Dionysius of Halicarnassus, Antiquitates Romanae, Books IV-VI, book 6, chapter 89

(디오니시오스, Antiquitates Romanae, Books IV-VI, book 6, chapter 89)

τῇ δ’ ἑξῆσ ἡμέρᾳ παρῆσαν μὲν οἱ περὶ τὸν Βροῦτον πεποιημένοι τὰσ πρὸσ τὴν βουλὴν συνθήκασ διὰ τῶν εἰρηνοδικῶν, οὓσ καλοῦσι Ῥωμαῖοι Φητιάλεισ. νεμηθεὶσ δ’ ὁ δῆμοσ εἰσ τὰσ τότε οὔσασ φράτρασ, ἢ ὅπωσ βούλεταί τισ αὐτὰσ προσαγορεύειν, ἃσ ἐκεῖνοι καλοῦσι κουρίασ, ἄρχοντασ ἐνιαυσίουσ ἀποδεικνύουσι τούσδε· καὶ ἔτι πρὸσ τούτοισ Γάιον καὶ Πόπλιον Λικιννίουσ καὶ Γάιον Οὐισκέλλιον Ῥοῦγαν.

οὗτοι τὴν δημαρχικὴν ἐξουσίαν πρῶτοι παρέλαβον οἱ πέντε ἄνδρεσ ἡμέρᾳ τετάρτῃ πρότερον εἰδῶν Δεκεμβρίων, ὥσπερ καὶ μέχρι τοῦ καθ’ ἡμᾶσ χρόνου γίνεται.

τελεσθεισῶν δὲ τῶν ἀρχαιρεσιῶν τοῖσ μὲν παρὰ τῆσ βουλῆσ ἥκουσι καλῶσ ἔχειν ἐδόκει πάντα, περὶ ὧν ἀπεστάλησαν· ὁ δὲ Βροῦτοσ ἐκκλησίαν συναγαγὼν συνεβούλευε τοῖσ δημόταισ ἱερὰν καὶ ἄσυλον ἀποδεῖξαι τὴν ἀρχὴν νόμῳ τε καὶ ὁρ́κῳ βεβαιώσαντασ αὐτῇ τὸ ἀσφαλέσ. ἐδόκει ταῦτα πᾶσι, καὶ γράφεται πρὸσ αὐτοῦ καὶ τῶν συναρχόντων ὅδε ὁ νόμοσ· δήμαρχον ἄκοντα, ὥσπερ ἕνα τῶν πολλῶν, μηδεὶσ μηδὲν ἀναγκαζέτω δρᾶν μηδὲ μαστιγούτω μηδ’ ἐπιταττέτω μαστιγοῦν ἑτέρῳ μηδ’ ἀποκτιννύτω μηδ’ ἀποκτείνειν κελευέτω.

ἐὰν δέ τισ τῶν ἀπηγορευμένων τι ποιήσῃ, ἐξάγιστοσ ἔστω, καὶ τὰ χρήματα αὐτοῦ Δήμητροσ ἱερά, καὶ ὁ κτείνασ τινὰ τῶν ταῦτ’ εἰργασμένων φόνου καθαρὸσ ἔστω. καὶ ἵνα μηδὲ τὸ λοιπὸν τῷ δήμῳ ἐξουσία γένηται καταπαῦσαι τόνδε τὸν νόμον, ἀλλ’ εἰσ ἅπαντα τὸν χρόνον ἀκίνητοσ διαμείνῃ, πάντασ ἐτάχθη Ῥωμαίουσ ὀμόσαι καθ’ ἱερῶν ἦ μὴν χρήσεσθαι τῷ νόμῳ καὶ αὐτοὺσ καὶ ἐγγόνουσ τὸν ἀεὶ χρόνον, ἀρά τε τῷ ὁρ́κῳ προσετέθη, τοῖσ μὲν ἐμπεδοῦσι τοὺσ θεοὺσ τοὺσ οὐρανίουσ ἵλεωσ εἶναι καὶ δαίμονασ τοὺσ καταχθονίουσ, τοῖσ δὲ παραβαίνουσιν ἐναντία καὶ τὰ παρὰ θεῶν γίνεσθαι καὶ τὰ παρὰ δαιμόνων ὡσ ἄγει τῷ μεγίστῳ ἐνόχοισ.

ἐκ τούτων κατέστη τοῖσ Ῥωμαίοισ ἔθοσ τὰ τῶν δημάρχων σώματα ἱερὰ εἶναι καὶ παναγῆ, καὶ μέχρι τοῦ καθ’ ἡμᾶσ χρόνου διαμένει.

일치하는 문장이 없습니다.

SEARCH

MENU NAVIGATION