헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 6, chapter 94)

τῇ δ’ ἑξῆσ ἡμέρᾳ συγκαλέσασ ὁ Πόστουμοσ εἰσ ἐκκλησίαν τὸν στρατὸν ἔπαινον τοῦ Μαρκίου διεξῆλθε πολὺν καὶ στεφάνοισ αὐτὸν ἀριστείοισ ἀνέδησεν ἀμφοτέρων χαριστήρια τῶν ἀγώνων ἀποδιδούσ. ἐπισήμοισ κεκοσμημένῳ καὶ δέκα σώμασιν αἰχμαλώτοισ, ἐπ’ ἐκείνῳ ποιήσασ, οὕσ βούλοιτο λαβεῖν, ἀργυρίῳ τε, ὅσον ἂν ἐξενέγκασθαι δύναιτο αὐτόσ, καὶ ἀπὸ τῆσ ἄλλησ λείασ πολλαῖσ καὶ καλαῖσ ἀπαρχαῖσ.

βοῆσ δὲ γενομένησ ἐξ ἁπάντων μεγάλησ, ὡσ ἂν ἐπαινούντων τε καὶ συνηδομένων, προσελθὼν ὁ Μάρκιοσ τῷ τε ὑπάτῳ χάριν εἰδέναι μεγάλην ἔφη καὶ τοῖσ ἄλλοισ ἅπασιν ἐπὶ ταῖσ τιμαῖσ, ὧν αὐτὸν ἠξίουν·

οὐ μέντοι καταχρήσεσθαί γ’ αὐταῖσ, ἀρκεσθήσεσθαι δὲ τῷ θ’ ἵππῳ τῆσ λαμπρότητοσ τῶν σημείων ἕνεκεν καὶ ἑνὶ αἰχμαλώτῳ, ὃσ ἔτυχεν αὐτῷ ξένοσ ὤν. οἱ δὲ στρατιῶται καὶ πρότερον ἀγάμενοι τὸν ἄνδρα τῆσ γενναιότητοσ, ἔτι μᾶλλον ἐθαύμασαν τῆσ ὑπεροψίασ τοῦ πλούτου καὶ ὅτι μετρίωσ ἤνεγκε τὴν τοσαύτην εὐτυχίαν. ἐκ τούτου Κοριολανὸσ ἐπεκλήθη τοῦ ἔργου, καὶ πάντων ἐγεγόνει τῶν κατὰ τὴν αὐτὴν ἡλικίαν ἐπιφανέστατοσ. τῆσ δὲ πρὸσ τοὺσ Ἀντιάτασ μάχησ τοῦτο λαβούσησ τὸ τέλοσ αἱ λοιπαὶ τῶν Οὐολούσκων πόλεισ διελύοντο τὴν πρὸσ τοὺσ Ῥωμαίουσ ἔχθραν, καὶ ὅσοι τὰ ὅμοια ἐκείνοισ ἐφρόνουν, οἵ τ’ ἐν τοῖσ ὅπλοισ ἤδη ὄντεσ, καὶ οἱ παρασκευαζόμενοι τὸν πόλεμον ἐπέπαυντο.

οἷσ ἅπασιν ὁ Πόστουμοσ ἐπιεικῶσ χρησάμενοσ, ἀνέστρεψεν ἐπὶ τὰ οἰκεῖα, καὶ διαφῆκε τὴν στρατιάν.

Κάσσιοσ δ’ ὁ ἕτεροσ τῶν ὑπάτων ὁ καταλειφθεὶσ ἐν τῇ Ῥώμῃ τὸν νεὼν τῆσ τε Δήμητροσ καὶ Διονύσου καὶ Κόρησ ἐν τῷ μεταξὺ χρόνῳ καθιέρωσεν, ὅσ ἐστιν ἐπὶ τοῖσ τέρμασι τοῦ μεγίστου τῶν ἱπποδρόμων ὑπὲρ αὐτὰσ ἱδρυμένοσ τὰσ ἀφέσεισ, εὐξαμένου μὲν αὐτὸν Αὔλου Ποστουμίου τοῦ δικτάτοροσ ὑπὲρ τῆσ πόλεωσ ἀναθήσειν τοῖσ θεοῖσ, καθ’ ὃν χρόνον ἔμελλεν ἀγωνίζεσθαι πρὸσ τὴν Λατίνων στρατιάν, τῆσ τε βουλῆσ μετὰ τὸ νίκημα τὴν κατασκευὴν αὐτοῦ ψηφισαμένησ ἐκ τῶν λαφύρων ποιήσασθαι πᾶσαν, τότε δὲ τοῦ ἔργου λαβόντοσ τὴν συντέλειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 6, chapter 94

(디오니시오스, Antiquitates Romanae, Books IV-VI, book 6, chapter 94)

상위

목록

SEARCH

MENU NAVIGATION