσασ τοὺσ ἀριστεύσαντασ ἐν τῇ μάχῃ καὶ τοὺσ αἰχμαλώτουσ φυλάττεσθαι διαδοὺσ ἔθυε τὰ νικητήρια τοῖσ θεοῖσ. ἔτι δ’ αὐτῷ τὸν στέφανον ἐπικειμένῳ καὶ τὰσ ὑπερπύρουσ ἀπαρχὰσ τοῖσ βωμοῖσ ἐπιτιθέντι σκοποί τινεσ ἀπὸ τῶν μετεώρων καταδραμόντεσ ἀγγέλλουσι πολέμιον ἐπὶ σφᾶσ ἐλαύνειν στρατόν. ἦν δ’ ἐκ τοῦ Οὐολούσκων ἔθνουσ ἐπίλεκτοσ ἀκμὴ σύμμαχοσ ἀπεσταλμένη Λατίνοισ, πρὶν ἢ τὴν μάχην αὐτῶν ἐπιτελεσθῆναι. ὡσ δὲ δὴ ταῦτ’ ἔγνω, χωρεῖν ἅπαντασ ἐκέλευσεν ἐπὶ τὰ ὅπλα καὶ μένειν ἐν τῷ χάρακι παρὰ ταῖσ ἰδίαισ ἕκαστον σημαίαισ σιγὴν καὶ κόσμον φυλάττοντασ, ἑώσ ἂν αὐτὸσ ἃ χρὴ πράττειν παραγγείλῃ.

οἱ δὲ τῶν Οὐολούσκων ἡγεμόνεσ ἐξ ἀπόπτου τῶν Ῥωμαίων παρεμβαλόντεσ ὡσ εἶδον μεστὸν μὲν τὸ πεδίον νεκρῶν, ὀρθοὺσ δὲ τοὺσ χάρακασ ἀμφοτέρουσ, προιόντα δ’ ἐκ τῶν ἐρυμάτων οὔτε πολέμιον οὔτε φίλον οὐδένα, τέωσ μὲν ἐθαύμαζον καὶ τίσ ἦν ἡ κατειληφυῖα τύχη τὰ πράγματα ἀπόρωσ εἶχον συμβάλλειν. ἐπεὶ δὲ παρὰ τῶν ἀνασωζομένων ἐκ τῆσ τροπῆσ ἅπαντα τὰ περὶ τὸν ἀγῶνα ἔμαθον, ἐσκόπουν μετὰ τῶν ἄλλων ἡγεμόνων, τί χρὴ πράττειν.

τοῖσ μὲν οὖν θρασυτάτοισ αὐτῶν ἐδόκει κράτιστον εἶναι χωρεῖν ἐπὶ τὸν χάρακα τῶν Ῥωμαίων ἐξ ἐφόδου, τέωσ πολλοὶ μὲν ἔκαμον ὑπὸ τραυμάτων, ἀπειρήκεσάν θ’ ἅπαντεσ ὑπὸ κόπου ὅπλα τε ἄχρηστα τοῖσ πλείστοισ ἦν, τὰ μὲν ἀπεστομωμένα τὰσ ἀκμάσ, τὰ δὲ κατεαγότα καὶ βοήθεια παρὰ τῶν οἴκοθεν ἀκραιφνὴσ οὔπω παρῆν οὐδεμία αὐτοῖσ, ἡ δὲ σφῶν αὐτῶν δύναμισ πολλή τε οὖσα καὶ ἀγαθὴ καὶ ὡπλισμένη καλῶσ ἐμπειροπόλεμόσ τε καὶ οὐ προσδεχομένοισ ἐξαπιναίωσ παροῦσα, φοβερὰ καὶ τοῖσ εὐτολμοτάτοισ φανήσεσθαι ἔμελλε.

일치하는 문장이 없습니다.

SEARCH

MENU NAVIGATION